《監獄•喪屍•反擊戰》
bedGeroge
484
回覆
44 Like
2 Dislike
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
野比大熊貓
2020-04-08 09:07:15
三日終於追到live
bedGeroge
2020-04-08 09:50:55
Karl_Franz
2020-04-08 11:25:15
推
野比大熊貓
2020-04-08 13:37:31
黑警佈置好唔合理,平時行街都三五成群,有乜理由打喪屍重係四個八個一隊
bedGeroge
2020-04-08 14:43:29
故事角度解釋:喪屍有啲匿喺室內、窿窿啦啦位,差佬要逐處逐個地方搵,分散啲既話會cover得廣啲,會較有效率,而且差佬掌握左喪屍弱點,就算小隊形式執勤都唔會太輸蝕。
作者角度解釋:四個八個寫嗰陣比較容易處理,尤其有對白嗰陣
Karl_Franz
2020-04-08 16:19:48
死q晒就得
華明邨賣瑜勝
2020-04-08 20:31:47
LM
bedGeroge
2020-04-09 02:10:07
※ ※ ※
「什麼?死了三千人?他媽的我沒聽錯吧?」中聯辦領導擔住口雪茄,表情錯愕。
警務處處長歎一口氣回答:「領導,你沒聽錯,這幾天我們有三千個伙記犧牲了。」
「幹?怎麼可能?為什麼會這樣?」領導問。
「又是那幫控制喪屍的人在搞事。」處長打開電腦,播放片段,「領導,這是無人機拍到的片段,你可以看一下。」
電腦播放嘅片段係施政傑等人出現喺唔同地方,帶住喪屍咬死警察嘅場景。
喪屍行動迅速,警察未反應過嚟就被咬死,毫無招架之力。
領導同其他高官全部都呆左,嚇到佢地唔識反應咁滯。
「幹…他媽的…這喪屍…怎麼這麼厲害…」領導睇到眼都突埋。
「為何喪屍不咬這四個人?」特首指住屏幕問。
「因為這四個就是控制喪屍的人。」處長回答。
「媽的!這是怎麼回事?我之前不是叫你派人去解決這幫人嗎?!」領導質問處長,「怎麼他們還沒死?」
「領導,之前總指揮陳中的確帶隊去剿滅這班人,那次他們殺掉了二百多隻喪屍和其中兩個人,不幸的是過程中陳中被炸斷雙腿,所以得暫時撤退了,漏掉這幾個漏網之魚。」
「他媽的我不管!這幫傢伙非常危險,萬一他們帶著喪屍過海,那我們全都得完蛋了!你趕快想辦法,再派人去解決他們!」領導同處長講。
「是的,領導。」
「除此之外,你再找多點人守住海陸空三路,不要讓港島的人或者喪屍有丁點機會過來九龍和新界,」
「可是領導,我們最近派了一部分警察和解放軍在九龍和新界這邊協助宵禁,現在又死了五千個伙記,如果再派多點人去駐守海陸空三路,恐怕在港島執勤的人數會再減少,如果可以的話,你老人家能再叫上頭派多幾支解放軍軍隊來幫忙嗎?」處長問。
「操!現在這個情況很難調派軍隊過來呀!你們都知道,前天我軍和台灣軍隊在台海發生了摩擦,他媽的昨天美軍竟敢增派軍艦到台海協助台灣,來開會之前我收到了消息說,上頭開始著手撤離福建沿岸地區的人,並且打算兩天之內派全國所有精英部隊去台海,其餘的就鎮守原本地區。這次情況跟之前的不一樣,這一次真的要打仗了。」領導呼出煙圈說。
「既然是這樣,那我們也只能靠自己了。」處長說。
「現在,你們第一件事派多點人封鎖海陸空三路,第二件事就是幹掉那幾個礙事的傢伙和那些討厭的喪屍,我不管你們用什麼方法,是用手榴彈也好火箭彈也好,總之盡快搞掂那幫人。」領導再一次強調,「不要忘記,我們絕不可以讓喪屍過海,更不可以讓他們有一絲機會越過深圳半步,我們一定要保護黨和國家的領土!」
「我知道了,我一定會竭盡所能的。」
「好,會議開到這裡,我約了人有事,先走了!」
講完,領導就急急腳離開會議場地。
開完會,處長就即刻下令所有喺港島執勤嘅部隊,全部人集中力量對付施政傑佢地,仲叫指揮中心嘅人利用無人機「刮」施政傑佢地出嚟。
只要一鎖定位置就立即通知執勤嘅小隊,要求佢地全部人趕到現場,總之唔理用咩方法,都要盡快消滅嗰班「眼中釘」。
※ ※ ※
朝早十點。
呢日施政傑佢地無帶班喪屍出去同警察廝殺,而係匿喺一個隱蔽嘅地下停車場度排練。
排練緊喪屍「失控」,並且咬死佢地嘅戲碼。
佢地知道自己連日嚟殺左咁多個警察,一定會惹來報復,尤其啲無人機周圍飛,唔洗估都知佢地做嘅嘢已經俾對家睇到曬,而且絕對會採取行動對付佢地。
於是四人就諗左個方法,打算演一場戲扮到被失控嘅喪屍咬死,令對家以為佢地真係死左,因此而放下戒心。
Karl_Franz
2020-04-09 03:33:07
野比大熊貓
2020-04-09 08:40:25
同美國打仗,重保咩樓價呀,轉打法燒哂港島啲樓啦
椒鹽蝦米
2020-04-09 09:58:54
bedGeroge
2020-04-10 01:34:28
「停一停,停一停。」排練到中途,豹哥叫停。
「咩事呀?」Simon叫停作勢咬人嘅喪屍。
「唔得,我硬係覺得扮死呢招好似有啲問題。」豹哥話。
「唔係呀,啲喪屍配合得幾好呀,我地準備嘅血漿同假斷手都好逼真,有咩問題呀?」Simon問。
「你有無聽清楚架,我唔係話排練有問題,係扮死呢樣嘢有問題,話曬我地一連幾日砌低左咁多警察,依家佔緊上風,照計係應該一鼓作氣,連同其他生還者,帶班喪屍過海搵嗰班『爛坦』狗官算賬,而唔係諗點詐死。」豹哥一邊講一邊拆開手上一包朱古力奶。
「呢個問題之前咪討論過囉,我地做場戲扮死嚟呃班差佬,等佢地以為我地死左,之後再嚟個攻其不備,反攻九龍、新界呀嘛。」Simon同豹哥講。
「但我始終覺得唔洗搞咁多野,直接帶班喪屍同班死差佬博命,再一口氣反攻對面海。」豹哥話。
「只但係,我地連日嚟殺左咁多差佬,對家一定會加派人手同增強火力對付我地,再講呢幾日我地最多都係試過一次過對付百幾個差佬,但如果集中火力成千上萬個一齊圍攻過黎,我地一定抵擋唔住。」施政傑理性分析。
「咁始終喪屍都唔係無敵嘅。」柔柔話。
「咁咪鬥『疊馬』,好似我以前同人爭地盤咁,有時候架撐唔夠人地多,啲手下又唔夠人打,咁就用人海戰術,吹大雞call多幾百人過嚟幫拖,三個打一個點都打得贏。同樣道理,班差佬雖然有槍有炮,但人數加埋最多咪得五、六萬人,如果有十萬或者二十萬隻喪屍同時圍剿,蟻多嬲死象,我唔信殺唔曬班差佬。」豹哥丟走手上嘅朱古力奶盒。
「豹哥,你呢個想法我之前都有諗過,問題係如果要收服並控制十萬隻喪屍,需要好多人力物力,咁又似乎唔係太可行。」施政傑認真思考豹哥講嘅嘢。
「咪係囉,就算搵埋其他生還者幫手,但十萬隻喪屍都唔係你話收服就收服到,尤其家下喪屍數目減少,又分散喺咁多個唔同地方。」Simon話。
「其實又唔一定要控制曬咁多隻喪屍嘅。」柔柔靈機一觸,諗到一啲嘢。
「柔柔你有咩諗法?」施政傑問。
「假設引喪屍同警察困埋喺同一個地方,咁樣得唔得呢?」柔柔話。
忽然間,其餘三人都好似諗通左一啲嘢。
※ ※ ※
警務處指揮中心。
警務處處長同其他警隊高層火眼金睛望住面前幾百個熒幕,留意緊有邊一部無人機拍到施政傑等人嘅蹤影。
「屌啦星,嗰幾條粉腸究竟匿埋左去邊?幾百部無人機加上兩萬個警員搵左一日一夜都搵唔到,有無搞撚錯!?」處長心急如焚。
一名監察屏幕嘅操作員突然大嗌:「Sir!搵到啦!」
「邊度邊度?佢地喺邊度?」處長快速掃視各個熒幕。
「Sir,左上角,230號機。」
「快放大個畫面!」
操作員立刻放大嗰部機嘅畫面,畫面上顯示出嘅的確係施政傑、柔柔、豹哥同Simon。
佢地喺一條馬路上,俾一班喪屍從後追咬,喪屍數目大約二三十隻。
鮮血染紅四人衣衫,佢地身上全部有傷,因此逃跑嘅速度並唔算快。
「救命呀!救命呀!救命呀!」柔柔一邊跑,一邊大聲呼救。
「點解咁架?點解班喪屍無端端會失控咬我地架?」Simon跑到拐下拐下咁。
「快跑啦仲問,就嚟追到啦!」豹哥喘住氣咁話。
「慘啦,我唔想死唔想變喪屍呀…...」施政傑用力奔跑。
「Sir,佢地依家俾班喪屍追緊喎。」操作員話。
「頂,洗撚你講呀,我夠睇到啦!呢班『粉腸』以為可以控制喪屍,結果被喪屍反咬一口,佢地都有今日啦,哈哈!」
「Sir,咁我地依家應該點做呀?」
「咁都仲洗問?梗係踩多佢地一腳啦,你同我即刻叫曬附近所警員…咪住,呢幾條友依家位置喺邊呀?」
「香港仔,佢地好似向住海洋公園方向逃跑緊。」
「好!你同我通知成個南區嘅警員,馬上趕去海洋公園,將呢四條『粉腸』同班喪屍一網打盡!」
「Yes,sir!」
「仲有,你同佢地講,依家唔洗顧忌咁多,就算用火箭、大炮都無問題,即管開火,最緊要殺死呢四條友同班喪屍。」
「Yes,sir。我即刻就通知現場警員!」
野比大熊貓
2020-04-10 02:01:34
鄧小強唔似咁弱智,佢好奸詐,有冇得配合返人物性格
Karl_Franz
2020-04-10 03:56:49
可能反咬中共一口既黑手
bedGeroge
2020-04-11 02:18:45
喺南區嘅警員接到通知,陸續趕往海洋公園。
附近嘅無人機亦都飛去追蹤住施政傑等人嘅去向。
黎明來到,晨光初現,天色漸漸光。
三百個警察率先到達樂園,佢地收到指揮中心指示,行去熊貓館。
館內盈盈、樂樂不見蹤影,睇怕一早就俾啲喪屍咬死左,而通道上,施政傑等人正同幾十隻喪屍搏鬥。
帶住傷嘅施政傑同柔柔,分別用長鐵棍扑落兩隻喪屍嘅頭度,兩隻喪屍應聲飛到幾米遠,飛到嗰班警察腳下,跟住就郁都唔郁訓喺地下,估計已經收左皮。
同一時候,Simon同豹哥俾幾十隻喪屍撲跌,施政傑同柔柔二話不說,即刻衝入喪屍群幫手,可惜幫唔到手不得止,仲同樣地被喪屍纏上。
四人無力招架,發出痛苦嘅慘叫,慢慢淹沒喺喪屍堆之中。
「屌你班友仔,仲望乜春呀?郁手啦!」
上空一架無人機傳來警務處處長嘅聲音:「唔洗留手架!直接用霹靂火箭炮轟落去,炸q死曬佢地!」
兩個警察托起一支口徑有一個人頭咁大嘅火箭炮,另一名警察負責瞄準,準備一炮將遠處嗰幾十隻喪屍同施政傑等人炸到粉碎。
「Fire!」處長一聲令下。
就喺發射一瞬間,啱先被施政傑同柔柔打到收皮訓落地嘅兩隻喪屍,突然之間,企起身撲去托住火箭炮嘅兩個警察,導致瞄準失敗,火箭炮一嘢就射上天花板。
「BOOM!」
天花板被炸爛,鋼筋、瓦礫、石屎全部冧曬落嚟,揚起濃濃灰塵,仲震碎平時遊客隔住玻璃睇熊貓嘅嗰塊大玻璃。
幾百個班警察立刻退後閃避,其中一部無人機亦被墜落嘅石屎擊中,成架報廢。
過左一陣,碎石瓦礫冧曬落嚟,灰塵慢慢散開,確認無人受傷之後,警察先再瞄準,呢一次佢地無失手,炮彈準確擊中前面嗰堆喪屍。
「Boom」一聲就炸到堆喪屍支離破粹,血肉橫飛。
「Well done!做得好!」警務處處長大讚,「嚟!再醒多炮俾佢地!炸到嗰班‘粉腸’同喪屍變肉醬!」
於是班警察再開多一炮,原本嘅斷手斷頭斷肢被炸到蓉蓉爛爛。施政傑等人同班喪屍就咁被炸到粉身碎骨。
「好!終於隊冧嗰四個阻頭阻勢嘅冚家剷,你地今次全部都做得好,港島解封之後必定有獎賞。係啦,大家辛苦左成日,可以收隊返嚟抖下先,我會派其他人過去接更,佢地會繼續收拾喪屍同生還者。」處長透過無人機指示。
「Yes,sir!」
三百個警察可以話不費吹灰之力就解決左施政傑等人,搞掂之後佢地收隊走人。
但未行到出海洋公園大門口,佢地見到面前有幾十個「Mary」(吹氣公仔)「坐」住遙控車,引緊密密麻麻一大班喪屍行緊過嚟,驟眼望落去數目至少有一千隻。
幾百個警察連忙退後,並且架起火箭炮,拎出一大袋手榴彈以及其他火力大嘅武器來迎戰喪屍。
說時遲,那時快,一名警察大力拋出手上嘅手榴彈。
就喺呢刻,樂園四周嘅喇叭響起音樂。
係本地Hip hop樂隊LMF嘅舊歌——揸緊中指。
接住落嚟嘅歌單都係專門為警察而設,全部都係振奮人心嘅好歌。
只係唔知警察們是否能夠聽到最後。
摩打炒士巴拿
2020-04-11 02:29:44
正撚到
有哂畫面同聲
快啲收黑警皮
野比大熊貓
2020-04-11 02:40:15
點解唔放TG
椒鹽蝦米
2020-04-11 11:18:08
依時玩樂
2020-04-11 22:00:26
live,加油
bedGeroge
2020-04-11 23:41:43
煲左成日tiger king,無寫到文
留待聽日
椒鹽蝦米
2020-04-12 11:54:32
呢兩日大結局?
bedGeroge
2020-04-12 12:37:49
寫得快、再勤力啲既話應該係
野比大熊貓
2020-04-12 20:02:20
有黑警傷亡數字未
Karl_Franz
2020-04-12 23:13:01
推下先
Karl_Franz
2020-04-12 23:13:37
睇狗死曬好痛快
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
吹水台
自選台
熱 門
最 新
手機台
時事台
政事台
World
體育台
娛樂台
動漫台
Apps台
遊戲台
影視台
講故台
健康台
感情台
家庭台
潮流台
美容台
上班台
財經台
房屋台
飲食台
旅遊台
學術台
校園台
汽車台
音樂台
創意台
硬件台
電器台
攝影台
玩具台
寵物台
軟件台
活動台
電訊台
直播台
站務台
黑 洞