（心郁郁又想浸）日本各地溫泉旅館 (4)

函館個價錢同登別差好遠
個露天溫泉無view同太modern其實無咩feel

無意外應該下年10月中

呢次可以搭飛機去喇？

係
無得搭唔好搞

我bk左2月 你呢

有無男女一齊浸

十一月頭去關西 想去試下温泉旅館 有冇咩好推介
十一月頭會唔會太早

第一次去去黑川溫泉, 住左いこい旅館一晚
自駕入去條路個路口好易miss, 仲要又窄又斜
不過staff會幫你泊好車

住既房叫「大觀」, 應該同阿蘇既大觀峰有d關係
仲要我對面間房就叫「阿蘇」
「大觀」係雙床+tatami房, 超級大間又luxury

13個湯入面有3定4個係貸切家族溫泉黎,
佢分時段有d時間要去前檯拎key
有d時間見到個牌係空+冇鎖就可以自己入去
時間關係同有人用緊其他既關係
剩係係去左 桶風呂
貸切而家去得多, 覺得大部分都係差唔多野

不過都幾大個, 浸3-4個人都好ok

本身係target佢個立湯
佢本身有join 黑川溫泉日歸 入手湯形
不過好似時間上面日頭得女人入到立湯
唔住過夜既男士係去唔到立湯的

個立湯係正既
唔知點解我去親既時間都係冇人一齊浸
成個立湯自己企晒
d溫泉水應該有130cm深
我仲要跌左野落池底,
好在個湯係清清地見到底既
可以用腳趾夾番起 唔係真係超級
非貸切就冇相喇, 要睇可以睇番佢官網

其他湯例如美人湯/蘇之湯/滝之湯果d都ok既
但就真係冇立湯咁過癮

一泊二食個晚餐幾好, 會有專人介紹d前菜同刺身
有馬肉刺身同魚刺身

staff好細心地提我地有兩碟醬油,
一碟for魚, 另一碟係for馬肉的
馬肉查實冇乜味, 爽爽地有d咬口咁
另外其中一道菜係炸唔知咩魚,
又係好細心咁起左條大骨咁反出去炸,
但又仲keep到條魚型一整條咁(sor冇圖)
炸到真係成件都卜卜脆食得晒,
唔會話得番條大骨炸唔透食唔到
早餐有識英文既staff, 早一日晚餐既時間冇
不過問題不太大

雖然要成4萬幾yen一晚係貴左少少
OVERALL黎講都可以一戰, service有加分
但下次去黑川會想試住第二間
行過新明館同お宿 のし湯都好似幾吸引
或者stay耐d 用入湯手形 浸三間都唔錯

幾月去?
4萬幾yen一晚 一泊二食 咁平

12月
叫做中價啦, 黑川都有d再平d或者再貴d
個trip我仲住左由布院由布の彩おおはし,
別府間杉乃井ホテル,
同長崎 長崎ホテル清風 大江戶温泉物語
有時間再分享

我去過最平既一泊兩食可以係二萬以內2個人
(如鶴之湯2號館(非特價), 長崎 大江戶温泉物語(有特價))
不過當然野食係去唔到懷石料理既級數啦

諗住4月尾住星野奥入瀨，有無巴絲有經驗？
晚餐食buffet定食法國菜好？法國菜要俾多一萬円值唔值？

你睇到既應該係一個人一晚既價錢
而且係別棟有附溫泉既客房價錢
佢大部分房型都要最少2人入住, 即係價錢要double

我記得係福岡,熊本, 大分都各自有巴士去到黑川
但詳細就唔清楚了

你幾時住呀

如果返黎住返同一間 多數都比寄放行李

唔得咪寄行李去下一間酒店囉