By Iroha巴打
PO2#975
book完房無嘢做，拋磚引玉，討論下book溫泉旅館各種方法利弊
個人常用Jalan同樂天，同埋上官網格價
1. 官網
好處：不經代理手，可以話係最穩陣嘅方法。部分旅館官網會提供限定plan，亦有機會比代理平。重點：官網放房永遠係最快。
壞處：以小弟經驗多數plan都比代理貴，每個網站個book房設計都唔同，亦未必有多語言，有啲甚至落後到連cancel都要send email。
2. 電話/白金秘書
好處：基本上日本乜旅館/民宿都book得到，尤其好多隱世旅館/民宿係只有電話book呢個方法。
壞處：唔會平，自己打電話對日文有一定要求，經白金秘書就要等一段時間處理，而且同餐廳一樣，有啲旅館係唔受白金秘書玩。
3. 日本旅遊代理網站（Jalan/樂天/一休/JTB）
好處：地頭蟲，絕大部分旅館都一定依附其中一個或以上嘅網站。作為旅遊代理網站經常會推出優惠plan同supersales，同時可以儲分同double ana miles，肯俾時間去格價同等sales嘅話，慳番嘅錢係可以幾萬yen計。同時亦提供中文版網站。
壞處：日文同中文數據有差異，尤其係價錢，需要少少日文理解能力先可以真係慳錢。同埋因為佢係預俾日本人自己玩，所以網站對海外用戶嚟講係幾難用（同國際網站比）
4. Japanican
好處：JTB嘅海外版，而Japanican應該係最有心搞海外業務嘅代理，所以中文版網站無論界面定搜尋引擎亦都非常好用，尤其針對溫泉旅館有專頁，價錢亦同日本一樣。
壞處：JTB本身比其他日本代理就貴少少所以Japanican都係一樣。另外佢個評分系統應該係連住TripAdvisor，而TripAdvisor有幾可信大家心照，佢個咩10大XX溫泉真係得啖笑。
5. 國際旅遊代理網站（agoda,booking,hotels,expedia等等）
好處：用慣用熟，而且競爭大，所以大家價錢基本都壓到好低，唔需要點格價。
壞處：溫泉旅館數量最少，而且多數係大型溫泉酒店，比較少真正「旅館」選擇。
By 黨指揮娼巴打
PO2#976
官網方面要留意大多都會有中英日韓語言選擇，最多優惠 plan 一定係日語。
