525 Like
6 Dislike
鈴聲可以寧靜
2020-06-05 23:15:24
咁都叫大仆街?唔通放唔低個ex都要同沈卓怡發展?
乒乓小旋風
2020-06-05 23:17:03
一早放唔低就唔好開始啦
明明自己仲等緊罐菠蘿到期
又要問第二個女仔鐘唔鐘意食菠蘿
鈴聲可以寧靜
2020-06-05 23:23:06
係嘅 起碼佢而家收緊手 唔係存心呃沈卓怡
大佬震波
2020-06-06 01:16:16
都話其實自己諗嘅悲觀從來都來自太樂觀
岩瀨健III
2020-06-06 01:35:51
祖赫特
2020-06-06 03:05:21
lm
矮有罪咩
2020-06-06 03:55:56
我覺得世上係冇happy ending,happy ending 只係比你睇到當下一齊咗嘅快樂,世上係冇永遠,ending嘅背後都會經歷到分手
努力過活拼命無恙
2020-06-06 04:03:36
呢首歌我已經不斷loop咗幾個月
風砂轉轉轉
2020-06-06 08:09:04
樓主諗住幾時結局?
我總會把你戒掉.
2020-06-06 08:18:54
依首歌對我黎講有故事
金秋
2020-06-06 13:55:13
我很想笑,笑自己今早的悲觀,原來都太樂觀了。
完全明白
乘夏抽花
2020-06-06 16:14:59
劉明
比人追住黎含
2020-06-06 17:41:09
你嘅文字 睇到我個心好痛
揪住揪住咁
大帝1996
2020-06-06 18:55:29
好想瘋狂同樓主盡訴心中情
乳陰服務熱線
2020-06-06 19:43:36
都快㗎啦,今次呢個好短
我今晚夜少少會出一更文
乳陰服務熱線
2020-06-06 21:01:35
最後我還是沒有下車,深水埗始終不是我的地頭。
我搭到了總站荃灣,便向著海濱公園方向走。
靜謐美好的海浪是我沉澱的良方,總會讓我雜亂的思緒添上一份安寧。
我特別喜歡深夜的海,好像一片無盡的黑色在緩緩流動。
從白晝換成黑夜,沈卓怡始終沒有回覆過我。
我不敢揣摩太多她的悲和憤,因為無論如何都是我無法補償的。
雖然和她相處很自在,我們應該可以當個志趣相投的朋友;但現在好像已經無法還原退一步的關係吧。
我嘗試幻想與她再次碰面的場景,最後總是返到那一夜在山頭上的片段。
可能我不夠豁達,居然對吻了一個女人而不知所措。
我喜歡過她嗎?我反覆地盤問自己。
手上提著的煙蒂在思考期間幾乎燒光了,灰燼直墮大海、無影無蹤。
我從銀包裡抽出兩張一早買好的電影門票,握在手裡一直盯著看。
就算我有赴約去看電影,九十分鐘也不過是短暫的快樂,散場後的結果也是一樣吧。
我燃起火光,從門票最角落的位置開始燒。
由一張有價值的門票變成空氣中飄浮的灰燼,原來可以很快。
乳陰服務熱線
2020-06-06 21:02:14
—————————
我沒有選擇回家,而是再次爬上那座山頭,躲進曾經擁抱過何加勤的無人之境。
特意選擇在午夜到訪,可以避開上來拍照打卡的人潮。
今晚的月光罩著一層薄霧,形成了一個朦朧的圓形,連顏色也看不清楚。
月亮同樣地掛在大樹之上,樹影下只剩下我一人。
我每逢失落就會跑到遠離塵囂的一處,通常都是海邊;然後靜靜地不說話,抽煙抽到嘴乾了,我就會走。
這晚我沒有往海邊跑,而往山上走,某程度是我死心不息想尋找當晚的餘溫會否仍瀰漫在周邊的空氣裡。
我想感受多一遍,哪怕只剩少許也好。
我呼第一口煙時,覺得自己太神經,居然為了一個相識數天的人耿耿於懷。
大概是久違沒有異性親近,加上他的志趣喜好與我貼近,我幾乎是一擊即潰地被他攻陷,內心防禦完全失守。
乳陰服務熱線
2020-06-06 21:02:35
我不斷回想由相識至今的一字一句,其實他在想甚麼?
我的失落並不是因為我真的很喜歡他,幾天不會令我徹底地愛上一個人。
當兩個寂寞的人相遇相知,我以為有人願意陪我止下腳步、暫時放下這份寂寞,一起當個沉溺於短暫快樂的人。
我們都應該曾經共同沉淪在弗洛蒙的氛圍當中,才會有那一夜濕濕的回憶。
我相信是有的。
殊不知踏進了他的漩渦,他才驟然地退後,然後讓我一個人在漩渦裡轉圈。
繼續一起沉淪不好嗎?
為什麼要撇掉同病相憐的我逃跑去了?
呼,我又抽出一根煙,裡面仍有十多枝,看來今晚是個長久的夜晚。
今晚的風依然吹得清勁,我的頭髮一樣被吹凌亂不堪,夜色同樣地平靜;
今晚整個山頭都是屬於我的,唯獨缺了當晚相依相偎的何加勤。
乳陰服務熱線
2020-06-06 21:03:16
————————
「喂,你同菠蘿妹無咗喇?」第二晚杜亦言找我喝酒,我想也不想就赴約了。
「咩啊,咩菠蘿妹啊。」我想女人之間的消息互通比男人更快更頻密,杜亦言的朋友應該都跟他說得七七八八吧。
「仲扮嘢?你知嘅,嘻嘻。」他又把手臂圈住我的頸,然後繼續說:「你快撚啲講啦仆街。點啫,唔係好地地咩。」
身後的一枱很嘈吵,一直在大吵大喊著十五二十之類的說話,令我無法以正常聲線溝通。
「無咩點啊,覺得做朋友幾夾啊。」我在他耳邊說。因不知從何說起,唯有這樣說。
「咁你唔去睇戲?」他又問。
「唔知點對佢好啊,見到面好似怪怪地。」我拓著頭看著酒杯,然後拿起在手上搖晃著。
「朋友都睇得戲㗎嘛,拖下錫下好閒啫屌,又唔使擺酒,啱唔啱先。」他一貫的口吻就是如此輕佻。
乳陰服務熱線
2020-06-06 21:03:37
我聽罷忍不住笑了出來:「係,呢方面你叻啲。咁我唔通繼續同佢close咩?好似有啲衰。」
「唔係衰,呢啲叫各取所需。」他理直氣壯地說。
「痴線,使唔使押哂韻咁。」杜亦言的個性總會令我放鬆不少,我又笑了。
「你諗你啦,有得食都唔食,戇鳩鳩咁。」他只說了這句,我們便沒有再繼續於這個問題上打轉。
我心裡一直在想,到底我應否找回沈卓怡。
乳陰服務熱線
2020-06-06 21:04:10
————————
「吓,咁撚pussy?」Faye聽到我沒有跟何加勤看電影後,第一個反應依舊是誇張的:「真係無諗過連呢場都唔同你睇喎。」
「係啊,我都估唔到。」我只能苦笑著,然後又是馬拉松式地點煙、抽煙。
「不過講真啦,本身以為你哋幾夾,I mean你哋係同一個vibe嘅人。」
「我都以為?不過唔知啦,可能一切都係我以為,人哋未必咁諗呢。」我聳聳肩。
「唔夾就唔會問你鍾唔鍾意食菠蘿啦,吓話。」她帶著疑問地說。
「唔好提啦,我戇鳩啫,咁都信。」我有點尷尬,一想起這可能只是一時半刻的戲言,我就覺得很難堪。
「正常人都受落啦,有咩戇鳩呀。佢先戇鳩,講完呢啲嘢又咁撚快變哂咁。」她替我抱不平,因為她很明白我的痛處。
乳陰服務熱線
2020-06-06 21:04:35
「唉,唔知啊。」我凝望著夜空,想著何加勤會否正看著同一個月亮。
「你又寂寞,佢又寂寞,點解唔繼續呢?我唔明囉。」她高聲地說。
「錫完覺得唔啱feel掛。」我又自嘲地說。
「唔啱feel又拖住你?」
「其實拖唔拖我無所謂,我都係介意佢講過嘅嘢啫。」我低著頭說。
「證明男人講嘅嘢唔好咁放上心。佢咁嘅態度,就算有睇到場戲都好啦,你哋同套戲一樣,都係睇完就算㗎啦。」她語重心長地說,難聽但又似乎很真誠。
「都,都係嘅......」我唯有附和。
「你都係想有人陪啫,去玩吓tinder溝吓其他仔囉,啲仔正啊。」她馬上眉飛色舞地講。
「不了,我都話唔會玩tinder囉。」
「總之佢咁Pussy,佢再搵你,唔好理佢。」她最後這樣說。
雖然我表面上和faye繼續聊著其他話題,不過內心依舊想著他,就像一個解不開的結,總令我無法釋懷。
乳陰服務熱線
2020-06-06 21:05:14
今晚嘅文係咁多了
祝大家有個愉快嘅星期六
夢中見
2020-06-06 21:06:56
Live咗
一㩒就有文
景行
2020-06-06 21:52:38
睇完唔知講咩好