『薪火post』BNO續期資訊 (70) 2019年BNO有效護照數量爆升

酒紅色係歐盟護照統一顏色，係近年先至無再指定新入國要用。英國Royal blue使用多年，對於能夠回覆自我，英國人都不知幾高興！內地護照係紅色封面，當然同酒紅色有點分別，但隻色有幾類似請自行google了。

Lost case 係由另一部門搞，我相信由於當年資料無倒入現有系統，另外資料亦可能以影像甚至微型菲林記錄，所以搵出嚟相當花時間。而正常護照應該十年更新，我估佢哋費事花錢將資料入系統，利用換證機會入舊證資料，以更快速地更新。但當唔少香港人以lost case形式續證時，佢哋無法有效率地去應付！

當年有特衰護照，係唔會理BNO，而家一窩蜂攞BNO當買保險

同你一樣都係Application being processed 10:11am on 28 November 2019

香港人真係咁仆街
無事果時又話BNO貴唔續 話特衰護照平
當出事果陣個個先出黎話續 想r著數
當英國係咩到底

唔洗咁嬲，暫時睇嚟英國都知道我哋香港人係乜嘢，依家重好意思話要反對BNO平權

*唔知道當我地香港人係乜嘢

因為以往都係當BNO係旅遊護照，又唔知香港好似而家走入政治困局，但而家申請都唔係遲。

希望可以快d批

基本寄, 到個批都係用左4-5日時間
佢琴日講左話已經寄左出去
用DX DELIVERY 但係到底有無我TRACK
我用翻個REF NO. 都係個DX DELIVERY網CHECK唔到

等DHL

從來都無當BNO係旅遊證件 BNO係國藉
大英帝國既子民

要有居英權

FAQ 常見問題

以下問題皆為巴打們列出最常見問題而且已經填哂答案，而呢d答案係上面個份google doc入面已經講齊哂，如果你問以下問題而被屌，唔好問點解。

約法三章先
有幾個情況既問題各位一定唔好答
1. 過左期十年駛唔駛副簽?
唔係過左期幾多年就一定要副署，係睇你個樣仲可唔可以從你既護照入面認出黎，認得出就唔使，認唔出就要。你個申請要到副署部份就要副署，無印到就唔使。
2. 影相可唔可以戴眼鏡影?
可以，但你要確保你既眼鏡唔會遮住你對眼同唔會反光。
3. 張相既背景要咩色?
白色或灰色
4. 去旅行用BNO寫咩國籍?
British National (Overseas) 或 BNO 或 British 或 GBN
如果你係online check-in 或需要係網上揀國籍嘅話，請有得揀BN(O)時優先揀BN(O)，無就揀UK/GB/British/Great Britain/任何代表英國嘅文字。
5. 舊護照係bb相，續唔續到 (紅色封面BNO係BB相咪續到囉 )
Why not?睇清楚國籍係唔係BNO
6. 身份證要影兩面定單面?
兩面
7. 特衰要影邊幾頁?
由頭影到落尾，包括封面、個人資料頁、空白頁、有印既頁、有visa既頁、說明頁，你本護照有幾多頁，就印哂幾多頁。
8. 搵到本BNO剪左角，仲續唔續到?
搵到本BNO剪左角，仲續唔續到?
正常情況: 你應該仲有一本未剪角既，搵清楚啲，搵唔到就以 lost passport 處理
特殊情況: 有可能係申請特衰時香港嘅公務員手誤剪咗，當 damaged passport 處理
9. 點解地址少左行? 係唔係搞錯左?
正常
10. 無住址證明，點好?
最細既BN(O) holder都18歲，點可能無，咪玩啦
11. 點解DHL份件得本新BNO? 我本舊證呢?
你寄左既文件、舊護照會同新護照分開兩份速遞寄畀你
lost passport 又搵返舊BNO係會收走
12. 呢本野續唔續到 (BDTC)
BDTC全部已經係1997年7月1日失效，你應該再搵下屋企有無另外一本BNO護照
13. 副簽人係咪可以係親戚?
唔可以
14. 轉左dispatched 之後幾時收到？
HMPO>DX>DHL
等DHL SMS，會答你寄時到
15. 續期成功，但DHL退回HMPO，點解﹖
HMPO寫錯你個名，等吓喇
16. 點樣寄去英國？幾錢？
空郵掛號200g $ 50起，睇你份野最後重量而定
speedpost 200g $225 大約2-6個工作日寄到
郵局寄Speedpost有紙文件套免費拎寄之前上網入資料平$10
DHL $ 自己打上去hotline問價 24003388

17. 續個陣個簽名可唔可以簽中文
你簽乜都得
18. 有特區護照果本仲續唔續得
Why not?
19. 點知自己細個有無申請過
身份證大法同SAR(Subject access request)
20. 老豆老母本BNO有我個名申唔申請到?
Why not?
21. 有無人試過有本特區護照都扮無，唔印就照申請?
點解要扮無？有就印，無就唔使印。
22. 有冇人試過一個speed post 寄兩份或以上申請係成功？
成功例子：網上一次過交兩份申請(打完一個比錢前可以繼續加申請)，一齊比錢一齊寄一齊dispatch一齊收到
23.我搵唔到人副署，有無巴打可以幫到手？
無，我地呢度無人識你兩年或以上，全部都無資格做你副署人。
24. 如果續個陣想加個英文名上去駛唔駛副簽?
凡事無絕對，怕就揀change to an existing passport搵人簽埋，唔怕既就唔簽寄左先，HMPO覺得你要既就自然有人會搵你。叫你簽返
25. 可唔可以寄本正本特區護照比佢 (過期/未過期)
可以
26.用過特區護照去台灣，可唔可以轉 BNO?
喺台灣眼中，只要你符合港澳關係條例第四條香港居民嘅定義，無論你拎特區護照定係 BNO 入境都一樣係當香港居民處理，台灣關員係唔應該以持雙重國籍為由拒絕手持 BNO 嘅香港居民入境，無論你有冇曾經用過特區護照入境台灣都係咁話注意: 以上唔適用於特區護照或BNO 以外嘅任何外國國籍
27.要幾耐先完成申請?
視乎case 複雜程度+你比幾多文件人處理
個個officer 處理需時都唔同....但呢到case大部份2weeks 內會由MHPO收到全部所需文件處理申請去到dispatched
OR 官方答案: 四星期或六到八星期內
28. 外地遺失BNO餘下行程是否必須取消並立即返港?
BNO其中的一個好處是方便持有人在遺失原有BNO護照情況下在英國駐外使領館迅速補領緊急護照。雖然是一本緊急護照，但並非降格成一本緊急「旅行證」。緊急護照有效期最長為一年，持照人仍然可免簽證出入境以下國家：
亞太：泰國、日本、韓國、星加坡、澳洲(ETA)；
歐洲：全歐盟境內、冰島、瑞士、挪威、列支敦士登、摩納哥、塞爾維亞、黑山、波斯尼亞、阿爾巴尼亞、摩爾多瓦、馬其頓；
非洲：摩洛哥、突尼西亞、南非；
美洲：加拿大(ETA)、墨西哥、哥倫比亞、委內瑞拉、厄瓜多爾、秘魯、智利、玻利維亞、巴西、巴拉圭、烏拉圭、巴拿馬、哥斯達黎加；
特區護照持有人在外地遺失護照，因中國駐外使館不能簽發特區護照，故只可在當地申請「中國旅行證」作為臨時證件。而因為「中國旅行證」並非特區護照，只能作返回中國或原居地用。大部份國家並不接受以此證件作過境或辦理第三國簽證用，倘若在第一個國家已經遺失特區護照，餘下行程亦只能放棄，直接返港或回原居地。若同時遺失特區護照及香港永久居民身分證，當事人只可向中國駐當地使領館申請「入境身份陳述書」直接返港。
29. 如果成功續領新BNO，而美國簽證仍在特區護照點算?
http://www.ustraveldocs.com/hk_zh/hk-gen-faq.asp#qlistgen8
問 8. 我的護照已過期，但美國簽證仍有效。我需要申請新簽證嗎？
如果旅客持有一本有效但未附上美國簽證的香港特別行政區護照, 及一本附上有效美國簽證的過期英國國民(海外)護照前往美國, 或者反之亦言, 兩者在 技術上皆是可行的; 但請留意, 他/她在入境口岸面見移民官員時可能會有阻滯。或者, 為避免產生問題及阻滯, 他/她可以申請新的簽證在新的香港特別行政區護照/新的英國國民(海外)護照上。因為這是新的申請, 所以必須繳交不可退還的申請費用。當他/她申請時, 無論他/她是否獲發新簽證, 任何相同類別的簽證都會被註銷。
30. 我使用BNO外遊若同行配偶/子女並非英籍(例如只有特區護照)，遇上事故英國領事館會一同協助他們嗎?
https://assets.publishing.service.gov.uk/government/uploads/system/uploads/attachment_data/file/781770/Support_for_British_Nationals_Abroad_Main_Guide.pdf#page=7
第25頁
Who we can help in a crisis
> In certain circumstances, family members of British nationals (spouse/partner and dependent children aged 18 years and under only – we cannot assist other family members).
特別情況下，求助者的伴侶/配偶及子女(只限18歲或以下)都會得到得到英國領事館協助，但其他非英籍親友不會得到協助
31. 我不清楚我是否有過BN(O)身份，有方法查詢?
1997年7月1日前未滿11歲者可以使用「身分證大法」得知你是否BN(O):

合符以下條件基本上可以肯定你有過BNO身份：
- 1997年7月1日前未滿11歲
- 身份證上首次簽發日期為(06-97)或之前*
- 香港出世而且出世紙寫有'Established'

*只需查看現時身分證即可
全中以上三項條件代表你父母曾經在主權移交前代你申請過BNO
不符合以上全部條件並不代表你沒有過BNO身份
詳細身分證大法資訊請參閱Doc有關該大法部份

主權移交時超過11歲請參考以下方法直接向英國提出SAR (Subject access request)
查詢英國政府是否有你BNO的記錄
https://lih.kg/igfiMGX

重有咩常見問題

其實你咁鬧人仆街，實際唔知點解咁多人無續嘅真正原因！我手上張單係31/12/2008，收我$1480，匯率查返係11點幾，實際英領應該兌12.5！當年係我到期後較低水位了，當年唔似今日，香港人出國旅行好似返大陸咁頻密，幾年先去一次遠行好正常，留意當年千五蚊好使好多，唔係今日尤如垃圾，而且今日有啲機票仲平咗！

我再查一下大部分到期時嘅匯率，係12、13一路升，平均14算，2006-7最高係16.5，我好清楚當年係最高時間去英國旅行，用剩嘅英磅擺喺到蝕足咁耐！如果用最高匯率計，兩千蚊一位，一個正常家庭大拿拿攞六至八千出嚟，你屋企發咗達？大家普羅市民咋，你用今日標準去話人，根本就係食米唔知貴！97年登記幾錢？到期時升咗幾倍又點先？

仲有，入境處用咗接近十年時間，去建立信用，搞免簽係有目共睹，加上費用低，換證只需郵寄，攞證去一次，快嘅幾分鐘就搞掂，一個4人家庭真係慳唔少。當然有本事嘅會保住兩本啦，bno特登去英領搞，都未計特登搵兩日辦公時間去申請續同攞證，金鐘地址又唔係個個識，分分鐘以為上去續證要講英文，你叫一個普羅市民，點會咁大心去搞續證？所以當年唔續情有可原，而且當年政治上，無咁反政府亦係真嘅。

至於無有效護照等如放棄國籍？不如再睇一次doc，睇吓一個過期bno，點樣喺中國大使館不提協助下，返去英國大使館，點樣得到人道協助！總之查到你喺bno，絕對唔會放棄你，同一道理，英國唔會忘記有佢聲稱嘅二百七十萬香港人，平權會帶嚟嘅負擔，所以唔會因為今日有證，就只平呢班人權，要平嘅就係全部。當然有本有效護照，會較容易去核實身份啫。

至於有需要時搵人着數，香港人精神，唔搵就笨，不過至今bno身份有乜着數吖？當年搞bno出嚟，咪話俾大家知，想搵着數無咁易！對佢大貢獻嘅，有提供居英權，之後想成正式公民，都有路俾你行，而且比其他外國人容易啲，佢哋覺仁至義盡了，而作為旅行證件，已經好多免簽了！

講平權，今日環境極佳時機。可惜遇上脫歐不成，政府仲要搞大選，到真正落實脫歐時，可能時機無咁好了。

果d人色盲？
bno既紅同中國護照既紅老好大分別下

22題一齊寄可加：
https://www.passport.service.gov.uk/help/multiple-documents-guidance

10. 無住址證明，點好?
最細既BN(O) holder都18歲，點可能無，咪玩啦

可改寫成22歲
令佢更加無藉口

想問下 我幫老豆申請 佢個ref no. 最尾係個X代表咩
PEX 123 123 123X 咁樣

呢樣不如問返hmpo，你問到記得報上嚟

相都好多問題，新系統有提張相有咩問題，可重新上載，最終彈咗亦會提供link再上載至對方收貨。相可以手機影，相舖影時做埋數碼版本，自己scan亦得，而有部分人被cut頭，唔使擔心，有問題會再叫上載。

收件問題，點改？短訊提供連結，亦可打dhl熱線俾善解人意嘅服務主任，解決收件時間地點等問題。