44 Like
2 Dislike
冬撈都鑊
2020-03-11 08:52:54
滅團
bedGeroge
2020-03-12 01:03:37
「砰!」
迅雷不及掩耳之間,槍聲響起。
下一秒,Eric額頭上多左一個五毫紙硬幣咁大個嘅紅色血洞,另有鮮血濺到旁邊另外四個男仔嘅面上。
隨即,Eric整個人向後倒下,嗰粒帶血嘅子彈頭「噹」一聲跌落喺地下。
當場死亡。
在場所有人都睇到呆左,但未等佢地反應過嚟,八個警察向住佢地一齊開槍。
「砰砰砰砰砰——」
第二第三第四下第五下槍聲接連響起。
企得比較前嘅嗰四個男仔、Monica同埋三個學生妹逐一中槍倒地,血漿四濺。
「快趴低!」施政傑大嗌。
其他人即刻趴落地下,慌張閃避。
豹哥只係走慢一步,幾個警察就瞄準佢嚟開槍。
旁邊嘅肥龍同瘦虎諗都唔諗,立刻撲過去,用個背脊幫豹哥擋住子彈。
「啊!!!」二人中槍後,同時發出痛苦嘅哀嚎。
子彈射中肉身所濺出嘅鮮血,喺二人嘅衣服上化開,形成朵朵血花。
「大佬,快啲走…」肥龍、瘦虎同豹哥講。
「砰砰砰—」班警察繼續亂槍掃射。
地庫鋪頭嘅櫥窗、堆疊嘅汽車電池,以及兩盞落地燈同風扇統統被射爆曬。
無左落地燈嘅燈光,地庫變得昏暗,剩低嘅只有長槍射擊時閃現嘅火光。
肥龍同瘦虎一直護住豹哥,以肉身幫對方抵擋子彈。
瘦虎嘴裡吐血,身受多處槍傷:「大佬…快走…呢度有我地擋住…」。
「你地...我...」豹哥口震震,講唔出任何說話,個心有種撕裂般嘅痛。
「快…快走…」肥龍搭住豹哥膊頭講。
最後,二人用盡埋最後一道力推走豹哥,跟住轉身撲埋去班警察度。
佢地想藉此嚟引開警察嘅注意,等豹哥有機會逃走。
「唔好呀!」豹哥伸手拉住佢地,可惜卻抓唔住。
「砰砰砰—」
二人慘成活靶,全身上下俾射成「蜜蜂巢」。
「肥龍! 瘦虎!」
兩個兄弟喺自己面前俾警察亂槍射死左,豹哥嬲到成個人震曬:「你班打靶仔死差佬!我同你地死過!」
佢想衝上去同班警察搏命,但呢個時候,喪屍仔突然從後用力拉住佢,夾硬拉走左佢,將佢帶到入走廊。
「砰砰砰—」警察射完一大輪,射到無子彈。
「無曬聲氣,係咪死q曬啦?」一名警察問。
「開燈照下咪知囉!」另一名警察講。
跟住兩名警察著起白光燈,照一照四周圍。
佢地幾個數一數中左槍訓低嘅人,發覺好似唔係好啱數,於是換上新子彈,再舉起槍,到處搜索一下。
而呢一刻,施政傑等人匿埋喺走廊中間一間雜貨店裡面。
柔柔左腳大髀中左槍,家陣血流不止。
佢雙手掩住傷口,表情十分痛苦。
張火石同施政傑喺鋪頭入面左摷右摷,最後搵到左兩塊布同橡筋,佢地馬上幫柔柔扎住個傷口,暫時勉強可以幫佢止到一陣血。
Simon就驚到腳震,猛咁問點算:「仆街啦屌!班差佬做乜撚鳩發曬癲咁開槍射我地?今次點算呀?」
「屌佢老母!我要出去『隊冧』班死差佬,我一定要幫肥龍同瘦虎報仇!」豹哥咬牙切齒,想衝出殺死班警察。
「傻架咩,佢地有槍架,你乜都無就咁行出去,想送死咩?」施政傑拉住豹哥。
「仆街!佢地殺左我兩個兄弟呀!」豹哥眼泛淚光。
「我明白你嘅心情,但你咁樣行出盞送死,一樣係幫唔到佢地報仇架。」施政傑對住豹哥講。
「砰砰砰!」
同雜貨鋪相隔兩個鋪位嘅瑜伽室響起槍聲。
入面嗰對年老嘅夫婦無法倖免,俾幾個警察掃射而死。
bedGeroge
2020-03-12 01:55:32
隨住逐漸靠近嘅腳步聲,Simon越嚟越驚恐:「弊啦!班死差佬殺到嚟啦!」
「屌!橫死掂死,一於衝出去同班仆街死過!」豹哥情緒激動,內心仍然為肥龍同瘦虎嘅死而感到極度悲憤。
「豹哥,冷靜啲啦,我地雙方武力唔對等,你打唔過佢地架。」施政傑同豹哥講。
「班死差佬究竟黐左邊條線,我地又唔係喪屍,做乜鳩開槍射我地呀屌!」Simon神經繃緊,手心冒汗,「呢次真係仆街啦,睇嚟我地今次真係玩完。」
「唔好自亂陣腳,大家先冷靜落嚟,一齊諗下有無方法離開商場。」受傷嘅柔柔面青口唇白,睇落好虛弱。
施政傑深呼吸一啖氣,腦海不斷思考有咩辦法化解眼前嘅危機。
佢地依家嘅武器只得張火石手上嘅斧頭同柔柔嘅長鐵通,單憑呢兩樣嘢根本鬥唔過班警察。
唯一勉強能夠同班警察抗衡嘅,就只有旁邊靜止不動嘅喪屍仔。
「大家諗到『橋』未?」Simon心急如焚。
「辦法有一個,但唔知work唔work。」施政傑話。
「咩辦法呀?」Simon追問。
「我地手頭上有隻喪屍仔,不如叫佢出去引開班差佬,然之後我地趁機跑出去,從走廊後面個防火通道逃走。」
「但班警察火力咁猛,我估佢地幾下就射低隻喪屍,好難引得開佢地。」柔柔話。
「唉,都係嘅,佢地火力咁猛,得一隻喪屍仔,應該都鬥唔過。」施政傑感到沮喪。
「踏踏—」腳步聲越嚟越接近。
「頂!唔理咁多啦,班人殺到埋身,我地點都要博一博!」
Simon拎起iPhone,對住屏幕發出指令:「喪屍仔,你同我行出門口,轉右踏前十步,一見到有人就即刻咬班仆街。唔係唔係,講錯左,你咬人得啦,唔洗仆街。」
喪屍仔按照指示,向前行出門口。
不過,佢仲未轉右踏前,走廊上就傳來痛苦嘅叫聲:
「啊!!!」
「大獲!有喪屍!」
「快啲搞掂佢地先!」
原來喺班警察搜索緊嘅同時,街外一大班喪屍已經不知不覺咁入左嚟商場。
原本商場有度玻璃門隔住,但班警察入嚟嗰時候打爛左玻璃門,令到商場變成「無掩雞籠」。
一行十幾隻喪屍喺走廊上圍攻八名持槍警察。
「班差佬俾班喪屍纏住,我地快啲趁機走啦!」施政傑探頭一望出走廊。
張火石立刻孭起受傷嘅柔柔,帶頭衝出門口。
五人拔足狂奔,往走廊最盡頭處嘅防火門逃生。
只但係豹哥仍心感不忿,想返去幫肥龍同瘦虎報仇:「唔得!我唔可以就咁走左去,瘦虎同肥龍嘅仇,我今日一定要報!」
豹哥搶走張火石掛喺腰間嘅斧頭,然後跑返轉頭。
「豹哥,唔好呀!」施政傑拉都拉唔住。
「傑仔,唔好理佢啦,走啦!」Simon同施政傑講。
「但係…」
「唔好但係啦,我地都自身難保,再唔走無機會架啦!」Simon往前跑,但張火石停左喺度,擋住左去路。
「做咩停左喺度?」Simon問。
「前面有喪屍…」柔柔指住前方。
有一大班喪屍推開防火門,行緊入嚟商場,數量至少有二十隻。
「頂!個all-back頭仔肯定又唔記得閂防火門,搞到引左班喪屍入嚟!」Simon痛罵。
呢刻前有喪屍,後有警察,佢地幾個進退失據。
施政傑諗左一陣,然後話:「返轉頭!我地返轉頭!」。
「下?返轉頭?」Simon有啲不知所措。
「我地先返轉頭救豹哥,然後一齊由正門衝出去!」施政傑話音剛落,調頭就跑。
「喂,傑仔,等...」Simon叫都叫唔住。
張火石認同施政傑所講嘅說話,於是乎就孭住柔柔調頭返去救豹哥。
「喂!等埋我呀喂!」Simon亦都跟大隊返轉頭。
Karl_Franz
2020-03-12 11:55:39
車震緊可能
Karl_Franz
2020-03-12 12:46:37
一夜團滅
講感情傷感情
2020-03-12 17:38:00
仲以為Monica會有甜,點知咁就死撚咗
抗戰義士
2020-03-12 17:59:22
推
bedGeroge
2020-03-12 18:50:50
無啦,要屌一早就屌左
Karl_Franz
2020-03-12 21:34:11
bedGeroge
2020-03-13 00:03:38
星期四無文,訓前一推
Karl_Franz
2020-03-13 01:04:46
支持下樓主
椒鹽蝦米
2020-03-13 01:11:22
寫得唔錯
bedGeroge
2020-03-13 09:15:25
多謝支持,今晚update
bedGeroge
2020-03-13 09:15:48
Karl_Franz
2020-03-13 09:55:41
蟹子壽司
2020-03-13 13:07:08
幾好睇
冬撈都鑊
2020-03-13 13:45:23
柔柔
你係咪有幻覺
2020-03-13 22:05:31
死黑警
椒鹽蝦米
2020-03-14 02:05:20
仲以為有得睇斬斷左隻手嗰個黑警會比喪屍慢慢玩弄
bedGeroge
2020-03-14 02:31:19
豹哥垂頭落淚,透明嘅淚珠像落雨般滴落地上。
一諗起肥龍、瘦虎俾射殺時嘅畫面,佢就傷心欲絕。
佢接受唔到相伴超過二十年嘅兄弟咁樣俾人殺死左。
佢接受唔到嗰一肥一瘦嘅身影從此喺佢身邊消失。
佢接受唔到以後都無機會再聽到二人嗌佢一聲「大佬」。
豹哥好少喊,亦好少喺人面前喊,但肥龍、瘦虎嘅死對佢打擊實在太大,令到佢淚流不止,喊到收唔到聲。
施政傑佢地行到豹哥身邊,想安慰但唔知講咩好,對於肥龍同瘦虎嘅死,佢地都感到難過。
雖然相識得唔算耐,但佢地都對二人有一份感情,畢竟大家曾經都一齊住埋一個監倉,一齊俾光頭陳sir恰過,亦一齊打過喪屍,算係同過生共過死嘅朋友。
豹哥喊左大約十分鐘先慢慢停落嚟,但心情仍未能平復。
同一時候,張火石發現孭喺背脊上嘅柔柔好似暈低左:「柔柔?柔柔?阿妹你快醒下!」
施政傑行過去細細力拍一拍柔柔,但對方毫無反應:「大獲!柔柔好似昏迷左。」
佢地見到柔柔大髀上嘅槍傷不斷滲出血,連張火石條褲都沾上佢嘅血,睇嚟佢應該係因為失血過多而陷入昏迷。
張火石即刻放低柔柔,並撕爛自己件衫,用布條再勒緊柔柔嘅大髀,盡量唔俾啲血再流出嚟。
「柔柔嘅情況不妙,我地要盡快搵個安全啲嘅地方匿埋先,然後再諗方法幫佢攞粒子彈出嚟。」張火石話。
「咁我地要快啲離開呢度先。」施政傑講。
「但係邊度有地方係安全?」Simon問。
施政傑思考左幾秒答:「有,林伯屋企,我地去林伯屋企。」
「啱,林伯應該肯收留我地。」張火石同意施政傑嘅提議。
佢地幾個坐言起行,立即出發。
經過地庫中心位置嘅時候,地上都係死去同伴嘅屍體。
豹哥搵左兩塊布,用嚟冚住肥龍同瘦虎嘅屍首。
「肥龍、瘦虎,一路好走。放心啦你地大佬我會好好照顧自己,唔洗擔心我架,你地安心上路啦…」話講到一半,豹哥又忍唔住低聲啜泣。
Simon行去睇下Monica,原本就嚟得手嘅「獵物」就咁瓜左老襯,佢感到十分惋惜同傷心。
再望真啲,佢見到Monica個胸中左槍,但呢個唔係重點,重點係對波好似縮左水咁。
「哎呀!我頂呀!乜Monica原來係『打假波』,我仲以為佢真係咁大波,原來只係裝左兩個鹽水袋喺心口,豈有此理,咁都俾佢呃左!」
「唔好講咁多,快啲行啦你!」施政傑掹走Simon。
張火石行到豹哥身邊:「豹哥,我地都行啦。」
豹哥點點頭,望埋肥龍同瘦虎最後一眼,黯然地轉身離開。
行出商場後,佢地就往林伯屋企方向出發。
bedGeroge
2020-03-14 02:36:04
頭盤黎啫,陸續有來
椒鹽蝦米
2020-03-14 02:37:02
期待
CYP2D6
2020-03-14 07:58:52
咁佢地有冇執咗班警賊嘅槍