今日睇到唔止一個呢類Po，話好多手足為咗買物資，或者去買物資畀其他人，搞到自己冇錢開飯。
我覺得唔可以淨係睇完流眼淚心痛手足冇飯開，或者等良心餐廳出聲叫手足去幫襯！自問唔勇武發夢都做唔到前線，所以真係好想做返少少野幫各位有需要手足。
有人提意買coupon，印象中快餐店冇coupon呢樣野，想問下手足們咁買咩coupon比較有用？超市coupon？或者買八達通入錢落去有冇得諗？用完存額仲可以退返$50卡錢。
希望集思廣益各位手足嘅意見後，我就去FB各group推到實行出來，每次遊行就呼籲大家去買來派，或者放喺地鐵售票機上面等有需要手足自己攞，相信好多廢中如我必定會盡力支持！
希望各位可以提出意見，如果細佬有咩講得唔好請各位唔好介意。
