《香港傭兵》(27)

1001 回覆

16 Like 6 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

飛揚 2019-07-04 19:00:13

上回講到飛揚仲要問羅羅係唔係行者！
咁都仲要問？綽姿真係冇眼睇！
原來羅羅係執行者！
嘩！勁綽姿咁多都係執行者咋？！
綽姿聽到飛揚咁講，立即想攞佢命！
咁講法...羅羅之前所講嘅...全部都係大話？
又唔係喎！SPIRIT都算係孤兒院～而且最重要嘅係羅羅對飛揚係真嘅～
嘩...又有囡囡送埋嘴邊...
飛揚都係問返佢哋係幾時到嘅...
綽姿一早就察覺到飛揚有古怪，就主動提出分開行，再跟住佢。
而羅羅就一早就喺對面座大廈平台，即係同飛揚初次見面嘅地方。
飛揚真係好蠢㗎！一個小妹妹見到自己從天而降仲講乜命中注定都唔覺得有古怪！
咁羅羅真係曾經被SPIRIT嘅人救過吖嘛～
講唔夠幾句就話飛揚弱...
「你話唔係咩？！用精神液嘅Level又高過我哋...維持精神化狀態就短過我哋...進入深層睡眠又早過我哋...又遲過我哋醒...你話係唔係弱喇？！」
「就係咁先可愛吖嘛～」
點解講講吓又講咗去飛揚身上㗎...
跟住既劇情發展又會係點呢？

準備出文

飛揚 2019-07-04 19:00:57

『呃...話說...點解目標人物身上...會有精神能量？』都係講返正題...

「呢層...」羅羅咬住唇咁諗諗，「我都覺得奇怪...」

綽姿就翹住對手唔出聲。

『會唔會係...目標人物都係SPIRIT嘅行者？』我嘅大膽假設夠唔夠大膽？

「唔會。」綽姿擰擰頭，「佢同我哋...有分別...」

有分別？

飛揚 2019-07-04 19:02:19

「嗯...」羅羅咬住唇咁點點頭，「佢嘅精神能量唔係長袍發出...而係...直接喺身上...」

直接喺身上？！

『呃...其實會唔會係佢身上啲衣物都係用長袍嘅物料製造？』即係新款式呢...

「唔會。」綽姿又擰擰頭，「你有冇留意佢對手、頸同塊面？睇你個呆樣都知冇。」

吓？我又要留意到啲乜呢？

「嗯...」羅羅又點點頭，「佢哋精神能量係直接喺皮膚發出...就算你哋把精神刀斬中佢條頸，都會被精神能量擋住。」

又係喎...

當精神刀直接斬中目標人物條頸，冇任何衣物擋住之下...都有超強嘅紅色精神能量阻隔刀刃...

飛揚 2019-07-04 19:03:30

「雖然話喺我哋皮膚都會有少量精神能量做保護...但都唔足以好似目標人物咁，有咁強嘅保護能力...而且仲有一點...」綽姿諗一諗，「佢對爪...」

『發出紅光嘅利爪！！！』就好似精神刀刃一樣！

「嗯...」羅羅又點點頭，「佢對手乜都冇...但就可以散發出紅光利爪...呢點已經同我哋好唔同。」

冇錯喇...我哋係靠精神刀柄...

但標目人物就乜都唔使...直接靠雙手...

「而且佢嘅能量好大。」綽姿又諗一諗...

『係！係極大！不論係身上...定係雙爪！』防禦力極高...攻擊力又極大！

飛揚 2019-07-04 19:04:15

「唔止...」羅羅又諗一諗，「仲有口砲...」

係...仲可以用口噴出極高精神能量...當砲咁用！

「直接用身體...」綽姿諗咗一諗，「釋放出精神能量...作攻之用...」

「係我哋SPIRIT唔會用嘅方法...」羅羅又諗諗...

『點解我哋SPIRIT唔會用呢？』雖然我問完呢個問題之後覺得問得有啲戇鳩...

之但係我唔明吖嘛...

飛揚 2019-07-04 19:04:55

只見綽姿同羅羅互相對望...

咁...咁即係點？

「其實我哋都唔清楚吖～」羅羅擰擰頭～

吓？唔清楚？

「冇任何有關呢方面嘅情報。」綽姿都擰擰頭。

吓？又係冇呢方面嘅情報？

「或者係太過危險掛～」羅羅又擰擰頭～

吓？有幾時唔危險㗎？

飛揚 2019-07-04 19:05:45

「呢啲都係謠傳。並無實質證據。」綽姿都擰擰頭。

吓？係謠傳？邊度傳過嚟㗎？

真係唔明...點解身為SPIRIT嘅一份子，都總係唔清楚有關自己組織嘅事？！

「但謠傳又未必信唔過喎～」羅羅又諗咗一諗，「假如拉埋今次件事嚟講...」

拉埋今次件事嚟講？

「你嘅意思係...」綽姿又諗咗一諗，「目標人物用上危險方法...」

唔明...佢兩個講緊乜？

飛揚 2019-07-04 19:06:39

「有冇發現...」羅羅又諗一諗，「目標人物好似失控咁？」

『有吖有吖！直頭冇人性嘅野獸咁呀！！！』又大嗌！又亂爪！

「仲好似一直都...」綽姿又諗咗一諗，「神志不清...」

『神志不清...都係吖都係吖！一直都呆呆濟濟咁！』之前見佢被馬尾女挾持已經係咁！！！

「所以...」羅羅又諗一諗，「佢就係用上危險嘅方法...」

吓？都係唔明喎...

飛揚 2019-07-04 19:07:25

綽姿又唔出聲...翹住對手諗諗...

『呃...咁即係話...佢都係SPIRIT嘅人？』我真係諗唔到嘢...只好又大膽假設。

「唔係。」綽姿又擰擰頭。

『點解可以咁肯定呢？』係唔係又隱瞞住啲乜呢？

「係因為...」羅羅又諗一諗，「委託人係愛港愛國...」

『委託人係...愛港愛國？！』點會係班仆街㗎？

雖然話黃傘同愛港愛國係敵對...

之但係...目標人物同愛港愛國...有關係咩？

飛揚 2019-07-04 19:09:48

綽姿擰擰頭：「假如目標人物係SPIRIT嘅人，託委人唔會係愛港愛國...更冇可能會喺黃傘手中。」

雖然唔明...但好似好有道理...

綽姿再諗諗，打量住我：「你頭先話...黃傘嘅人挾持住目標人物同國安局對峙？」

『嗯！係吖！就頭先嗰個馬尾女咋嘛！係喇！個馬尾女呢？』同發咗癲咁嘅目標人物交戰之後，都唔得閒去留意馬尾女...

「佢襯亂走甩咗Luu～」羅羅咬一咬唇，「早知就捉咗佢先啦～」

噢...原來走甩咗...

飛揚 2019-07-04 19:11:44

「係國安局...」綽姿又諗一諗，「個馬尾女仲好似話...就算係同歸於盡...都唔會交返實驗品俾我哋...」

『係吖...佢係有咁講過吖...仲唔止一次...』我一捉住佢嘅時候就已經有咁講過...

羅羅又咬住唇諗諗：「黃傘...愛國愛港...國安局...實驗品...真係奇怪...點連都連唔到落同精神能量有關連...仲要係極大量嘅精神能量...」

「嗯...」綽姿又點點頭，「極大量嘅精神能量...仲會爆炸...」

「冇錯喇...」羅羅點點頭，「雖然爆炸嘅威力唔算好大...之但係...散發咗好多好大量精神能量！」

飛揚 2019-07-04 19:12:28

綽姿又點點頭：「啲精神能量亦都消散得好快...」

羅羅又點點頭：「只係維持咗一瞬間...就消失得無影無蹤...」

綽姿再諗諗：「而喺我一見到目標人物之時...我就感覺到佢身上有啲唔妥...」

羅羅打量住綽姿：「喺佢身上...感覺到氣息？」

綽姿點點頭：「嗯...有一點點...好微弱...」

飛揚 2019-07-04 19:13:02

羅羅接住講：「好微弱...好微弱...然後一瞬間膨脹...爆發！」

「你都感覺到？」

「你都感覺到我又點會感覺唔到吖？」

雖然仲係唔係好知乜嘢情況...

之但係...有一點...喺我腦海中閃過...

國安局同我哋SPIRIT...係有合作關係...

飛揚 2019-07-04 19:13:34

今晚出完