《監獄•喪屍•反擊戰》

開始有爛尾feel

※ ※ ※


警務處指揮中心內，多個熒幕顯示緊前線警察喺港島執勤嘅情況。

其中三部熒幕拍到十個幾警察被喪屍捉住，並大聲求救嘅畫面：

「處長！快救我地呀處長！救命……」

畫面一黑。

「咩事！點解嗰邊無左畫面架？」警務處處長好緊張咁問。

「Sir，嗰三部無人機應該受到損壞，所以無左畫面。」一名監察住屏幕嘅操作員話。

「發生咩事？點會無端端受到損壞？快playback返去睇下咩事！」處長命令。

該名操作員想將畫面推前，但唔成功：「Sir，睇黎嗰幾部機損毀程度太嚴重，睇唔返損毀前嘅畫面。」

「再試下啦！」

「Yes,sir。」

個操作員再嘗試回放，大概搞左大約十五分鐘，三部無人機只可以playback睇得返墜落前一秒嘅畫面，而且仲係好「濛查查」。

一個部機拍到有警察俾喪屍捉住，第二部機影到施政傑、豹哥、Simon同張火石嘅頭頂，第三部離遠影到四人嘅正面。

「好濛喎，仲out曬focus咁，呢幾個藍色制服嘅係咪我地夥記？」處長問。

「Er…應該係…」操作員回答。

處長哄埋個mon望一望：「咁佢地後面係咪喪屍？睇真啲，佢地好似俾喪屍抓左咁？同埋，另外影到呢四個人係咩人嚟？」

「Sir...呢個…我都唔知呀…」

「頂！你真係無鬼用，咁呢三架無人機嘅位置喺邊度？」

「應該係銅鑼灣希慎廣場。」操作員答。

「咁我地快派附近嘅機去睇下。」

「但今日銅鑼灣好似淨係派左三架機，而離希慎最近嘅機喺灣仔會展，依家正監察緊第十七小隊執行任務。」

「咁你即刻叫其他附近嘅夥記去嗰度睇下。」

操作員掃視一下面前咁多個熒幕：「Sir，我睇唔得，因為附近各個小隊都執行緊任務，有幾隊仲好似遇到生還者嘅劇烈反抗添。。」

「頂，咁算啦！我陣間叫總指揮陳中親自帶隊去睇下。」

到左夜晚。

負責整個屠城計劃嘅總指揮陳中，帶住幾個警員，嚟到西九龍警署同警務處處長匯報。

「阿中，咩情況呀？」處長斟茶俾陳中。

「Sir，係壞消息。我地去過希慎，裡面十三個警員全都倒地身亡，而且仲死得好難睇。」陳中皮膚黝黑，身形健碩，年紀大約四十出頭，係近年警隊冒升最快嘅警長。

「咩話？十三個死曬？」

「Yes，sir，喪生嘅係第二十三小隊、第三十小隊同第三十八小隊嘅警員。」

「咁其他人呢？三個小隊加埋無理由得十三人架？」

「其他人我地到依家都聯絡唔到，不過就喺附近搵到佢地啲警員證同配槍，雖然搵唔到佢地條屍，但我相信佢地已經遇害身亡。」

「Shit！點解呢個禮拜突然多左咁多夥記犧牲？」處長無法理解。

「Sir，我聽前線夥記講，佢地話好似有一班識得操控喪屍嘅生還者出沒，嗰班人利用喪屍去對付我地前線警員。」

「咩話？操縱喪屍？有無可能呀？」

陳中搖搖頭：「的確係有一班咁嘅人，佢地真係可以控制喪屍。」

「我當佢地真係利用到喪屍嚟幫手，但咁都唔驚呀，我地警員可以用冰霧對付架嘛，求其噴幾下就凍死班嘢啦。」

「聽講嗰班人唔知用咩方法幫喪屍抵消左冰霧。」

「唔撚係掛？嗰班咩人嚟架？」

「呢層我都唔係好清楚。」

「頂！你同我即刻叫其他人入嚟，我要睇曬呢個禮拜所有無人機嘅記錄！我要搵出係咩人喺度搞搞震！」處長命令。

加速！

一大班警察用左一日一夜嘅時間，睇曬全部無人機嘅錄影記錄，最後搵到三條片係拍到嗰幾個識得操控喪屍嘅人。

翌日，警務處處長同中聯辦領導、特首、同其他高官匯報此事，各人聽完都感到非常驚訝。

「我操！居然有人可以操控喪屍？他媽的這是什麼原理？」領導望住電腦屏幕上施政傑等人命令喪屍移動嘅畫面。

「這個我們也不知道，我只知道這班人在最近殺了我們好多同伴，所以領導，我們要盡快解決他們，不可以讓他們妨礙我們的『人屍滅絕計劃』。」處長話。

「你說的對，那你們找到他們的位置了嗎？」領導點起雪茄。

「找到了。」

「那還等什麼？他媽的趕快去幹掉他們呀！」

「領導，我想你批准我們用炮彈這些火力更大的武器去對付他們。」

「幹！為什麼？」

「因為那幫人幫喪屍加了防護，所以我們的冰霧已經不管用，必須要更大火力的武器去對付才行。」處長解釋。

「不行喎，用炮彈很容易傷到港島一些重要的建築物。」特首擔心。

「就是呀，萬一炮彈射歪了，射到我們黨的別墅，那你們怎麼賠？」領導呼出煙圈。

「放心，我們用無人機偷偷地視察過了，那些人躲的地方在北角，周圍都是幾十年樓齡的舊樓，附近也沒什麼重要的建築物，絕不會損害到黨的資產！」處長語氣肯定。

領導諗一諗，問下其他高官意見：「你們怎麼看？」

「如果都是舊樓，那就沒所謂呀，乾脆就把那些舊樓全炸掉，解封之後我們還可以把空地賣給地產商蓋新樓。」特首建議。

領導點點頭：「這主意好像不錯。不過，賣給地產商就不必了，直接給我們黨拿來蓋房子好了，哈哈！」

「其實舊樓炸了也無妨，反正我的物業都在半山，北角的樓都與我無關。」政務司司長話。

「我也沒意見，只要炸不到我的樓，什麼都可以。」保安局局長同其他官員都無意見。

「好，那就這樣決定。」領導同處長講，「我批准你們這次用炮彈、手榴彈等武器，總之搞定這幫礙事的傢伙後，你們要加快清除港島那些死不斷氣的人和喪屍，免得夜長夢多，懂不懂？」

「我知道，請你放心。」

「好，今天會議就開到這裡，沒什麼事我就回去了。」領導企起身。

「領導還有一點事…」特首叫停領導。

「什麼事？」

「之前九龍和新界一直有人上街示威要求我們政府交代港島的事，而我就按你老人家的辦法，動用國安法抓了搞事的人，可是效果好像一般，捉了一批人但還有另一批上街搞事。領導，我們下一步是不是該下令宵禁呢？」特首問。

「操！我看那些搞事的人不是要求什麼交代，而是他媽的想趁亂造反！你給我立刻頒布宵禁令，禁止所有人外出，我會安排一些解放軍去幫忙，等我們解決完港島這事，才慢慢和那些搞事的算賬。」

「遵命，我現在馬上就去做！」

五個鐘之後，特首頒布宵禁令，禁止所有九龍同新界嘅市民外出。

與此同時，警務處處長命令總指揮陳中帶一隊精銳部隊，出發去北角剿滅嗰班操控喪屍嘅人。

亦即係施政傑、豹哥、Simon同張火石等人。

今日更住咁多，明天繼續

極危險

總指揮係警長，即係藍衫三柴？
不過全部都係狗，唔洗分咁細

都是死

唔知有無特首被喪屍搞既劇情

期待下喪屍J

樓主，我們到了

文

※ ※ ※


傍晚時份，無電嘅港島，到處昏暗一片，只有北角一排唐樓著住燈光。

幾十名生還者被救後，跟住施政傑等人一齊喺老舊嘅唐樓落腳，佢地住喺樓上，而二百隻喪屍就安置喺樓下傢私鋪附近幾間地鋪。

只要出面一有咩風吹草動，喪屍就可以即刻出動。

食完飯，張火石唔知係咪食左啲過期罐頭，喺度絞肚痛，仲屙到七彩。

「阿哥，你無嘢嘛？個肚仲喺好痛呀？」柔柔喺廁所出面問踎喺入面嘅張火石。

「無…無事…」張火石掩住個肚行出廁所，但唔夠一秒又作肚痛，返入去再屙過。

「阿哥你好似好唔掂咁喎，洗唔洗食啲保濟丸呀？」柔柔問。

「好呀…你幫我問林伯有無藥...」

柔柔拿拿臨行落傢私鋪：「林伯，你有無保濟丸嗰類治肚痛嘅藥丸？」

「好似有， 等我搵下。」林伯喺雜物櫃摷到一個藥箱。。

「你阿哥仲屙緊呀？」施政傑問。

「仲屙緊呀，佢應該係啱先食左啲過期罐頭菠蘿，搞到依家肚屙。」

「食左過期嘢真係有排屙，我試過食左過期朱古力，嗰次屙到虛脫咁滯。」豹哥放一粒朱古力入口。

林伯喺嗰藥箱摷左一陣，搵到一盒正露丸：「你睇下有無過期？」

柔柔拎上手睇下，見到盒正露丸已經過左期三個月：「唔得呀，盒嘢過左期呀，林伯你仲有無其他藥箱呀？」

林伯搖搖頭：「無啦，我諗你要出去藥房搵下。」

「唉，咁無計啦，我唯有去啲藥房搵下啦。」柔柔除左拖鞋，換上溜冰鞋。

「柔柔，我陪埋你去，多個人多個照應，會無咁危險。」施政傑話。

「好呀。」

「唔爭在預埋我，我啲朱古力都食曬，都想去入返啲貨。」豹哥話。

好快三人換好鞋，準備出去，呢個時候Simon行入嚟：「你地幾個打算出去呀？」

「係呀，咁你啱先又過隔籬溝女呀？」豹哥問。

「關你鬼事！」

「車！唔講咪算，我地行先啦，費事同你講。」豹哥同另外二人行出鋪頭。

Simon入鋪頭問林伯，「林伯，你呢度有無condom，借幾個嚟洗下呀？」

「下？無喎，你睇我一把年紀，condom呢啲嘢一早就用唔著啦。」

「唔係掛，難得𠱁到隔籬條女搞嘢，家陣先話無condom，有無搞錯呀？」

「你依家追出去，叫傑仔佢地幫你帶返嚟咪得囉，或者你唔戴都得。」林伯同Simon講。

「唔戴點得架！」

Simon拿拿臨跑出去，截住施政傑佢地：「喂傑仔，等一等。」

「Simon有咩事呀？」

「傑仔，麻煩你幫手帶兩盒condom返嚟，唔該。」

「condom？」

「喂，你當傑仔係你工人呀？要買你就自己買！」豹哥插嘴。

「我又唔係叫你買，你搭咩嗲啫？」

「我就係睇唔過眼你成日點傑仔幫你買嘢，所以先出聲嘅，你有手有腳唔識自己去買？」豹哥話。

「你做咩下下jer到咁恆，係咪上次拔河輸俾我，條氣唔順呀？」Simon問。

「輸？邊有輸呀？明明係你輸左唔認輸。」

「收皮啦，係你輸左唔認渣。」

「你唔好調返轉啲嘢嚟講，明明係你輸…」

施政傑同柔柔靜靜雞行開，費事聽二人喺度嘈交。

豹哥同Simon拗足幾分鐘先發覺另外兩個人已經行遠，跟住急急腳咁追返上前。

然而，佢地四個出左去無幾耐，有一批來者不善嘅人出現，並重重包圍住唐樓對開嘅馬路。

推

又吊癮

呢班來者不善嘅人，就係總指揮陳中同一班重裝上陣嘅警察。

架設喺裝甲車上嘅兩盞巨型白光燈，照亮對面一排唐樓。

陳中拎住「大聲公」講：「入面嘅人聽住，你地已經俾我地警方包圍，在此我勸你唔好作無謂掙扎，準備受死！」

張火石屙屎屙到一半，聽到出面有聲，行落樓睇下，樓上其他生還者都探頭出窗望下。

林伯見到有警察，即刻將老婆同女兒兩隻喪屍收返入去衣櫃，然後打開電話，命令被安置喺旁邊一間地鋪嘅喪屍出動。

幾十隻喪屍慢慢從地鋪行緊出嚟，陳中果斷咁命令手下開炮攻擊。

嗰班警察托起幾支大炮，對準幾十隻喪屍，發射炮彈。

「BOOM！BOOM！BOOM！」

爆炸聲震耳欲聾，熊熊火焰同濃烈硝煙隨之迸發，火舌不斷向上流竄。

幾十喪屍當場俾炸到散曬，手手腳腳到處亂飛。

至於爆炸所產生嘅衝擊力令老舊嘅唐樓搖搖欲墜，住喺樓上嘅生還者驚慌咁跑落樓逃亡。

硝煙湧入傢私鋪，林伯撥開濃煙，搵曬其他人嘅電話，打開聲控app，命令全部喪屍出動。

百幾二百隻喪屍一齊蜂擁而出，朝住對面馬路湧過去。

班警察開恆槍炮，用埋手榴彈同火箭炮對住喪屍狂轟，短短幾分鐘之內，班喪屍被炸到散曬。

佢地全身支離破碎，得返啲手手腳腳喺地上躝下躝下咁。

陳中命令手下暫時停火，要佢地將嗰班落荒而逃嘅生還者從唐樓捉過嚟。

張火石嘗試反抗，可惜對方有槍，唔敢輕舉妄動。

幾十名生還者喺路上一字排開，每個人都俾警察用槍指住，所以唔敢亂郁。

啱先經過一大輪猛烈爆炸，原本幾座搖搖欲墜嘅唐樓終於都支撐唔住，統統冧曬落嚟。

林伯望住面前成棟樓徹底瓦解，大型石屎同鋼筋逐一塌曬落嚟，壓住傢私鋪。

「老婆！阿女！」

林伯推開兩個警察，衝入去救佢老婆同女兒，可惜已經太遲：「老婆...阿女...」

灰塵瀰漫四周，短短十秒之間，一排唐樓頓時變成廢墟。

望住眼前嘅廢墟，林伯傷心欲絕，一臉絕望。

相信傢私鋪入面嗰兩隻喪屍已經被塌落嚟嘅石屎，壓成「柿餅」。

兩名警察夾手夾腳捉返林伯返嚟。

等灰塵徹底散去，陳中點算一下人數，發覺少左無人機所拍到嘅三男一女，佢大聲問：「喂，你地唔係仲有三男一女架咩？佢地去左邊呀？」

一片沉默，無人回應。

「屌啦星！阿sir問你嘢都夠膽唔答？」

陳中指住林伯，好嬲咁問：「死老嘢，我嚟問你，仲有嗰四個人去左邊？」

林伯大受打擊，心情沉醉喺失去妻兒嘅悲痛中，陳中講嘅說話，佢一句聽唔入耳。

陳中毫不留手，一拳打落去林伯塊面：「屌你老母！問你嘢唔撚答？當我流架？」

林伯俾打到牙都甩埋，成口都係血，但佢仲喺一啲反應都無，眼角流淚，表情透露出嘅，係「生無可戀」呢四個字。

「就算你唔講，我遲早都搵到佢地出嚟，不過問題係，我問你嘢唔答，就令到我好撚火滾！」陳中狂毆林伯。

張火石睇唔過眼，企出嚟叫停陳中：「停手，你男人老狗恰個阿伯，知唔知醜架？」

「咦？你咪係幾年前轟動一時，喺擂台上打死人嗰個拳擊手？」陳中一眼就認出張火石。

佢慢慢行到去張火石面前：「香港史上第一個喺擂台上打死人嘅拳擊手，唔好講咁多，你同我出嚟隻抽，我要睇下你係咪真係咁好打！」

「如果我打得贏你，咁你係咪放曬我地咁多個？」張火石問。

「哈哈哈—」

陳中仰天大笑，笑笑下突然掹槍射中張火石左邊膊頭：「如果你咁都贏到我，我就放曬你地。」

張火石痛苦咁掩住不斷流血嘅傷口：「你好卑鄙...」

live

陳中叫手下四散開，讓出空位俾佢地對打。

「我就睇下係你嘅泰拳勁，定係我嘅跆拳道勁？」陳中摩拳擦掌。

張火石撕開身上嘅布，想先包住個傷口，但對方用迅雷不及掩耳之勢，率先向佢攻擊。

陳中一個高踢腿，踢中張火石個心口，呢一腳幾乎將對方踢跌：「點呀？我呢腳夠唔夠勁？」

張火石二話不說，馬上還擊。

佢連續幾下勾拳加膝頭飛撞，打到陳中避都避唔切，焗住硬食左幾下。

「呸！我唔信你真係咁好打！」陳中想嚟一招旋風踢反擊，但張火石輕鬆揮拳打走。

雖然張火石膊頭有傷，而且個肚仲痛緊，但佢每一招威力絲毫無減。

佢同陳中拳來腳往，互有攻守。喺千鈞一髮間，陳中就露出破綻。

張火石先一個轉身避開攻擊，再一個假動作扮出拳，實際係攻對方下路。

陳中小腹中左一腳，再俾對方嘅掃腿掃跌。

勝負已分。

身體情況不佳嘅張火石仍然輕鬆擊敗陳中。

「好嘢！壞人終於輸左啦！」嗰名六歲細路開心大嗌。

「我已經贏左，所以你要遵守承諾，要放左我地。」張火石同陳中講。

「我呸！我放你老母呀！」

講完，輸得唔忿氣嘅陳中掹起腰間嘅手槍，對住張火石瘋狂開火。

「砰砰砰砰砰—」

張火石閃避不及，子彈無情地穿透佢嘅身軀，鮮紅色嘅血漿飛濺到其他生還者嘅面上。

佢地個個人睇到呆左，嗰名六歲細路仲嚇到大喊。

張火石徐徐向後倒下，身軀多處中彈，鮮血染紅佢身體每一吋地方。

當日喺擂台上叱咤一時嘅拳擊手，當場斷氣身亡。

「哈！輕鬆搞掂一個！」

陳中換上新子彈，指住其他生還者話：「你地一個二個利用喪屍『隊冧』我咁多伙記，今日我就殺死曬你地班，幫佢地報仇！」

多名生還者跪地求饒，只有林伯用仇視嘅眼神望住陳中，嘴裡細細聲喺度講：「就係呢班撚樣炸冧左啲樓，害死我老婆同個女，我要呢班仆街墊屍底…」

「死老嘢？你睥乜撚嘢呀？我第一個就啪左你…」

陳中都未講完，林伯就成個人撲過去，箍住佢條頸：「係你班仆街炸冧左啲樓，砸死我老婆同個女，我要殺…」

「砰！砰！砰！」陳中對住林伯小腹連開三槍。

「死老嘢！撲埋嚟送死，咁我就成全你！」陳中再連續開多幾槍。

林伯奄奄一息，雙眼望住廢墟，仿佛想見妻兒最後一面，可惜無呢個機會了。

喺佢斷氣之前，佢用埋最後一道力，用手指公拉開手上手榴彈嘅保險線。

呢粒手榴彈係林伯啱先喺陳中腰間偷偷地攞嘅，亦係佢送俾呢班警察最後嘅「禮物」。

「BOOM！」一聲爆炸。企喺林伯附近陳中，雙腳當場被炸斷。

「我隻腳呀...我隻腳...好痛...快嚟救我...救命....」陳中發出痛苦慘叫聲。

班警察全部圍埋去陳中身邊做急救。

林伯就徹底被炸死，而其他生還者就趁呢個時候四處逃走。

班警察唔顧得咁多，即刻送陳中返九龍救治，暫時放嗰班生還者一馬。

十五分鐘後。

施政傑、柔柔、豹哥同Simon返到嚟，眼見面前嘅一片慘狀，嚇到佢地跌曬手上嘅嘢落地。

「究竟...發生左...咩事？」施政傑成個人震曬，完全唔敢相信眼前見到嘅可怕場面。

聽晚繼續

屌咁撚好揪都死