《香港傭兵》(27)

雖然話唔知黃傘班人有乜武器...但至少佢哋有槍...

馬尾黃傘女係用槍脅持目標人物...

就算係手槍...以我呢種平凡人嚟講，已經搞佢唔掂...

咁好唔好用精神液...精神化咗先？

但萬一目標人物唔喺裡面...又或者裡面有逆行者？

萬一目標人物唔喺裡面，我就一定冇辦法完成到委託...

因為一個鐘後，我就會進入深層睡眠...

而如果裡面已經有逆行者駐守...我直頭會俾佢哋感應到我嘅存在！

精神化期間嘅氣息...

莫講話偶然或者必然...我相信求其一個逆行者都可以離遠感應到我嘅氣息...

我仲未識得...好好控制氣息...

真係越做行者得耐，越覺得好多制肘...

衡量過之後...好似都係唔好用精神液住會比較冇咁易死...

最多我而家雙手插定褸袋，揸住支精神...

萬一真係遇到黃傘力量嘅人用槍指住我，我就立即捏支精神液，精神化！

好啦！計劃好就行動啦！

我就橫過馬路，行入工業大廈！

一入到去就睇睇水牌...都有唔少公司。

啲公司睇落都唔係做工業生意...全部都係做零售賣嘢...War Game場...密室逃脫...又或者...Party Room？

當然就唔會有“黃傘基地”咁明目張膽啦～

咁點搵呀？成座工業大廈咁鬼大！

就喺我望住個水牌頭都大埋都唔知由邊度搵起好之時...我眼眉見到身邊...有個好似鬼鬼祟祟咁嘅身影企喺身邊...

我望清楚...呢個戴住頂帽...紮住馬尾...斯斯縮縮咁嘅...女仔...之唔係就係...黃傘馬尾女？！

今晚出完

三句預告

[Day 14－紅色警戒] PART 06

竟然...竟然一入到嚟工業大廈就俾我遇到...上次嗰個黃傘馬尾女...

究竟係我好彩...定係佢唔好彩？

聽講棟工業大廈嘅六樓有時鐘酒店

已經將[Day 14－紅色警戒] PART 05 Upload上Facebook同紙言

會唔會係隔離嗰棟

報報

就係而家呢棟

你咁清楚嘅 唔通

精神化完咪上去唞吓囉

萬一裡面有逆行者咁點算 實感覺到飛揚嘅氣息

揸住支精神

殺

謝校對

被殺

怯 你就輸成世

現實並唔似打機一樣 死咗可以重來 無限復活打Boss
或者好似hardcore咁 死咗真係乜撚都冇

就係因為冇得返去過去
冇得後悔 然後由分支點重新選擇

有啲選擇有路行
有啲選擇係終點

早

早

早

寨城附近有工廈？