《監獄•喪屍•反擊戰》
bedGeroge
484
回覆
44 Like
2 Dislike
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
bedGeroge
2020-03-14 10:05:23
殺黑警唔一定用槍既
抗戰義士
2020-03-14 11:03:02
推
Karl_Franz
2020-03-14 12:13:40
唔洗用槍既
用黑旋風
bedGeroge
2020-03-14 12:33:54
bedGeroge
2020-03-15 23:57:10
佢地坐上校巴,開左車無幾耐,後面就出現一架裝甲車吊住佢地尾。
裝甲車上喺啱先死左嗰八個警察嘅同袍,佢地見到校巴有人喺上面,立即就追上去。
車上兩個警察探身出車外,揸住機關槍,不斷向住前面嘅校巴開火。
「砰鏘!」校巴後面嘅玻璃被子彈射穿。
張火石抱住柔柔伏低,而豹哥遞支長槍俾Simon:「快揸住!」
「依家點呀?」
「咁都仲要問?梗係還擊啦!」
豹哥行去車尾,伸支槍出窗外,同裝甲車上嘅警察駁火。
「Simon,過嚟幫手啦!」豹哥對住裝甲車嘅車頭掃射,佢同Simon手上嘅槍都係從啱先八個警察手上拎嘅。
Simon戰戰兢兢行去車尾:「咁大個仔都未開過真槍,我唔掂架喎...」
「依家危機關頭,你唔掂都要掂啦,快向前瞄準,『掹雞』開槍。」
「鏘鏘—鏘鏘—」有子彈射中校巴車尾門,嚇到Simon即刻踎低抱頭,連眼都唔敢mak開,更唔好話要佢開槍還擊。
施政傑揸住校巴,喺馬路上左右穿插,為左擺脫警察,佢決定轉入去一條窄巷:「要轉彎!大家扶穩!」。
由於巷仔比較窄,校巴都只係勉強攝得入,轉彎嗰陣兩邊倒後鏡都刮爛左。
車身緊貼兩邊墻壁向前行,車頭就撞飛攔路嘅喪屍。
緊隨其後嘅裝甲車追到上前,佢地想轉入巷仔,無奈係車身太大,無位攝入去。
車內一個警察慢慢爬上車頂,用火箭炮瞄準校巴。
車尾嘅豹哥望到個警察出動火箭炮,就跑上車頭同施政傑講:「今次大檸樂!班差佬出埋火箭炮!傑仔,快啲俾油加速!」
「呢個速度已經係最快。」施政傑踩盡油門,車速接近時速100公里。
「仆街啦仆街啦!班差佬想一獲炸q死我地!」Simon驚慌咁抓住豹哥。
豹哥望轉頭,見到個警察舉起支炮,準備想發射:「無辦法啦,我地跳車啦!」
「點跳呀?兩邊車門逼住左喺條巷度,打唔開呀?!」Simon嘗試打開門車門但唔成功:
「豹哥,打穿塊車頭玻璃。」張火石孭住柔柔話,「我地從車頭跳出去。」
「好主意!」
豹哥連環開左兩槍,射穿車頭玻璃:「傑仔,踩brake急剎車!」
施政傑解開安全帶,用力踩brake急停。
「Boom!」巨大嘅爆炸聲響徹窄巷,熊熊火光喺漆黑中瞬間迸發。
校巴被炸到散曬,碎片飛落一地。
喺千鈞一髮之間,施政傑佢地順住急剎車時產生嘅反作用力,向前一躍,成功跳出校巴到大約三十幾米外嘅位置。
佢地雖然手腳損曬,個頭亦都撞到爆曬缸,但慶幸及時跳車,避開左爆炸,咁先執返條命仔。
等到硝煙散去,個警察用望遠鏡睇下咩情況,發現校巴炸到爛曬,但一條屍都見唔到。
佢再望遠啲,見到遠處施政傑等人已經從窄巷轉返出去大路。
「屌!咁都俾佢地走甩!」個警察十分不爽。
「點呀?搞掂未?裝甲車入面嘅警察問。
「未,俾班撚樣走甩左,我地兜大路追截佢地。」
跟住裝甲車就兜去另一邊馬路追佢地,五人傷痕累累,無法全力奔跑,好快就俾警察追上。
車頂上嘅警察瞄準佢地,再開一炮:「等炸撚死你班仆街!」
「Boom!」
火箭炮喺佢地附近爆炸,擋喺前面嘅一架大巴被炸開,周邊嘅喪屍亦都遭殃,被炸到肢解。
火箭炮雖未準確咁命中施政傑等人,但所產生嘅衝擊力已經夠將佢地震開。
五人被震飛到撞落一幅墻上,令本來受傷嘅佢地傷上加傷。
裝甲車個警察想開多炮處決佢地,但上空一部白色無人機叫停左佢:「屌你老母!邊個批准你開炮?」
「Sorry sir!」個警察立刻收返埋支火箭炮。
「我講過幾撚多次,無論係對付人定係喪屍都唔可以用炮,萬一射歪左,射爆左邊棟大廈,係咪你地賠呀?」無人機喺裝甲車上空附近不斷盤旋。
「Sorry,sir,係我一時疏忽。」個警察死狗咁淨係識講對唔住。
「我再嚴正警告你地一次,殺人嗰陣最多只可以用槍,喪屍就噴冰霧,我唔理你用衝鋒槍又好,步槍又好,左輪都好,總之一律無得用炮同手榴彈,understand?」
「Yes,sir。」
個警察之所以咁淆底,原因係用無人機監察緊嘅係警務處處長。
無人機上裝有一個喇叭仔,處長就係透過喇叭發出指示。
儘管佢不在現場,但一直都用無人機親自指揮今次「屠城行動」。
bedGeroge
2020-03-16 01:09:42
裝甲車上嘅警察被訓示完一輪,回過頭來發現施政傑佢地唔見左。
佢地四周張望,但都不見其蹤影。
「去停車場睇下。」處長經無人機發出指示。
「Yes,sir!」坐喺司機位嘅警察慢慢將裝甲車駛入一個地下停車場。
的而且確,施政傑佢地匿左入去停車場。
佢地落到停車場,見到一大班後生仔圍喺住火堆飲酒跳舞,好開心咁喺度開party。
地下有個喇叭播住電子舞曲,班人跟住強勁節奏,喺度un嚟un去。
施政傑埋去熄左喇叭,並同班後生仔講:「大家快啲走呀!呢度好危險,快啲走!」
「做咩呀你?呢度唔俾外人入嚟架喎!」一名戴漁夫帽嘅男仔行上前講。
「出面有班差佬嚟緊呀!佢地有槍有炮,大家快啲走!」施政傑催趕。
「有差人?係咪真架?如果係真嘅話,咁我地咪有救囉!哈哈!快飲返杯賀下先!」
戴漁夫帽男仔同身邊嘅朋友碰杯慶祝:「終於有救啦!Yeah~」
「班差佬唔係嚟救我地,佢地係會開槍射死我地。」施政傑解釋,不過班後生仔開返個喇叭播歌,一邊un一邊飲酒,根本聽唔入耳。
「頂,咪撚理呢班人,趁班差佬未搵到嚟,我地快啲搵架車,開車走人啦。」豹哥推開班擋路嘅後生仔。
施政傑嘗試再勸說,但對方完全無視佢。
Simon拉走施政傑,佢地幾個一齊上左架七人車。
可惜車上無車匙,豹哥又要拆開匙膽,用電影常見嗰鐘摩擦電線嘅方法啟動汽車。
然而,裝甲車已經駛到入嚟停車場。
戴漁夫帽嘅男仔同佢班朋友高聲歡呼,好興奮咁迎接警車:「Yeah!好嘢!真係有差人嚟救我地!太好啦!」
豹哥停一停,暫時唔敢撻車住,怕發出嘅聲響會暴露佢地嘅位置。
七人車上其他人亦唔敢發出任何聲音,連透氣都盡量放輕。
幾個警察行落車,開住白光燈,提起手上嘅槍,指向面前呢班酒氣熏天嘅後生仔。
其中一個警察唔小心拎錯左槍,射左啲冰霧出嚟。
「阿sir,你呢支咩嚟架?啲煙凍凍地咁,好過癮喎。」戴漁夫帽嘅男仔仲未知自己死到臨頭。
個警察即刻換返支機關槍,然後數三聲,就同另外幾人一齊開槍掃射。
車上嘅施政傑不忍正視眼前呢個血腥嘅屠殺場面:「咁樣開槍掃射,手法好殘忍。」
「班差佬見人就射,係咪short撚左...」Simon挨後個人細細聲咁講,佢呢刻心情極度焦慮。
張火石就再幫柔柔勒緊大髀,阻止啲血滲出嚟。
呢刻停車場槍聲不斷,豹哥趁槍聲蓋過撻車聲,不斷摩擦兩條電線,試下啟動引擎。
大概只係過左一分鐘,警察已經射殺曬班後生仔,但豹哥仲未著到車。
停車場又回復寧靜,施政傑佢地屏住呼吸,唔敢輕舉妄動。
「Well done!做得非常好!」處長透過無人機稱讚手下。
「Thank you sir!」幾個警察對住無人機行禮致謝。
「你地要記住,無論係見到喪屍定係人,都千其唔好手軟, 喪屍抵死呢啲唔洗講啦,就算啲人無變成喪屍,但身體已經攜帶有喪屍病毒,隨時都會感染你地,所以你地殺曬佢地就啱架啦!」
「Yes sir!」
「好,你地依家快啲去搵下,啱先走甩嗰幾條友有無喺停車場。」
「Yes sir!」
幾個警察同無人機分散四周搜索。
施政傑佢地較低seat位,盡量隱藏起嚟唔俾人發現。
四圍好安靜,佢地淨係聽到警察搜索時嘅腳步聲同自己急速嘅心跳聲。
警察搜索左一大輪,好似都搵唔到人,打算收隊,就喺呢個時候,無人機發現到七人車上有人:「白色豐田七人車,車牌NM2223,有人喺車入面!」
車上嘅幾個人心入面都係講緊同一句說話:今次仆街啦!
既然位置已經暴露,豹哥唯有盡最後努力,試下撻唔撻到著部車。
撻第一下,唔著。幾個警察向住七人車跑緊過嚟,位置離佢地只有唔夠一百米。
撻兩下,都唔著。豹哥同其他人心跳加速,額頭狂標冷汗。
第三下,終於撻著。
豹哥扭軚入波踩油,白色七人車向住迎面而來嘅警察撞埋去,再向住出口一路直奔。
幾個警察反應及時,閃避七人車,然後對住架車開槍。
豹哥就唔理咁多,一味加速向前,見到喪屍又好,係路牌又好,總之係擋路嘅,全部撞走曬,務求盡快離開停車場。
七人車越走越遠,警察開槍但都射唔中。
「快啲上車追啦,仲企喺度托咩?」處長透過無人機命令。
「Yes,sir!」幾個警察返上裝甲車。
等到幾個警察上返裝甲車追嘅時候,白色七人車已經駛遠,不知去向。
施政傑佢地僥倖地避過一劫,但危機仲未完全化解,因為嗰班警察嘅任務係要解決曬成個港島嘅喪屍同人類。
所以只要一日班警察仲喺度,佢地都隨時有可能被殺。
抗戰義士
2020-03-16 15:29:03
支持 推
Karl_Franz
2020-03-17 00:08:30
push
Karl_Franz
2020-03-17 00:09:06
其實可行既話想睇多d人性既醜惡
椒鹽蝦米
2020-03-17 00:43:40
唔係反作用力,係慣性用
椒鹽蝦米
2020-03-17 00:51:21
慣性作用
bedGeroge
2020-03-17 01:17:53
幾經辛苦,五人終於嚟到林伯嘅傢私鋪。
「咦?咪你地咁好嚟探我呀?」林伯打開鐵閘。
張火石急步行入鋪頭,將背後嘅柔柔輕輕放低到一張梳化上。
其他幾個人入到嚟咩都唔講,第一時間就合力搬啲木櫃、書檯等傢私堵塞住鐵閘。
「喂?你地搞咩呀?做咩搬啲嘢塞住個門口?」林伯問。
施政傑無解釋,掉返轉頭問:「林伯,有無警察嚟過呢度?」
「警察?無喎。」林伯見到佢地幾個全身損曬,「你地搞咩搞到成身傷曬呀?仲流曬血咁嘅?」
「林伯,你鋪頭仲有無啲大件啲重啲嘅嘢?」豹哥問。
「點解你地一個二個咁慌張?係咪有喪屍要湧入嚟?」林伯問佢地。
「係差佬,出面有班差佬周圍開槍射人,仲恐怖過啲喪屍,所以我地要擋個門口,唔俾佢地咁容易入到嚟。」Simon回答話。
「差佬?」
「係呀林伯,唔好講呢啲住,你有無再大件啲嘅傢私?」施政傑追問林伯。
「無啦,一係我搬埋樓上啲傢私落嚟?」
「好!」施政傑同其他人行上樓,夾手夾腳搬曬樓上嘅傢私落嚟,將佢地堆疊埋一齊,擋住喺鐵閘門後。
咁樣做嘅話,就算班警察想入嚟,佢地都無咁容易撞得開度鐵閘。
之後,張火石問林伯拎左個急救箱,同其他人一齊研究點樣幫柔柔拎粒子彈出嚟,而問題係佢地都唔係專業醫生,根本都唔知點樣做。
「究竟發生咩事?點解無端端你地會有人中槍?」林伯問。
「林伯,唔好講嘢住,等火石幫佢個妹拎左粒子彈出嚟,我地先慢慢同你講。」施政傑對林伯講。
最後喺無計可施之下,張火石唯有用電影上睇返嚟嘅方法,幫柔柔攞粒子彈出嚟。
佢先用火酒幫對方個傷口消毒,再搵個細鐵鉗伸入去傷口度,喺皮肉中間夾粒子彈出嚟。
慶幸嘅係子彈位置唔算入,亦無傷及大動脈,否則柔柔應該早就命喪黃泉。
張火石好小心咁慢慢夾出嗰粒帶血嘅子彈頭,再用棉花同酒精幫個傷口再消毒一次,最後用針線聯埋個傷口。
聯針嗰陣柔柔曾經恢復過意識,但好快又暈返過去,佢依家雖然無生命危險,但身體好虛弱。
張火石問林伯拎左盒葡萄糖沖劑,溝水沖俾柔柔飲,希望可以幫佢回復一下身體。
安頓好柔柔後,施政傑佢地先坐低,慢慢同林伯講述返俾警察追殺嘅事。
佢地將商場被警察開槍射殺,到馬路上嘅追逐戰,再到停車場嘅虎口脫險嘅經歷,一一講曬俾林伯聽。
「班差佬真係開真槍、開大炮射你地?」林伯聽完佢地嘅遭遇,感到十分震驚。
「唔單止係我地,佢地係見人就射,完全唔留活口。」施政傑飲一啖水話。
「唔係掛,班差佬唔救人不得止,仲開槍殺人?」林伯完全無法理解。
「就係咁撚荒謬,班死差佬射死左我兩個好兄弟,我豹哥呢世都唔會原諒嗰班打靶仔!」豹哥一諗起肥龍同瘦虎嘅死,情緒就忍唔住變得激動。
「林伯,我地依家只係暫時叫做安全,班差佬遲早會搵到嚟,就算避得一時都避唔到一世,我地家陣嘅處境非常危險...」施政傑露出擔憂嘅表情。
「咚!」衣櫃兩隻喪屍不安分咁彈左出嚟。。
「哎呀!掛住同你地講,都唔記得左餵老婆同阿女添。」
林伯拿拿臨開幾個罐頭,行過去餵兩隻喪屍。
由於超市啲凍肉腐爛曬,林伯唯有俾佢地食午餐肉填肚。
而施政傑佢地諗返起啱先被警察追殺嘅情境,仍然心有餘悸。
bedGeroge
2020-03-17 01:42:56
「我真係諗唔明,我地又唔係喪屍,同班差佬又無怨無仇,班撚樣唔救人都算啦,都唔知點解要趕盡殺絕,連火箭炮都出埋!真係癡撚線!」Simon咒罵。
「諗諗下,啱先喺停車場咪有部遙控飛機對住班差佬發號施令,班差佬又對住嗌yes sir又剩咁,你地記唔記得,嗰部遙控機同班差佬講,無論係喪屍定係人都要一律照殺,仲話因為啲人帶有喪屍病毒,所以照殺都無問題。」豹哥憶述返剛才喺停車場目睹嘅事。
「我記得呀!班差佬仲對住部無人機行禮添。」Simon話。
「如果按當時部無人機咁講,咁即係話,佢地怕班生還者身上帶有喪屍病毒,於是就選擇殺曬港島全部人?咁咪即係屠城?」講到最尾嗰兩隻字,施政傑激動起嚟,聲線高左幾度。
「屠城?唔撚係掛?。」Simon毛骨悚然。
「如果班差佬真係要屠城、要殺曬成個港島上嘅人嘅話,咁我地就要快啲諗定個方法,諗下點樣對抗班差佬。」施政傑托頭思考。
「屌!班死差佬有槍有炮,我地乜叉都無,點夠抽呀?」豹哥坦言。
「除非我地都有炮啦,如果唔係,我地一係就走,一係就等死,問題係我地過海又過唔到,而且出面一街都係差佬同喪屍,要走都唔知走去邊好。」Simon話。
「就算有槍,但我地呢度得幾個人,都唔一定打得贏成隊軍裝。」張火石話。
「一係試下用錢睇下可唔可以收買到佢地?」豹哥提議。
「你都憨居嘅,佢地係要錢嘅話直接去銀行攞啦,想攞幾多就攞幾多,反正成個港島都無人阻止到佢地。」Simon回應話。
「你咁講又啱,依家即係硬碰硬又唔夠打,收買又收買唔到,咁點算好?」豹哥一臉惆悵。
陷入沉思嘅施政傑無出聲,腦袋不斷思考緊有咩方法同班警察抗衡。
佢望一望林伯餵緊嘅兩隻喪屍,又回想起嗰隻聽指令嘅喪屍仔,突然間俾佢諗到一個方法。
「傑仔,諗唔諗到計呀?」Simon問。
施政傑飲一啖水,然後話:「我喺度諗,既然單靠我地幾條友打唔過班差佬,走又唔走去邊,與其坐以待斃,咁不如借用喪屍嘅力量去對付佢地。」
「下?喪屍?」另外三人異口同聲。
「無錯,不如我地組一隊『喪屍兵』去抗衡班差佬。」
bedGeroge
2020-03-17 01:44:18
多謝巴打指正
bedGeroge
2020-03-17 01:55:56
無啦,一開始都係想寫個b級片風格既輕鬆喪屍故,無特別著墨描寫人性。
要寫人性醜惡,班友應該早就姦左Monica、柔柔同三個學生妹,姦完再推佢地餵喪屍,唔會一齊bbq咁歡樂
Karl_Franz
2020-03-17 03:14:54
無所謂
都好睇
不過好少人寫末世會講到好黑暗咁
椒鹽蝦米
2020-03-17 11:15:58
林伯兩個女眷
bedGeroge
2020-03-18 01:50:07
「呢個我答到你呀,佢地的確係怕凍架。」林伯話。
施政傑行返埋位話:「咁班警察應該係發現左,喪屍抵抗唔到低溫呢個弱點,所以先整左支噴冰霧嘅槍嚟對付喪屍。」
「咁都無乜嘢啫,如果喪屍怕低溫,咁我地幫佢地嬲返件羽絨,擋住啲煙咪得囉。」豹哥一下就諗到解決辦法。
「下?唔係掛,著件羽絨就得?咁封保鮮紙都得啦。」
「你唔好話呀,講唔定真係得,再唔係用吸塵機吸走啲煙咪得囉。」
「唔係呀嘛,你點將部吸塵機擺上喪屍個身度呀...」Simon同豹哥又拗起上嚟。
林伯餵完兩隻喪屍,鋪左兩張席喺地下:「今晚你地就喺度打地鋪啦,時候都唔早,攰嘅話就早啲訓啦。」
施政傑佢地啱啱先死裡逃生,家下都驚魂未定,完全無任何睡意。
「林伯你訓先啦,我地仲想傾多陣。」施政傑話。
「咁好啦。」林伯熄左燈,自己一個訓先。
一整個晚上,佢地幾個訓唔著,於是就喺度細細聲商討點樣「招攬」同利用班喪屍。
佢地列舉曬需要用到嘅嘢,再制定計劃,要喺最短時間,用最安全方法搵齊嗰啲嘢。
佢地一路傾,傾到差唔多天光,攰得滯先去訓教。
合埋眼訓左十五分鐘唔夠,柔柔突然扎醒嗌痛。
其他人訓到不省人事,只有施政傑聽到柔柔喺度嗌。
「你終於醒啦?」施政傑行埋去梳化,扶柔柔起身,「你小心個傷口,唔好亂郁呀。」
「我隻腳好痛…」柔柔掩住大腿。
「你個傷口聯左針,千其唔好亂掂佢。」施政傑提醒柔柔。
柔柔望一望陌生嘅四周:「咁呢度係邊度嚟?」
「呢度係林伯嘅鋪頭,我地喺呢度暫時避開出面班差佬。」
「我中槍之後暈左幾耐?」柔柔面青口唇白,身體依然虛弱。
施政傑斟左杯水同拎住幾粒糖俾柔柔,跟住坐埋上張梳化度,慢慢講述返,喺對方暈低之後所發生嘅所有事。
「哇,諗唔到班警察會出動埋火箭炮,我地咁都死唔去,都算係幾大命。」柔柔深感慶幸。
「但唔係次次都咁好彩,今次死唔去,難保下次都能全身而退。」施政傑眉頭緊皺,為未來感到憂心。
「唔洗驚啦,正所謂大難不死必有後福,話唔定之後有iron man嚟打救我地呢?」柔柔開起玩笑。
「哈,你中左槍都仲有心情講笑嘅?」
「無呀,見你乸埋口面咁,咪講下笑,緩和下大家嘅心情囉。」
施政傑笑一笑話:「iron man我諗就唔會出現架啦,不過我地可以搵喪屍幫手。」
「搵喪屍幫手?即係點呀?」
「我地幾個啱先傾左成晚,決定好用喪屍去對付班差佬……」
施政傑同柔柔講起佢地利用喪屍對付警察嘅想法。
傾下傾下,二人攰得滯又訓著左。
椒鹽蝦米
2020-03-18 02:17:05
好期待
Karl_Franz
2020-03-18 12:02:50
搞完變喪屍
可愛有村架純
2020-03-18 23:05:58
新讀者留名
bedGeroge
2020-03-19 00:35:57
※ ※ ※
尖沙咀,半島酒店。
貴賓廳中,中聯辦領導一邊享用魚翅鮑魚,一邊歎緊88年Lafite,同時聽緊一眾高官嘅匯報。
「現在港島情況怎麼樣?」領導飲一啖紅酒問。
警務處處長打開powerpoint,講述目前香港島的情況:「我們現在的進度非常良好,根據前線警員的統計,在短短一個多禮拜之內,港島的喪屍數量已經由一百萬隻減少到五十五萬隻,而生還者就只剩五萬人左右,至於我方死傷數目前是三十人。」
「好!做得非常好,按這個進度,我看很快港島就可以解封了,哈哈!」領導夾起原隻鮑魚,大大啖咬落去。
「全靠有國家的支持和幫助,我們的『人屍消滅計劃』才可以這麼順利地進行。」處長恭敬咁話。
「那麼現在你們的物資和人手夠嗎?不夠的話,我可以再跟上頭調撥點資源過來。現在台海那邊聽說打不成了,上頭也準備撤走一批解放軍,我可以申請把他們調動來這邊。」領導食鮑參翅肚食到飽,又嚟個燕窩做飯後甜品。
「不用了,我們三萬警隊前線加上五萬解放軍子弟兵,來對付那幫喪屍和生還者,已經是綽綽有餘了。」處長十分自信。
「那好吧,總之能搞定就好,我也還是那句老話,」領導搖晃手上嘅紅酒杯同在座高官講,「絕對絕對不能讓那些破喪屍,跨過深圳邊界半步,知道不?」
「知道。」班官員齊聲回應。
飯後,領導用餐巾抹一抹嘴角:「我吃飽了,沒什麼事我就回去元朗了。」
而呢個時候,坐喺隔離嘅特首開聲:「領導,那個…還有一件事。」
「什麼事?」
「最近呢,九龍和新界這邊不斷有人上街抗議,他們要求我們政府立刻交代港島發生的事,並且叫我們馬上解封港島和救出他們被困的朋友和家人。」
「哦,原來就這點事,現在香港進入了緊急狀況,根據基本法,我們能直接動用國安法,把些礙事的人他媽的全都捉起來。」領導點起雪茄。
「對哦,我怎麼沒想到呢!領導你真是太英明了,簡直一言驚醒夢中人,我們乾脆就把那些搞事的一個不漏捉起來,再不行的話就搞戒嚴,不給他們上街『搞搞震』!」特首落足鞋油擦鞋。
「沒錯!反正有什麼問題,就把提出問題的人解決掉,那不就沒問題了,你說對不對?」
「對對對,領導你說的太對了!」特首連聲說對。
「話說回來,最近那些外國鬼子、外國大使還是像冤魂一樣,纏著說要進港島了解情況嗎?」領導問。
負責應付外國使者嘅政務司司長回答:「有呀,不過都給我和律政司司長打發走了。」
「做得好,千萬不要給那幫唯恐天下不亂的洋鬼子趁機搞亂我們的部署。」
「是的領導,我們知道的了。」政務司司長回應。
領導望一望手上嘅江詩丹頓:「時間差不多了,我該回去元朗跟上頭匯報了。那香港島的事就交給你們去搞了,等到事情解決好,黨一定不會虧待你們任何一個人的。」
「一定一定,我們絕對會竭盡所能,把喪屍和那些人統統殺掉,絕不留有後患,請您老人家放心……」
特首同幾個高官慢慢送領導出門口。
※ ※ ※
天色陰沉,街上落住毛毛雨。
從俾警察追殺嗰日開始計,施政傑等人喺林伯呢度已經住左四日。
佢地嘅利用喪屍對付警察計劃正逐步實現中。
藍牙接收器、iPhone、大麻、羽絨、保鮮紙、吸塵機等所需要嘅用品都幾乎全部集齊曬。
呢幾晚,佢地一到凌晨四點,就會偷偷地出去附近店鋪去搵呢啲物品。
眾所周知,平時班差佬最鐘意就係偷懶,就算係喺喪屍橫行嘅港島,亦都「貫徹始終」,尤其係凌晨四五點呢啲鐘數,人就最容易恰眼訓,加上深夜時分無人監察,班警察當然就趁機偷懶。
而施政傑佢地正正就係趁凌晨時分,喺警察「蛇王」且最鬆懈嘅時候,靜靜雞出街。
至於柔柔有傷在身,所以只可以留喺鋪頭休養。
然而,佢地幾個出去嗰陣,都會搵一個人留低照顧柔柔。
呢幾日裡面,大部分時間佢地都十分警惕小心,亦好少遇到警察,唯獨有一晚,佢地去連鎖服裝店摷羽絨嗰陣,遇到一大班操流利普通話但著住香港警察制服嘅警察行入嚟。
當時佢地諗住自己真係玩完架啦,好彩之後有班喪屍經過,引開左班警察,結果又符符碌碌咁碌過左。
儘管過程中一路膽戰心驚,但最後佢地都成功搵齊要搵嘅嘢。
依家萬事俱備,下一步要做嘅就係去「招攬」喪屍。
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
吹水台
自選台
熱 門
最 新
手機台
時事台
政事台
World
體育台
娛樂台
動漫台
Apps台
遊戲台
影視台
講故台
健康台
感情台
家庭台
潮流台
美容台
上班台
財經台
房屋台
飲食台
旅遊台
學術台
校園台
汽車台
音樂台
創意台
硬件台
電器台
攝影台
玩具台
寵物台
軟件台
活動台
電訊台
直播台
站務台
黑 洞