張角有好大兵力優勢喎,真正嘅敵人只有何進一個,其他人只係得啲小城,只會掛住霸地盤唔會打你
南皮平原搶鄴,其餘人搶陳留,小沛同南皮留少少人防俾人偷就ok
唔駛留人喺屋企,成班賊叫佢地耕田經商係浪費時間,仲可能俾人煽動獨立,我第一次玩就係咁輸左
而且講人材,今集班黃巾賊幾勁,張曼成管亥程遠志只係輸俾真正一線武將,何進唯一有威脅嘅可能只有張郃單挑(冇試過),其餘人單挑過都有贏
俘虜一日未滅何進都登庸唔到,唔駛問全部斬,好快兩邊嘅武將數量就差唔多
打完陳留張寶入城換井欄,同兩個有連弩齊射嘅攻虎牢關,留3萬人打孫堅,佢掛住搶城會分薄兵力,3萬人夠做
冇乜傷嘅部隊企門口等衝關,其餘人運物資入陳留再出發
鄴嗰班留1萬防丁原,3幾萬防劉關張同公孫瓚,其餘人去埋打洛陽
我打陳留嗰陣洛陽已經出盡兵力,所以洛陽得幾千人好快打完,推翻靈帝係第184年八月,何進得返長安
本身長安得返兩萬幾人,有武力嘅死剩曹操張郃袁紹朱儁,但係咁爆兵,每個月爆到差唔多三千,不過袁紹曹操兩個on99帶左成萬人去打6000人嘅武關,雖然一個有帶井欄,但加埋宛城6千人用卞喜放連弩俾我輕易擋住
同時周倉喺雍奴大發神威,4000人俘虜關羽擊退張飛殺敵12000
下邳又俾張燕攻陷,雖然佢一個人都捉唔到但孫堅得返兩座廢城共8000兵
冇後顧之憂下,我搵齊張角三兄弟四萬人去長安終極決戰
本身諗住係惡戰一場,留定晒技太平要術同混亂,點知何進俾班黃巾老粗鬧到冇晒士氣,出唔到城
最後一年唔駛就破城搞掂何進
,登到曹操袁紹荀攸,其間有蔡瑁嚴白虎同唔知乜人舉兵,不過全部都係蝦兵蟹將
我本身驚黃巾太難打揀左長壽,但一年內打完何進之後,張角三兄弟都冇再上過戰場,應該用史實壽命都ok
用黃巾幾好玩,冇內政單純調兵遣將,開場26萬,打完何進死剩14萬