算係推算／推測命運，但一個人的「生命歷程」係由地運＋人運＋命運＋抉擇組成。其實仲有個「努力」
地運就係你所講，出生時代，地點。依點係無可能改變
人運就係原生家庭的屋企人、兄弟姊妹；到命主成長遇到的同學、師長、同事等。依點係一半一半，無權選擇原生家庭，但可以長大選舉好的良師益友，或者誤交損友。
命運就係命主出生時間加父母出生年份所影響，所以就算時辰八字一樣，父母出生年份唔同，都會對命主的命盤有好與壞的調整。唔係exactly同一個命運。
如果係雙胞胎，父母出生年份都一樣，照計係共享同一個命運。但命運不等於生命歷程，最重要係「抉擇」同「努力」。
命運可以比喻係一幅大型鬼腳圖，所有分支基本上一早定好哂，而中式命理就係可以算出部份鬼腳圖的分支（即未來潛在的可能性，但受時空局限，部份可能性雖然睇到，但未必有機會實現。）。
因為命運一早定左，所以無咩改變命運的說法。
不過！
命主去到分支的時候，要做抉擇，當命主選擇左A路時，原本鬼腳圖「潛在」的分支，有可能唔會再有機會選擇，即換句話，消失左，從命主生命中流逝，咁就算共享住同一個「命運」，但唔會可能經歷同一個生命歷程。
當依D關鍵時刻出現時，一作抉擇，決定上永遠翻唔到轉頭，所以事前功夫準備好，有足夠智慧去判斷（所以努力提升自己係非常重要），同多做好事，有靈界引領行正確的道路，係非常重要。
我認同㗎!
所以算命只會30-60%準
60%準嗰啲人通常性格由頭到尾好統一, 唔會點思考人生反省自己嗰啲
無錯，因為佢地能力不足，智慧不足，性格又懶惰兼固執，唔肯努力係正確的事情上，視野狹窄，知識貧乏，可以「想像到」的選擇範圍自然好細，自由度非常有限，係abcde，要估佢揀咩，基本上好易就估中，但要係abcdefghijk去估條友揀咩，當然難好多。
但有啲係大眾眼中嘅成功人士
可能就係因為早年太順利所以覺得自己嗰套一定啱
工作生活智慧同人生智慧爭好遠
只係
加油啊
