《香港傭兵》(27)

上回講到又會咁好彩俾飛揚遇到上次嗰個黃傘馬尾女！
黃傘馬尾女嘅警覺好高！好快就察覺到飛揚條仆街留意住自己！
飛揚就扮晒鹹濕佬咁！然後又繼續等𨋢！
黃傘馬尾女除咗留意飛揚之外，仲有一齊等𨋢嘅兩男三女。
兩個男嘅係認識，但唔認識嗰三個女。
而嗰三個女又有傾有講有笑。
佢哋都似係平民路人～上去睇嘢買嘢。
好吖～飛揚混喺啲平民之中好吖～
一齊入𨋢後，有兩層都撳著咗。
一層較高，另一層效低。
而黃傘馬尾女都未撳𨋢...飛揚就撳咗較中間嗰層。
當兩男出𨋢，黃傘馬尾女仲未想撳𨋢！
直到差唔多到飛揚撳嗰層，黃傘馬尾女喺最後一刻先撳！第一時間出𨋢！
飛揚一上到上一層，都立即搵後後層跑落去！
就喺飛揚跑到落下層，一拉開防煙門，馬尾女就用支手槍指住飛揚個頭！
飛揚立即左手用力捏...捏褸袋入面支精神液！
精神化之下嘅飛揚以迅雷不及掩耳嘅速度捉住馬尾女手上支槍再捉佢入後樓梯反佢隻手向背後壓佢埋牆！
馬尾女隻手一軟，手上支槍就俾飛揚搶走！
「你係...你係SPIRIT嘅人...」馬尾女明顯俾飛揚壓到唔係好抖到氣。
『知你就唔好咁多嘢講。帶我去你哋嘅基地。』飛揚都唔嘥時間！因為已經用咗精神液...時間緊迫！
「我係唔會帶你去㗎！」馬尾女仲要口硬！
『你唔帶我去唔緊要...我最多逐層搵...殺晒呢度所有人！』當然...飛揚只係想嚇嚇佢...
「你！你係嚟剷除我哋？！」馬尾女雖然口硬，但無力掙扎！
『唔係...我嚟只係想搵一個女仔。只要我搵到佢...就唔會濫殺無辜。你知我指邊個㗎啦...帶我去搵佢！』飛揚都唔怕老實咁同你講...
「我...我哋係唔會交實驗品俾你㗎！」
實...實驗品？
跟住既劇情發展又會係點呢？



準備出文