好多重點d 師兄都講左,我補充多三樣野
1. 上得高速,只要你係跟牌既限速行,盡量要行左線,唔好中線(你行中線唔係錯,但潛規則就係咁,因為大部分車其實都超少少,由於就算甩p 都唔可以長行快線,所以中線係佢地唯一選擇)。當然,過車除外
2. 無論你咩原因需要突然停車(落客、泊車),記得打死火燈(有人提議打左燈)。試過我有次跟一架車行左線,行行下佢突然停低,跟住仲想熄key, 依d case 一定俾人鬧爆,因為後面架車有機會跟得你貼而轉唔到cut 線,被迫要R 波走,變相有撞車風險
3. 山路同方向通常都係得一條線,依d case 無論你開得幾快都好,只要有車係一直緊貼你,就即係你阻住佢,依d 情況,就應該一見到避車處/巴士站就讓後車。如果冇,可以係冇雙白既大直路打左燈兼開慢d, 示意後車可以過你,千祈千祈唔好大直路先篤油,除非你可以一直快過佢;掉轉,如果你係後車,前面唔夠你快讓你行先,,打一秒(三下)死火燈俾佢多謝
以上3點唔係must do, 好多司機甚至甩左P既司機都冇做,但你問得,都知你有心揸得好
,咁以上三點,就真係要做啦