《香港傭兵》(27)

1001 回覆

16 Like 6 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

飛揚 2019-07-05 16:36:53

寸柒柒

飛揚 2019-07-05 19:00:49

上回講到大家都開始討論有關目標人物嘅事。
飛揚提出目標人物會唔會係SPIRIT嘅行者呢個論點。
綽姿同羅羅都否定，因為目標人物同SPIRIT嘅行者唔同，唔係靠裝備發動精神能量。
目標人物係靠自己身體同皮膚做攻擊同防禦。
呢種都唔係SPIRIT會用嘅方法。
點解唔用呢種方法呢？
好似話係太危險...
點危險發就唔清楚...但就唔好忘記...目標人物好似失晒控...發晒癲...
雖然大家都唔清楚...但照推斷就似喇...
而且今次個委託人係愛港愛國！
點解會係愛港愛國嘅？！
仲有嘅就係目標人物身上先係有微弱嘅息氣...然後瞬間爆發！
而喺飛揚腦海之中，閃出一件重要事...
就係...國安局同SPIRIT...係有合作關係...
跟住既劇情發展又會係點呢？

準備出文

飛揚 2019-07-05 19:01:47

[Day 14－紅色警戒] PART 10

我仲記得嗰個喺會展開嘅會議...

有解放軍總司令...有國安局局長...仲有片翼...

佢哋仲好似講咗啲乜合作...又好似唔係好傾得埋...

其實...同今次目標人物...有冇關係㗎呢？

「好啦～都冇乜頭緒～食唔食啲嘢先吖？」羅羅起身落床。

綽姿擰擰頭：「唔餓。唔使喇。」

『呃...我都唔餓...』用完精神液...真係感覺唔到有餓嘅感覺...

「唔餓都要食啲嘢㗎～」羅羅就邊行出房，「都夜㗎喇～」

都夜？

飛揚 2019-07-05 19:02:35

我左望望，右望望，喺充滿少女Feel嘅房間望望有冇鐘...先發現原來而家都成十點幾！

嘩！究竟我深層睡眠咗幾耐？！

「真係唔使。」綽姿著返件毛毛大褸。

我都望望...我件放咗喺凳上...爛晒嘅毛毛大褸...

穿晒窿...爛晒...已經唔著得...

唉...同綽姿嘅情侶褸吖...著唔夠一日就收咗皮喇...

飛揚 2019-07-05 19:03:20

「唔緊要啦～」羅羅喺出面嗌入嚟，「出嚟食啲嘢啦～唔收錢～」

「你會咁好死？」綽姿就行出房。

我就睇睇有冇嘢漏低先...

電話...鎖匙...銀包...好好好～袋返好～

我再望望...羅羅間房...真係好少女Feel...

真係估唔到...一個咁少女Feel嘅羅羅...竟然係SPIRIT嘅行者...

我到而家都仲係未接受到囉...

飛揚 2019-07-05 19:04:22

「飛揚～」羅羅又喺出面嗌入嚟，「仲喺我間房裡面做咩吖？係唔係搵緊我啲內衣褲收咗喺邊吖？」

『唔係吖唔係吖！我袋返好電話鎖匙銀包而家出嚟喇！！！』我都係立即跑返出去！

唔好俾羅羅誤會...唔好俾羅羅誤會我係死變態！

一出到廳，其實都係好少女Feel...

都係以Pink Pink為主...

綽姿牛油搽麵包：「係你話唔使錢㗎。」

羅羅都拎起塊麵包：「係吖～飛揚～過嚟坐吖～」

『哦哦...好...』我就坐喺羅羅身邊...

飛揚 2019-07-05 19:05:21

「又唔知你有乜陰謀...」綽姿咬啖牛油麵包，冷眼打量住羅羅。

「我會有乜陰謀吖～愛屋及烏咋嘛～呵～飛揚～」羅羅幫塊麵包搽好牛油，就餵到我嘴邊～

『吓...吓...』我咬住塊麵包...唔知俾咩反應好...

「嘻嘻～你呢個呆呆樣真係好可愛～」羅羅同我一齊咬塊麵包～

望住近在咫尺...帶住甜絲絲嘅微笑...可愛嘅臉蛋...

我感覺到自己塊面有啲熱...應該紅緊...

飛揚 2019-07-05 19:06:18

『哈哈...係咩係咩...哈哈...』唔得唔得...唔可以亂諗嘢...唔可以亂諗嘢！

「嗯嗯～」羅羅專登食我食過嗰邊，再將佢食過嗰邊餵埋我嘴邊，「吖～吖～」

『吖...吖...嗯...』好...好甜喔...

係...係羅羅嘅口水尾...帶住陣陣嘅...士多啤梨味？

點解呢？點解少女嘅口水總係帶住士多啤梨嘅甜味㗎呢？

嘩...唔得吖...唔得吖...食過羅羅嘅口水...好想錫佢個嘴嘴...

飛揚 2019-07-05 19:06:54

羅羅仲要用條脷仔舐舐佢個嘴仔...咬咬唇...

嘩...好挑逗吖...

此時，綽姿拎起把刀！搽啲牛油落麵包！

唔好諗唔好諗！

唔好亂諗咁多！綽姿喺度㗎！！！

咁如果...綽姿唔喺度呢？

都唔可以諗唔可以諗！我有月月㗎嘛！！！

飛揚 2019-07-05 19:07:36

唔可以衰喺啲小妹妹手上㗎...

我一直都好驚自己會把持不住...衰喺啲小妹妹手上！！！

只係一直都好好彩（定係唔好彩？），一直都冇咁嘅機會...

但而家...好似有機會...

「嚟吖嚟吖～食多塊吖～」羅羅又搽咗啲牛油落塊麵包度，餵到我嘴邊～

『得得得...自己嚟...自己嚟...』我接過羅羅手上塊牛油麵包...

都係自己嚟喇...都係自己嚟喇...唔係好易出事！！！

飛揚 2019-07-05 19:08:17

「嘻嘻～我都明嘅～有外人喺度係怕羞啲～」羅羅甜絲絲咁望實我～

「你話邊個外人？」綽姿冷眼望實羅羅，「佢係我嘅隨行者。」

「咁又點？」羅羅仲係甜絲絲咁望實我，「梁綽姿死咗嘅話，你就跟我啦～」

綽姿死咗嘅話...跟羅羅？！

「你死我都未死。」綽姿咬住塊麵包，冷眼望實羅羅。

「係咩係咩～睇吓點～」羅羅帶住陰險嘅微笑...打量住綽姿...

飛揚 2019-07-05 19:08:58

點吖...而家算唔算係有兩個小妹妹為我呢個大哥哥爭風呷醋吖？

不過而家先唔好理呢個問題...

綽姿死咗嘅話...跟羅羅...

係喎...我從來都冇諗過萬一綽姿死咗嘅話...點算...

仁慈都講過，萬一跟緊嘅執行者死咗，而自己又未有能力成為執行者嘅話，係要跟隨另一個執行者...

如果跟羅羅嘅話...

飛揚 2019-07-05 19:09:35

如咩果呀？綽姿咁勁～

真係唔使諗咁多～諗點保住自己條命仔好過～

『究竟點先可以...再強啲...』我望住兩個小妹妹...

兩個都強到一個點嘅小妹妹...

「算罷啦你。」綽姿擰擰頭，冇我咁好氣咁繼續食牛油麵包。

做咩姐...又睇我唔起...

飛揚 2019-07-05 19:10:10

「其實都唔係吖～」羅羅托住個頭，打量住我，「我總係覺得...覺得喺你身上...有啲特別...」

喺我身上...有啲...特別？

「特別弱。」綽姿咬住麵包點點頭。

做咩姐...又話我弱...

「除咗特別弱...仲有啲啲...特別...」就喺羅羅眼甘甘咁打量住我之時...

我感覺到...電話震？

飛揚 2019-07-05 19:10:39

好似唔止我...綽姿同羅羅都好似感覺到電話震...

我哋三個都同一時間拎部電話出嚟睇睇...

然後就睇到電話個Mon裡面...正正就顯示緊一條訊息...

訊息寫住...

『緊急...』委託？！

飛揚 2019-07-05 19:11:09

今晚出完