《香港傭兵》(27)

飛揚

1001 回覆

16 Like 6 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

飛揚 2019-06-28 17:06:53

「嗄...嗄...嗄！」目標人物唔單止成對眼係紅色...全身散發住紅色粒子...就連個口都不停噴出紅色粒子！

點解會...點解會咁...

我個腦仲係一片空白之時...

「嗚呀！！！」目標人物就發晒癲咁...一邊亂爪！一邊向住我哋嘅方向衝過嚟！

目標人物嘅雙爪仲要發出紅光！閃過不停！仲爪到兩邊牆身都係爪痕！爪斷水管！

“嗡！”綽姿都亮出刺眼嘅紅光刀刃迎擊！

“吱！！！”綽姿一刀擋住目標人物嘅紅光雙爪！

「嗄！」但綽姿好似唔係好夠力擋！

飛揚 2019-06-28 17:07:50

唔係吖化？連綽姿都擋唔住？

我當然唔再食花生！

“嗡！”立即亮出紅光刀刃一刀砍落目標人物雙臂！

係就係兜刀砍落目標人物雙臂...應一應嗰隻...之但係...唔入肉...

紅光刀刃與雙臂之間...散發住無數咁多紅色粒子...

點會...唔理咁多！沿住目標人物手臂，橫刀斬向佢條頸！

“吱！！！”但當紅光刀刃斬到去目標人物條頸，又係斬唔入！！！

飛揚 2019-06-28 17:09:03

點會...點會有紅色粒子...保護住？！

「喝！」綽姿同我以精神刀用力一推！將目標人物彈開！

全身散發住紅色粒子嘅目標人物退後咗幾步，綽姿就乘勝追擊，一個忍步接近目標人物再連環斬！

“嗡！嗡！吱！嗡！吱吱！！！”就算刀刀都砍落目標人物身上，但冇一刀係入肉！

連綽姿都...砍唔入？

我都唔諗咁多，一個忍步跟上綽姿，向住目標人物施以橫斬直砍轉身半月斬！

我同綽姿一左一右，喺後巷同目標人物交戰！

飛揚 2019-06-28 17:10:47

雖然我哋刀刀都成功命中目標人物，但無論係中頭中頸中手中身體任何一部份都好，都係唔入肉！

就算綽姿一刀刺向目標人物胸口，都係刺唔入！

而目標人物就用發出紅光嘅雙爪，不停向我哋亂爪！

“嗡！嗡嗡！吱！嗡嗡嗡！吱！！！”雖然話目標人物係亂爪，爪到牆身都佈滿爪痕...但攻速之快，我同綽姿都避唔得幾多...擋唔到幾多！

話口未完...

“嗡！嗡！”我同綽姿各人都中咗一爪！

飛揚 2019-06-28 17:11:23

我同綽姿立即跳後兩步！同目標人物保持一段距離，再望望自己胸口...

我胸口就多咗四劃...噴出紅色粒子...

綽姿胸口都多咗三劃...有唔少紅色粒子飄出！

點會...點會能量可以大到...

「嗚...嗚...呀...」目標人物握實雙拳...全身抽搐！

做...做咩吖？點解總係覺得...不妙...

飛揚 2019-06-28 17:12:19

「呀...嗚！嗚呀！！！」話口未完，目標人物擘大個口！向天一嗌！一碌紅色巨柱直噴上天！

係...係口砲？！

“轟！”左右兩邊嘅牆身被口砲嘅砲風轟碎！

好...好大威力！

目標人物正想耷返低個頭，用口砲掃落我同綽姿身上！

“轟！”刺眼紅光巨柱正要向住我哋一掃以落！

飛揚 2019-06-28 17:13:26

「今次弊！」綽姿立即攬實我踎低！用背脊幫我擋！

唔得㗎...我感覺到...呢股力量太大...綽姿擋唔住㗎！

就喺刺眼紅光巨柱快要掃到綽姿背脊之時...突然有個身影喺我哋面前出現！幫我哋擋住口砲！

身影面前不停有紅色粒子飄出！擋住紅光口砲嘅掃射！

呢個身影...呢個散發住陌生氣息嘅身影...係邊個？

飛揚 2019-06-28 17:14:17

“轟！吱！灑...”當紅光口砲完全被抵消之後...

我望到呢個...著上行者長袍嘅身影...回頭望住我...

呢個帶住微笑望住我嘅妹妹仔係...

「妖邪？！」綽姿望住羅羅...

冇錯...呢個啱啱幫我哋擋完口砲...而家仲帶住微笑望住我嘅妹妹仔...明明就係羅羅！

點解...點解綽姿會叫佢做...妖邪？！

飛揚 2019-06-28 17:14:45

今晚出完