《監獄•喪屍•反擊戰》

五十米應該有十幾層樓高，上面寫九樓咁高，描述錯左

終於live咗 樓主啲文好高質 g持

等結局

多謝支持

傍晚時分，微風輕吹。

本來高高在上嘅高官如今變成「戰俘」，被帶到尖沙咀文化中心空地，被眾人公審拷問。

另外，「一哥」已死，喺群龍無首嘅情況下，警察士氣大減，頓成一盤散沙。

眼見生還者帶住喪屍越戰越勇，有警察覺得打落去無著數，決定投降，有啲就選擇逃跑，但關口已封，無論佢地點走都好難走出香港，有啲直情剝左套制服扮路人博同情，反正絕大部分都係貪生怕死，只有小部分頑強作戰，可惜結果都係死。

啱先暈左嘅Simon終於醒過來，佢慶幸自己無錯過是日重頭戲——

痛打落水狗（官）。

特首、兩位司長同其他局長官員統統被喪屍捉住手腳，完全動彈不能。

「…點解？點解你地班『爛坦』見死不救不得止，而且仲搵差佬嚟屠殺我地呢班被困港島嘅人？」豹哥質問班高官。佢喺隊冧警務處處長之後，就無再眼皮跳。

「唔關我事架，全部嘢都係最大粒嗰個諗出嚟嘅，我乜都無做過架！」保安局局長將責任推卸喺特首身上。

「係呀，我自己本身係提議派人去救你地架，只但係無人buy渣嘛，我係真心想救你地架！」運輸及房屋局局長都即刻幫自己講說話。

「你地班友食屎大架？嗰陣明明全部都支持屠城，依家喺度扮曬嘢話唔關自己事？」特首聲大大。

「喂，你唔好亂屈，根本所有嘢都係你同警務處處長，同埋嗰條走左佬嘅屎忽鬼領導諗出嚟，我地之所以支持係因為無得say no渣！」

「咪就係！你唔好屈得就屈，我係好人嚟架！」

「冤有頭債有主，你地要搵人算賬就搵特首啦…」

其他官員都將矛頭指向特首。

「憨鳩！我咪又係受上頭壓力先下令屠城，我夠係無辜！」特首反駁。

「收皮啦你，明明係你主動獻計話要屠城，嗰陣邀撚曬功咁，家下喺度扮無辜？食屎啦！」政務司司長反駁特首嘅反駁。

「咪就係，收皮啦屌你…」律政司司長加一把嘴。

「得啦得啦，你地唔洗互相卸膊啦，你地統統都係仆街冚家剷，無一個係無辜嘅！」豹哥打斷佢地嘅爭拗。

「無錯呀，你地班死狗官應該全部要落地獄先啱呀！」「係呀，全部係仆街冚家剷！」「絕對唔可以放過任何一個！」一眾生還者大聲附和。

「咁我地依家要點處置呢班仆街呀？」其中一名生還者舉手問。

「呢個問題問得好，大家有咩建議？」豹哥問。

「不如用返老方法？」施政傑提議。

「咦~又嚟？」柔柔意會到施政傑口講嘅嗰個老方法。

「老方法？掂喎！就用老方法啦！」豹哥讚成。

「哈！同我諗嘅一樣，咁唔好等啦，趁太陽落山未落山，拿拿聲開始啦。」 Simon已經急不及待。

所謂嘅老方法就係叫班官出嚟抽紙仔，抽到咩就要受到咩懲罰。

呢一招佢地之前都玩過一次。

第一個出嚟受罰嘅係啱先都幾多嘢講嘅保安局局長，佢抽到嘅係炮仗爆屎眼。

「又玩屎眼？唔洗問阿貴，肯定又係你條友諗出嚟。」豹哥同Simon講。

「唔係喎，我係寫返上次嗰個，電鑽鑽屎眼喎。」

「係咩？不過，我地霎時間邊度搵炮仗？」豹哥搲頭。

「可以用之前喺海洋公園攞嘅嗰啲煙花。」施政傑話。

保安局局長一聽到話煙花爆菊花，嚇到腳仔軟，喊曬口咁求饒。

施政傑佢地梗係無理佢，命令喪屍將成筒煙花硬塞落佢個屎忽窿，跟手再點著藥引。

一聲響亮爆炸聲，璀璨嘅煙花就喺佢肛門、大小腸裡頭綻放。

其他圍觀嘅生還者大聲叫好。

保安局局就咁長暈到過去，下身光脫脫，濃煙同屎水不斷從佢屎忽窿噴出，強烈嘅硝煙味中隱隱夾雜住屎味。

下一個輪到政務司司長。

佢嘅懲罰係切jer。

「下，唔係掛，又係切賓周，邊個咁無創意呀？」豹哥問。

「呢個應該係我寫，因為我諗唔到咩懲罰，所以求其寫個落去。」柔柔話，除左佢之外，都有其他生還者寫左呢個懲罰落去。

一名生還者遞出一把鋒利嘅生果刀：「呢把生果刀好利架，絕對可以一刀切斷佢碌鳩。」

「但就咁用刀切，一下就切落去，過程太快，唔夠過癮咁喎。」豹哥話。

「唔用切，不如用咬。」Simon提議。

「用口咬嗰種咬？咦？好似得喎！」豹哥行去用槍指住運輸及房屋局局長個頭，命令對方用口咬斷政務司司長條jer。

「下？唔撚係掛？唔好啦…」運輸及房屋局局長萬般不願意。

「你再講唔好我就一槍射爆你個頭。」豹哥威嚇。

房屋局局長別無他選，只好按指示照做。

司長俾喪屍抓住四肢，想反抗都反抗唔到，只能眼白白睇住自己嘅陽具被人活生生咬斷。

在場唔少人包括柔柔擰歪面唔敢望，因為覺得好嘔心。

豹哥叫喪屍鬆開手放開司長：「拿，佢就咬完你，咁依家俾個機會你咬返佢。」

司長怒目切齒，衝過去撲倒房屋局局長：「你個死仆街，夠膽拆我『祠堂』！屌你老母！」

「對唔住囉，我都唔想架…」

局長用力推開司長，不過司長發曬矛，失去常性咁咬佢：「喂…唔好呀喂…唔好…唔…啊！！！仆街！好痛呀！」

兩條友喺度狗咬狗骨，互相用口咬對方，打完一大輪，結果係兩敗俱傷，雙雙收皮。

另外嗰啲官員都無一倖免，一個接住一個受到各種虐待刑罰。

壓軸登場嘅係特首，佢抽到嘅係，俾喪屍「插」。

呢個「插」講緊係用喪屍下體抽插。

施政傑同Simon揀左十隻下體堅拔嘅男喪屍，命令佢地圍埋去，用下面碌嘢插爆特首身上咁多個窿，包括口、鼻哥窿、屎忽窿，甚至係耳仔窿，總之有窿就插。

仲播埋音樂，唔係用嚟助興，而係嚟刺激啲喪屍。

喪屍聽見hip hop歌，便用摩打般嘅速度前後擺動腰肢，堅硬龜頭猶如一把鈍錐，隊穿曬啲特首每一個窿。

鮮紅血漿「巴巴聲」咁流，特首慘叫不絕，痛不欲生。

一眾高官就咁被折磨到半死，最後就俾喪屍吞曬落肚，連渣都無得淨。

佢地嘅死意味住政府嘅衰亡，政府嘅衰亡意味住原本九龍新界嗰啲咩緊急法、宵禁令、國安法等等全部都徹底失效。

九龍、新界嘅市民知道呢個消息，紛紛從屋企走上街。

呢刻佢地心入面有好多疑問，例如係港島究竟發生咩事，係咪真係有喪屍，佢地嘅親朋好友係咪已經死左等等。

港島嘅生還者會逐一解答呢啲疑問，但喺解答前，梗係要處理埋班警察先。

嗰班滿手鮮血嘅警察下場當然同係班高官一樣。

眾人釋放之前因示威而被囚禁嘅囚犯，將班警察送入去，畢竟就算係喪屍都好難一下子消化曬幾千個警察，唯有困住一班喺監獄先，慢慢再處死佢地。

然而，當九龍同新界嘅群眾都知道曬喺港島發生嘅所有事情之後，佢地第一時間嘅反應係感到十分錯愕，唔敢相信呢一切發生嘅事。

直到消化曬全部訊息後，佢地自發組成拯救隊去拯救仲困喺港島嘅人。

佢地知道自己嘅朋友、親人好大機會已經死左或者變成左喪屍，不過點都好，就算親友係變成喪屍但都想見對方一眼，就算係死左嘅都想搵返啲屍骸。

一禮拜後，被困港島嘅生還者全被救出。

人，就救左出嚟，咁啲喪屍點算？應該點處理好？

就住呢個問題，每一個人都有各自嘅意見，有人話要殺曬啲啲喪屍，有人就話保留，原因係部分喪屍其實係唔少人失散嘅親友，所以唔忍心消滅佢地。

喺意見分歧嘅情況下，大家選擇左投票嘅方法決定。

得出嚟嘅結果係，想保留喪屍嘅人比較多，大家都尊重民主精神，少數服從多數，於是決定唔殺班喪屍。

而事實上，施政傑佢地係識得點控制喪屍，基本上只要一部電話同一粒藍牙接收器，咁喪屍就會聽曬你話，唔會周圍亂咬。

佢地正正就係利用返喪屍嚟重建港島同三條隧道。

啲喪屍又大力又唔會攰，擔又抬又得，簡直好使好用。

呢次喪屍災難中，香港死左好多個人，損失一個政府，又多左一批喪屍。

呢刻嘅香港已經唔再係以前嘅香港。

死去嘅人隨風而散，無法復活，無左一個政府，大不了再重新建立一個。

喺外國使節協助下，香港人以民主選舉嘅方式成立左新嘅臨時政府，建立左新嘅憲法，慢慢一步一步建構新嘅社會秩序。

至於設置喺各個關口嗰啲二十幾樓高嘅銅墻鐵壁，一直紋絲不動咁阻隔港深兩地，而喺深圳以北嘅人亦再都無出現過喺香港。

初頭有一段時間都會聽到高墻嘅另一邊傳來轟炸聲，又會見到有戰機略過上空，好似打仗咁款。

直到後期，香港呢邊嘅人先知道，原來嗰陣中國大陸都出現左喪屍，而且散播到去所有省份，同一時間中國仲同台美開戰，就喺內憂外患嘅情況下，多處地方接連出現騷亂叛亂，結果整個國家四分五裂，獨裁政府亦因此而覆亡。

※ ※ ※

時光飛逝。

眨下眼就過左一年。

呢日，施政傑、柔柔、豹哥同Simon一齊嚟到墳場拜祭已故嘅親友。

要上去墳場必須經過一條長長嘅山路，為左照顧行動不便嘅人，山腳設有「喪屍孭孭服務」。

呢個服務顧名思義就係喪屍孭你上山。

今時今日，喪屍變左人類嘅工具，協助人類完成各類工作，譬如修橋補路、工廠維修或者係農作耕田等。

係呀，香港已經重新發展返工業同農業。

仲有政府都推出左一啲政策配合喪屍，好似係禁止群眾喺公眾地方播放hip hop音樂咁，兼且仲發明左人造肉俾喪屍當食物。

發明嗰個人正是當初有份造出喪屍病毒嘅嗰位大學生。

香港人現在基本上已經適應同喪屍一齊生活。

「喂，條樓梯咁長，不如用『喪屍孭孭服務』，叫班喪屍孭我地上去囉。」Simon行左兩級樓底就呻攰。

「你有無搞錯呀，行嗰幾步路就嗌攰。」豹哥口中含住一粒朱古力。

「琴日無訓好，家下見暈呀，頂你！」Simon話。

「無訓好？琴晚做賊嚟呀？」

「錯啦，我係扑嘢扑天光，呢啲嘢你羨慕唔嚟架啦。」

「你條屎忽鬼又呃啲無知少女上床？」

「呃你個頭，啲女一聽到我喺港島打過喪屍，不知幾崇拜我，溝返我轉頭。」Simon喺港島打喪屍嘅經歷吸引到好多女仔埋身。

「係呀係呀，吹到自己係火石，一拳打爆喪屍呀嘛…」

「Simon！豹哥！仲掛住傾計，快啲行上嚟啦！」施政傑同柔柔差唔多已經行到上山。

「嚟啦嚟啦！」豹哥加快腳步，「鹹濕仔行快啲啦！」

「得啦，等埋啦喂…」

上到山，四人嚟到墓前拜祭。

豹哥踎喺肥龍同瘦虎嘅墳前燒金銀衣紙：「肥龍、瘦虎，大佬燒幾條女俾你地解下悶，唔洗咁寂寞。」

「傑仔、柔柔，你兩個唔係有好消息要講俾火石聽架咩？」Simon話。

柔柔怕醜咁笑左一笑：「阿哥，我同阿傑下個月結婚。」

「係呀火石，我同柔柔下個月註冊結婚，我同你保證，我一定會好好照顧柔柔，唔會俾佢再受苦。」

施政傑同柔柔一齊經過左咁多嘢，患難中互生情愫，依家仲拉埋天窗，張火石在天之靈知道，一定會替二人感到高興。

「話時話，呢排左套喪屍劇叫Walking Dead，套嘢都唔好睇嘅，我地嘅經歷仲刺激過入面啲情節。」豹哥話。

「呢套我都有睇喎，我覺得如果將我地喺港島經歷嘅事拍成劇，肯定會好睇過佢。」Simon回應話。

「我都覺喎，咁快啲寫個劇本，投稿俾電視台拍啦。」

「咁邊個寫好呀？」

「傑仔、柔柔，不如你地寫啦。」

「下？寫嘢我唔掂架喎，阿傑不如你試下寫啦。」

「唔好啦，其實我地啲經歷都無乜特別啫，就算寫左都無人睇啦。」

「寫啦。」

「係囉，寫啦……」

（全文完）

故事完結，多謝支持

好睇

多謝樓主寫咗個幾好嘅故仔出嚟應該會繼續寫故？

好想故入面嘅結局就係現實世界入面香港同中共嚟近嘅結局

多謝

應該會吧

放長雙眼，極權政府終有一日會收皮

好咁我等你下一個佳作

樓主好波

樓主

林奠死得好

希望有生之年見到

遲左入黎睇大結局
好少喪屍故有結局
睇到有啲眼濕濕