（心郁郁又想浸）日本各地溫泉旅館 (4)

唔該曬巴打

山形推薦悠湯之鄉yusa, 私湯房實物仲靚過官網睇相
青森就淺蟲溫泉海扇閣,大浴場室內外都係無敵海景

thx 推薦 即刻睇睇先

有冇人住過花卷 悠之湯 風之季

強羅駅有接駁巴士去箱根湯本駅。

三月頭去四國book左和の宿ホテル祖谷溫泉
有無巴打去過？

草津有邊間溫泉好介紹？

係咪搭纜車落谷底浸個間？舊年去過

係呀
正唔正呀

黎緊會去函館同登別既旅館 經JAPANiCAN訂 想問下點CONFIRM BOOKING?驚到時冇左
同埋有冇人住過平成館潮騷亭?知唔知晚餐時間係幾多?

正，淨係架纜車都夠好玩啦
泉水係硫黃碳酸泉，仲要係掛流
有錢的話book間貴少少可以望溪谷景正啲

Email問有無囉
通常佢會覆埋你有無咩唔食同要唔要車接送

應該一book完就有confirm email

上年三月去完潮騷亭，晚餐你應該係問自助餐？六點就開波，食完夜晚都無咩行，除咗函館山（好似係）

因為住得一晚 想一次過睇到函館山夜景同五郭堎點燈
打算去五郭堎睇點燈>的士去函館山睇夜景>返去旅館
係趕左少少

同兩老去諗住比佢地開心下
已經book左頂樓套房

定係2揀1好 因為同埋屋企人去 2揀1應該去邊個好

505玉響嘅話請盡情享受 (其他房住3個人真係太細)

如果夜晚行程咁豐富就唔多應該住旅館
求其去一個點連交通保守都要個半鐘，去晒兩個你唔會有時間享受旅館服務
2揀1一定係五郭堎點燈，函館山夜景唔係唔靚但同始終同香港有一段距離

係玉響呀
放左喺行程最後一日放鬆放鬆

THX 我都係咁諗 五郭堎點燈好似比函館山夜景更有特色

2月會去有馬，考慮緊book唔book房有金泉既房，想問有無邊間溫野泉旅館有無料貨切？

五稜郭>>>>>>>>>函館山

7/13 和の宿 ホテル祖谷温泉


身為秘湯撚，唔去四國唯一秘湯好似講唔過去，於是四國壓軸一晚就係呢間公廁秘湯
首先叫得秘湯，偏僻係指定要素，ホテル祖谷温泉亦一樣位處深山之中
但一揸車到，不得了，啲車多到泊到馬路周圍都係，感覺似咩？
番咗香港囉，哪來的秘

叫得公廁秘湯，即係大把人去過，上網search下repo都一大堆，所以我都廢事寫啲一式一樣嘅嘢。


溫泉質素當然係秘湯級，非常滿意。
纜車亦相當好玩。
但佢夜晚8點就收皮真係想浸耐啲都唔得，而且無論房同露天風呂都無沖涼設備 (除咗房內風呂附)，要浸溫泉就一定要去大浴場沖涼真係非常麻煩。
另外就係纜車嘅時間係足夠你頓悟幾次人生道理，尤其送車尾嗰下真做欲哭無淚……

晚餐足夠花巧，味道尚可
早餐有提供洋食選擇，以及有半自助餐，栗米湯一拎出嚟就俾人團滅
整體是ok的







房間就相對令人不滿意，首先book唔到玉響，都無辦法，另外間露天風呂房都可以接受。但間月見台附嘅房就真係伏伏地，
最重要嘅係，個洗手間棟門係欄柵。
當然我唔係啲咩俾人𥄫就會「呀～」嘅人，問題係大家都知日本啲抽氣扇係咩級數，一有人開大，成間房就彌漫住自主規制嘅味道
真係想捉設計條友出嚟直接由個月見台度掉落祖谷溪

除此之外，房間整體都條偏細，而且唔係話有錢就可以book間大啲，係絕大部分房都係咁細，如果3人以上同房要好好考慮房型

另外佢房有放呢本圖畫月記，全手寫，好多資料，真係好有心


1