《監獄•喪屍•反擊戰》

睇嚟呢個故應該係得施政傑有不死光環
其他無論係幾好揪嘅打手
又或者係靚到dum一聲嘅女角
都可能會隨時話死就死

認同

將火石咁就死咗，不過諗諗吓，人生就係如此無常，所以要珍惜眼前人

有時啲嘢就係咁化學

原來肚痛係flag

推

文呢

火石竟然咁就死
我仲以為佢死都係死係喪屍手上

腦閉塞，今日起唔到文

休息下

濃烈硝煙味充斥四周，原本整齊並排嘅唐樓如今變成一堆頹垣敗瓦。

地上滿佈瓦礫、碎片、火光同喪屍嘅斷肢。

仲有，張火石同林伯兩具屍體。

「阿哥！！！」柔柔衝埋去張火石屍首旁邊。

佢行近望見張火石血淋淋嘅屍體，瞬間眼淚奪眶而出：「阿哥...點解...點解....咁多血...」

施政傑神情錯愕，望住死去嘅同伴，腦海一片空白。

「唔好訓啦阿哥...快啲醒呀…我拎左藥俾你....醒呀...」柔柔伏喺張火石身上大聲痛哭。

「發生咩事...點解會咁架...」施政傑亦眼泛淚光。

「死差佬…可惡...」豹哥咬牙切齒，一股怒火湧上心頭。

而強烈嘅血腥味同硝煙味湧入Simon鼻中，令佢反胃作嘔。

「阿哥快啲醒呀…唔好死…唔好揼低我一個…阿哥…唔好...」

傷心欲絕嘅柔柔喊得淒厲，仲試圖叫醒張火石

可惜，無論佢點樣嗌、點樣喊，張火石都唔會聽得到，而死去嘅人，亦永遠唔會再醒過來。

兩兄妹從此陰陽相隔，永遠分離。

施政傑望見旁邊嘅林伯死不閉眼，行過去彎低身，輕輕掃合對方雙眼：「林伯，一路好走。」

「冚家剷！我一定要班死差佬血債血償！」豹哥恨不得將所有警察全都殺清光。

Simon望住倒塌嘅唐樓，以及遍地燒焦嘅喪屍殘肢，搖頭歎氣：「火石走左，班喪屍幾乎全部被炸到粉碎，住嘅地方又變成廢墟，我地依家咩都無曬，手上連武器都無，莫講話差佬，依家有喪屍圍埋嚟，我地都唔一定應付到。」

Simon講得無錯，佢地家陣手頭上咩都無，處境十分危險。

「滴噠滴噠滴噠——」

天空突然間落起大雨，仿佛上天都喺度為死去嘅人而落淚。

雨水沖淡張火石同林伯身上嘅深紅色鮮血，淋熄地上爆炸所殘留嘅火種，亦沾濕四人全身。

施政傑、豹哥同Simon陪柔柔喺雨中哀悼死去嘅張火石。

大雨滴噠作響，天空雷聲不斷，但仍能清楚聽見柔柔淒厲悲痛嘅嚎哭聲。

唔知係因為柔柔嘅喊聲，定係大雨滂沱嘅緣故，吸引左為數大約二十隻喪屍，正朝住四人慢慢圍緊過嚟。

「慘啦，有喪屍過緊嚟，我地點算好？」Simon驚慌害怕。

「我地手上一件武器都無，單靠赤手空拳好難打得贏多隻班喪屍，為今之計只能逃走。」豹哥抹走臉上嘅雨水。

「豹哥講得啱，三十六計走為上計，依家呢個情況我地同喪屍硬碰硬會好危險。」

「咁仲等咩，快啲走啦！」Simon同豹哥即刻喺喪屍群中搵位逃走。

施政傑就扶起喊到眼都腫曬嘅柔柔：「柔柔，此地不宜久留，我地快啲走啦。」

「唔得，我要留喺度保護阿哥，我唔可以俾阿哥成為班喪屍嘅食物。」柔柔不願離開。

施政傑唔理咁多，強行孭起柔柔，趁喪屍仲未殺到埋身，帶佢迅速逃離現場。

「放低我，快放低我！」柔柔大嗌。

施政傑無理會，並加快腳步，冒住大雨向前跑。

嗰二十隻喪屍圍住張火石同林伯，準備開餐。

柔柔伏低頭，唔敢向後望，佢唔想見到最親嘅親人俾喪屍分屍。

暴雨之下，四人穿梭大街小巷中，到處躲避喪屍。

直到接近天光時分，大雨先開始減弱。

佢地幾個嚟到天后一個商場地庫暫避。

雖然地庫入面有喪屍，但數量並唔多，只有三四隻。四人匿埋喺一間裁縫店，用鋪頭入面嘅布料印乾身上嘅雨水。

柔柔差唔多喊左成晚，喊到無曬力，一合埋眼就訓著左。

豹哥同Simon同樣身心疲累，好快就訓著，只剩施政傑一個人喺度看守。

瞓唔著入嚟睇竟然有文

早抖

柔柔

唉……

留名等班狗死晒

Pish

三條友討論左半日，都諗唔到有咩可行嘅對策。

依家班警察連大炮、手榴彈嗰啲都出埋，的確好難對付。

「…都係用返之前嗰招算啦，先收服一批喪屍，再利用佢地對付班死差佬，淨係靠我地幾個嘅話，就算有槍有炮都未必打得贏嗰班打靶仔。」豹哥拆開一包朱古力。

「有喪屍都無用啦，班死差佬求其射支火箭炮都炸死一半啦。」Simon話。

「一係將啲喪屍打扮成警察，偷偷地混入去咬死曬班差佬，你地點睇？」豹哥問。

「你估依家演緊無間道咩？班喪屍又唔識講嘢、唔識揸槍，行得又慢，點扮到差佬？」Simon反問。

「又係嘅，班喪屍又怕凍又行得慢，真係無鬼用，你地話有無啲變左種嘅喪屍，行得快之餘又唔怕凍，而且俾炸彈都炸唔死？」豹哥咬一啖朱古力。

「頂，如果有啲咁勁嘅喪屍，未咬死班死黑警之前，就咬死左你同我啦，傑仔你話係咪呀？」Simon問。

施政傑托頭回想：「不過諗返轉頭，我地又好似真係未見到有喪屍變種，我睇唔少喪屍片，入面嘅喪屍有啲會進化架。」

「車！咁咪證明喪屍片信唔過囉。」Simon話。

「咁有無方法可以令到啲喪屍變種呀拿？例如係搵隻喪屍同隻狗交配，咁會唔會生出新嘅喪屍類型？」豹哥喺度諗。

「哇，咁變態嘅嘢你都諗得出。」Simon諗起個畫面都起雞皮。

「我反而喺度諗，既然微波爐同大麻都能夠削弱喪屍嘅行動力，咁證明喪屍係會受某啲因素而影響狀態，咁照計都應該有辦法提高佢地嘅速度，但究竟要點做先得...？」施政傑認真思考。

喺呢個時候，柔柔慢慢從睡夢中醒過來：「好口渴…有無水…」

施政傑即刻遞一支礦泉水：並用手背摸一摸對方嘅額頭：「你好似已經退左燒，個額頭都無之前咁熱。」

柔柔飲兩啖水，面色仍然有點蒼白。

「你有無好返啲？」施政傑問。

「好返好多啦，啱先訓教嗰陣，我迷迷糊糊咁聽到你地喺度傾計，你地傾緊啲咩呀？」

「我地諗緊方法對付班死差佬，去幫火石同林伯報仇。」豹哥回答。

聽見張火石嘅名，柔柔個心沉左一沉，面上又露出黯然悲傷嘅表情。

雖然高燒消退，但喪兄之痛仍縈繞心頭，揮之不去。

之後嗰幾日，柔柔繼續沉醉喺哀傷之中，每日都悶悶不樂。

至於另外三人就捉左一隻喪屍返嚟試驗，研究點樣提升喪屍嘅能力。

呢日，裁縫店大門被關上，裡面分別有一隻喪屍同一隻白鴿。

施政傑等人就企喺出面望住。

「你條友仔邊度搵隻白鴿返嚟呀？」豹哥問Simon。

「係隻嘢自己飛入嚟地庫，我搵啲過期麵包碎引佢入去渣。」

「呢鋪掂啦，喪屍病毒溝禽流感，兩隻病毒加埋一齊肯定變種，隻喪屍話唔定會變到識飛添呀。」豹哥話。

「咁我地要困佢地困幾耐呀？」施政傑問。

「至少都困半日啦，俾啲時間等啲病毒交叉傳染。」豹哥話。

「但隻雀喺上面左飛右飛，而隻喪屍就喺地下行嚟行去，兩隻嘢都接觸唔到，點樣交叉傳染呀？」Simon一時望上，一時望下。

「啲雀嘅糞便都有菌架嘛，佢陣間屙督屎彈中隻喪屍咪得囉。」

「喂喂喂，屙緊啦喂，仲中埋喪屍個口，掂啦掂啦…」Simon同豹哥睇得頗興奮。

另一邊嘅柔柔就無心機睇落去，行遠到地庫周圍逛下。

施政傑都跟埋上去。佢一直都想開解對方，但總係唔知講啲咩好。

一嚟佢唔識安慰人，二嚟佢都明白，無論講啲咩安慰嘅說話，都難以撫平柔柔內心嘅傷痕。

「你唔洗陪我喎，我無事呀。」柔柔同施政傑講。

「無，嗰邊又雀屎又剩咁，核突到我都頂唔順，咪過嚟迴避下囉。」

柔柔無出聲，只係苦笑一下，施政傑都無講嘢，二人靜靜咁喺商場地庫內漫無目的地遊走。

大約十分鐘後，柔柔打破沉默：「不如你講下我阿哥，喺監獄嗰陣喺點架？平時佢會做啲咩架？」

「你阿哥平時最鐘意咪喺健身同練拳，佢一大早天未光就起身做掌上壓或者sit-up，夜晚返到倉就對住空氣操拳。」

「阿哥佢真係好鐘意打拳架，之前佢有幾個女朋友都係嫌佢成日掛住練拳，搞到無時間陪佢地，所以就飛左佢。」

「我諗佢可能當左沙包先喺佢真正嘅女朋友。」

「哈，可能係啦。你應該知我阿哥係因為喺擂台上打死過人，所以先要坐監。」

施政傑點點頭：「呢個我知呀。」

「咁你知唔知嗰陣有人搵佢打假拳，想佢喺擂台上打輸比賽？」

「打假拳？」

「係，比賽之前對家話俾五十萬佢，想佢故意打輸，當時阿哥諗都唔諗就拒絕左，因為佢唔會為左錢而做呢啲事。但係嗰班人為左贏，竟然偷偷地落藥，打到中途，阿哥成個人就變到暈坨坨，佢知道係對方出蠱惑，嗰刻嘅佢好嬲好憤怒，結果就『火遮眼』，一時出手太重，打死左對面個拳手。」

「哦~原來成件事係咁嘅。」

「嗰陣佢打死人嗰段片傳開曬出去，全世界都嗌佢『殺人犯』，雖然佢無講，但我知道佢心入面好唔好受，最後佢亦因為呢個事而被判入獄。」

施政傑回想一下，諗起嗰陣嘅報紙雜誌的確稱張火石係「暴力狂殺人犯」。

「阿哥平時份人唔鐘意講嘢，但我記得嗰陣我每次去探監，佢一輪嘴講好多嘢，提醒我呢樣嗰樣，又叫我好好照顧自己等等，好似將平時無機會講嘅嘢一次講曬出嚟咁。可能佢個人唔善於表達，但我知其實佢係好關心我……」

一諗起同張火石嘅往事，柔柔又忍唔住垂頭低聲啜泣。

施政傑無出聲，任佢盡情咁喊。

Live咗

如果身邊有人喪親＂，就係應該咁樣處理

推

自推