[本地籃球] 2019年香港男子甲一二聯賽討論區 （7）

阿ga都話要愛回家架，而家咪又走

港版Paul george

射波唔準，控球背籃都一般。。。俾你打乜位都死啦又吹奏

打本地波先係浪費佢囉

第一種子首圈出局

有乜好吹奏。。。靠外援勁，贏人地啫

年青球員咪有曾湛元，張延隆囉，仲有葉耀邦。。。用年青人最多反而俾你屌。

你睇睇永倫

自己唔用又話人搶哂

傳聞
最有可能： 綠軍
呼聲最大：東方
爆冷：飛馬
奇跡：外流

好似

強援加盟 四方爭冠更精彩
今時今日已經係big 4:
綠軍 永倫 南華 東方
上星期有個球隊職員已經係維基寫左big 4上去 下季格局就肯定係

等緊天橋底收風

咩天橋底?

Elson

港版WOJ

東方hater出現了了

乜原來南華唔係最出名就係用假鬼啦咩？先唔講幾年前正選有三至四個都係加拿大人,葉耀邦連南華都未上到去，你講嗰兩位有得出係因為正選係個老到一個點geh阿庭啊而且東方近幾年嘅班底其實係一班本土二線嘅球員，比如呀恆，Pan,子禮，響外援嘅帶領之下近幾年水平突飛猛進，依家都有穩定嘅港隊水平,比如恆而家識做高位策應，仲有不錯嘅控球技術，幾年前你點會估到今日佢會打得咁好呢？至於ricky阿，大佬啊， 本地比賽都有大把發揮空間，呢個都係畢業於因為平時呢ABL比賽數量多，正選打得比較多，咁本地比賽就自自然然有機會比佢哋上啦。咁當然啦，南華有一隊南青，咁就固然有好多機會比後生球員上場打啦，至於東方就因為成立冇耐，最多都算係同HK PA算有啲合作關係，睇吓將來會唔會有自己嘅一對青訓隊。

當然，如果怪東方令到某一啲球員冇上長嘅時間，更加要反思嘅其實就係香港甲一籃球一直以來實力懸殊嘅問題，Big4球隊嘅實力差異同後4球隊嘅實力可謂差天共地,有心打好波嘅人，大多都會集中係最好嘅球隊度，咁自自然然出場時間有限，只能夠比最有實力嘅球員上啦。咁近年其實都好咗少少㗎啦，叫係有安保漢友咁樣嘅隊出現咗，但係當南華打飛鷹可以打出差唔多成100分分差嘅時候，你都會質疑香港最高級別嘅籃球聯賽除咗所講嘅四隊之外，究竟有冇實力呢

先唔講南華呢幾年你點樣用規則去合理化用外援行為，其實香港籃壇近年來嘅轉變，正正係由東方打ABL開始。

由知名度方面睇，更加多嘅外國人，尤其是喺台灣嗰邊，都會認識得到原來香港有支球隊都係打得唔錯嘅,同時間香港亦了解左更加多外地嘅球員同埋球隊。下年就有林志傑睇啦，你睇唔睇呀？當年佢哋南華打果斷時間咪又係Hea打，今次就應該認真啦

從實力上來講，自從今年改咗亞洲外援位置之後，本土球員出多咗好多，令到佢哋有機會同高水平嘅外國球員直接對位，你諗下喺香港打聯賽幾可會有啲咁嘅嘢發生，同時亦幫助各港隊成員適應打唔同國家嘅對手，幫助佢哋喺世界盃比賽等等上面有更好嘅發揮。同時，要不斷飛來飛去打比賽，或者過處職業運動員規律嘅生活，都令到本身性質比較業餘嘅香港籃壇體驗返更高水平嘅籃球係點樣準備嘅。

從本地球壇上來講，近年來多咗人入場睇甲一,二，一個好大嘅原因係因為東方嘅marketing做得好，有做直播，帶起在香港籃壇，尤其是係A B L季後賽嗰陣，真係$100張都Full House，同事，其他嘅本地球隊都會用東方外援或者係A B L入邊嘅其他隊嘅外援幫手打比賽，例如Esho等等，尤其是係甲二球隊，提升咗比賽水平，重燃唔少香港人對於籃球嘅興趣。

咁當然啦係咪有完全冇爭議呢，梗係唔係啦，例如鄭錦興嗰啲嘢（雖然個人認為你冇可能要東方點樣傷住一年都養你，NBA都有樣嘢叫Amnesty Clause， 你一傷就cut左你），但係評論一件事點都要全面分析，而我相信東方點都係香港其他球隊爭相仿效嘅對象，南南今年請咗歐洲教練，訓練時間幾乎同全職球隊冇分別，唔係就係因為東方嘅存在先出現，係季後賽反勝先出現嘅咩？尤其是係HK 隊，東方幾乎佔咗半隊（琪，榮，Pan，Ricky，恆,Adam，子禮），呢個仲唔係香港籃壇之福?

我聽過唔少人話東方嘅資本來自內地，咁其實如果香港有老細肯出錢搞對職業波我都絕對會支持嘅，咁但係呢樣野之前，有其他人嚟行為香港嘅本地籃球出一分力，我都唔會因為佢嘅身份而介意嘅

咁當然啦，每個人有佢支持嘅球隊，當然冇辦法說服你去鍾意一對你唔鍾意嘅球隊。呢樣野亦都好正常，但相比起幾年前以幾年前你淨係聽到有紅黃嘅球迷，之後嘅紅黃藍，而家有紅黃藍綠，其實就咪係展現左近年來香港籃壇水平提升，值得支持嘅球隊多咗，呢樣野絕對係一件好事黎嘅，希望未來有更加多嘅球隊可以越打越好，帶喺香港嘅籃壇

條友掛住同細龍太滑水，好耐無出聲啦

同意會更加好睇，但現實啲講，外援質素嘅決定因素好大（泰那／費格遜），睇番上年滿貫／今年飛鷹果條自以為kobe....
所以如果其他球隊肯揼本搵個勁人嚟，再多啲衝擊都不為奇