《香港傭兵》(27)

1001 回覆
16 Like 6 Dislike
2019-06-27 13:21:27
邊度發炎呢
2019-06-27 13:25:44
有機會發炎嘅部位都要小心
2019-06-27 14:01:12
切咗佢 一了百了
2019-06-27 14:15:57
切咗生唔返㗎喎
2019-06-27 14:44:24
你諗你啦
2019-06-27 15:11:57
小心啲 唔好發炎就冇事
睇完醫生未
2019-06-27 15:55:52
你唔是切咗好耐喇咩?
2019-06-27 16:18:06
我冇練神功喎
2019-06-27 17:00:41
但係我收到風係話你俾人咬斷咗 駁唔返 跟住要成條切 你究竟對綽姿做過啲咩嘢嚟
2019-06-27 17:01:32
你一定係發緊夢
2019-06-27 19:01:34

上回講到馬尾女話係唔會交實驗品出嚟！
實驗品？飛揚唔係話要女咩？
飛揚都跟馬尾女咁講，又嚇又氹咁要馬尾女交實驗品出嚟。
馬尾女都只好答應，帶飛揚上樓梯。
飛揚一路上都提高警覺！感應住附近有冇逆行者。
又好好彩一啲氣息都感應唔到～睇嚟真係俾飛揚冷手打個熱飛機～
行到上廿幾樓，出到嚟見好多War Game場同密室逃脫場。
飛揚就押住馬尾女喺呢啲乜場乜場之間行。
然後馬尾女就帶飛揚嚟到一個名為Umbrella...War Game場！
原來係以War Game場做掩飾！
但當馬尾女帶飛揚入到去...裡面黑漆漆咁...伸手不見五指...
飛揚盲摸摸咁伸手向前亂摸：『喂...喂！我睇唔到路呀！開燈得唔得呀？』
「跟住我啦...向呢邊行啱㗎喇...」飛揚聽到馬尾女把聲...喺右邊...
飛揚又盲摸摸咁向右邊行...行...行多幾步...
真係唔對路...睇唔到嘢真係好難行...
『喂...開燈啦不如...』開燈...不如自己提升視力啦！
就係飛揚提升視力...提升到...就嚟睇到...已經睇到...
突然！眼前一亮！
『嘩！！！』好光！好亮！白茫茫一片！！！
點解呀？咩事呀？話想開燈姐...使唔使成個空間都...係射燈？！
跟住既劇情發展又會係點呢？



準備出文

2019-06-27 19:02:05
[Day 14－紅色警戒] PART 07

好似戴咗夜視鏡，俾人用射燈兜口兜面兜眼射咗鑊甘一樣...

隔咗一段時間...白茫茫一片咗幾耐先睇到...睇到有好多...好多盞大射燈...射住我？！

成個空間...上下左右...四面八方...都有大射燈射住我！

我身處嘅空間...整個空間...冇任何雜物...障外物...就連想搵幅牆擋擋都冇...

呢度唔係咩War Game場...呢個係...陷阱！
2019-06-27 19:02:53
喺強光之中...我只見遠處有個身影...轉身...望向我...

呢個身影係...馬尾女！

馬尾女喺強光之中...向我揮揮手...然後就慢慢消失喺強光之中！

『可惡！』當我想衝向馬尾女消失嘅方向之時...

“吱！啪啪啪啪啪啪啪啪啪啪！”我全身上上下下左左右右前前後後不停中彈！！！

睇唔清楚！成個空間都係白茫茫一片！

“啪啪啪啪啪啪啪啪啪啪！”回音傳遍整個空間！
2019-06-27 19:03:56
我唔可以靠對眼...唔可以靠對耳...去分辨子彈由邊個方向射過嚟！

我只可以靠...靠身體...

“啪啪啪啪啪啪啪啪啪啪！”四方八面...由身體中彈感覺得到...係由上方...四方八面咁打斜射落嚟！射向我身上！

雖然話唔入肉...但好痛！又密又痛！！！

痴撚線乜鳩嘢機槍呀？25mm GAU-22/A呀？！

“啪啪啪啪啪啪啪啪啪啪！”

唔得呀！雖然話唔入肉...但真係好撚痛！痛撚到手上支手槍都跌埋落地！話唔定仲俾子彈射到散晒！

“嗡！嗡嗡嗡嗡嗡！”我立即集中精神，亮出紅光刀刃！亂鳩咁Fing！
2019-06-27 19:05:05
睇唔到！白茫茫一片根本就睇唔到啲子彈由邊度飛埋嚟！

“嗡嗡嗡嗡嗡！”一路鳩Fing Fing咁Fing鳩把精神刀！擋得幾多得幾多！

事實上真係擋得唔係好多...定係真係用上十幾廿把25mm GAU-22/A對住我嚟射！

我仲係感覺到全身上上下下左左右右前前後後都不停咁中槍！！！

“啪啪啪啪啪啪啪啪啪啪！”屌你老母真係好撚痛！

再咁中槍真係唔係辦法！除咗痛之外...精神能量一定會流失得好快！

再係咁落去...好快就耗盡精神能量...進入深層睡眠！
2019-06-27 19:06:50
點好呢？我應該點做好呢？點解我會跌咗落呢個陷阱呢？！

由始至終...馬尾女都冇諗住要帶我搵目標人物...

由始至終...馬尾女只係想帶我嚟陷阱！

可惡呀！！！

“嗡嗡嗡嗡嗡嗡嗡嗡嗡嗡！”我奮力咁揮動精神刀！圍住自己身邊不停揮！！！

“啪啪啪啪啪啪啪啪啪啪！”究竟喺邊個方向？上邊嘅邊個方向？！

我感覺唔到...我感覺唔到確實嘅方位...距離又有幾遠...

唔得...唔可以再俾佢哋撳住嚟掃射...再係咁落去...真係好快...好快就...
2019-06-27 19:07:42
就喺我仲未諗到應對方法...中槍中到我就嚟要跪低之時...

我感覺到...感覺到有股氣息...有股熟識...且霸道嘅氣息...係綽姿！綽姿嘅氣息...喺上面！

綽姿嘅氣息以極速喺上面逆時針咁圍住我轉！

射燈嘅白色強光，亦同時跟住綽姿嘅氣息圍住我咁熄滅！

子彈亦同時跟住射燈嘅熄滅而停止擊中我身！

當綽姿嘅氣息剛好逆時針圍住我轉完一圈...成個空間靜晒...回復漆黑一片...身上散發住紅色粒子嘅綽姿就跳到落嚟我身邊！
2019-06-27 19:08:47
『綽姿...你...』我都未將我想講嘅說話講完...

「叫我瓦解。」綽姿捉住我衫領，拉我埋去佢面前！

『係係...瓦解...點解你...你會嚟咗？』嚟咗幫我解圍...

「你吖...」綽姿一手搭住我膊頭，大大力咁捏！「古古惑惑咁...就知你有嘢隱瞞我...所以就跟住你。」

『我我我...我都係唔想你殺咁多人姐...痛痛痛痛！』捏到我就嚟進入深層睡眠喇！

「你都仲係咁天真！」綽姿再大大力咁拍拍我膊頭！「你唔殺佢哋...佢哋想你死！喺呢個亂世，唔係你死就係我亡。唔死人係唔會有改變...你明唔明呀？」

『我...我只係覺得...有啲人係抵死...有啲人...應該繼續生存...』雖然我講完出口都覺得自己好天真...
2019-06-27 19:09:42
「邊啲人抵死？邊啲人應該繼續生存？點定？邊個定？你定定我定？邊個力量大就邊個生存！邊個阻我就要死！」綽姿再用力一捏！捏住我膊頭！

又係弱肉強食...適者生存...

「而家唔得閒同你上理論課！目標人物喺邊呢？」綽姿左望望！右望望！提高警覺！

『我唔知吖...我只係知上次有個黃傘嘅馬尾女捉咗目標人物嚟呢座大廈...』本來捉到馬尾女...俾佢走甩咗...

「唔喺...已經唔喺...」綽姿提高警覺擰擰頭！

『吓？』你又知唔喺？
2019-06-27 19:10:37
「有啲古怪...跟我嚟！」綽姿拉住我，衝出War Game場！

『喂喂喂...去邊吖？』我起勢咁跑！

「唔好咁多嘢問！總之跟住我！」綽姿以忍步喺走廊跑！

唔好問...唔好問...我都只好以忍步跟住綽姿身後跑！

緊隨其後！只見綽姿以忍步向住走廊盡頭嘅牆身跑過去！

“嗡！”綽姿亮出刺眼嘅紅光刀刃！向住牆身揮幾刀！

“嗡嗡嗡嗡嗡！”牆身被紅光刀氣斬開一大個缺口！
2019-06-27 19:11:27
綽姿跑到缺口一跳！就跳咗出去！

又跳樓？唉...跳就跳啦！

我諗都唔諗就由缺口向外一跳！

跳咗出去...再望望樓下...先醒起呢度成廿幾層樓高！

仆街喇呢次！

由廿幾層樓飛落街！

綽姿好型咁俯衝式向下飛！我就好柒咁伸直晒手手腳腳大字形向下墮！
2019-06-27 19:12:42
唔使好耐...都真係幾快...我就望住綽姿一個轉身安全落地！喺馬路中心仲要擺個有型姿勢！

而我都緊隨其後！一落地碌兩圈卸一卸力！

嘩嘩嘩嘩！廿幾層樓都跌我唔死呀！我有進步㗎！

就喺我都仲未諗點解又要玩跳樓之時...我望到前面...停泊咗幾架輕型貨車喺路邊...再前啲嘅位置...有幾個人...啱啱喺後巷衝咗出嚟！

嗰幾個人一見到綽姿，就立即遞起機槍！對住我哋！

佢哋係...係黃傘力量嘅人？

喺千鈞一髮之際...我再望清楚啲...望望嗰幾個揸實晒機槍對住我哋嘅人...後方...仲喺後巷裡面...係馬尾女...仲有目標人物！
2019-06-27 19:13:36



今晚出完



三句預告

係馬尾女...係馬尾女捉住目標人物！

馬尾女一見到我同綽姿喺馬路上，就立即轉身！拉住目標人物向住後巷入面跑！

同時，又有幾個手持長槍嘅身影喺幾架輕型貨車裡面跳出！
2019-06-27 19:13:54
live
2019-06-27 19:14:10


聽晚要去飲
所以要提早到下午5:00出文

吹水台自選台熱　門最　新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑　洞