突然間好掛住一個過左身既前度女朋友

巴打加油

難忘的因你太念念才難忘
無謂抱著誰十年 最難是放...

巴打加油 我都要加油

巴打個名
RIP 要幸福

睇完個POST都令我諗起一個異性朋友突然咁離開
雖然識左好短暫
但有好多講左但未密現GA野留低

只覺得個朋友正值花樣年華就咁走左
好多野都好可惜

午夜夢迴果下先心up....

有一個六年幾嘅女朋友
試過係夢入面夢到佢因爲意外死咗
好記得自己有幾咁崩潰，起咗身之後失控咁喊

好難想像樓主承受嘅傷痛有幾咁大
巴打你加油，努力咁生活落去
命運係要同你開咁大個玩笑，你就一於同佢玩落去，千奇唔好放棄。

自己一個都可以活得好開心

睇到好Sad

時間一直唔等人 睇呢個po睇到好sad
誰釀一壺回憶 飲一盞可惜

巴打 我明白你感受
係街行行下 忍唔住要分享我自己經歷

佢 前年係我生日前幾日離開左呢個世界

我地兩個唔同校，係中二認識對方。
起初佢有男朋友 幾個月後分左手。我一直都係身邊陪住佢，走出傷痛，陪佢做左好多野（佢ex對佢好差）

之後，大家都感覺到雙方都有好感，但我偏偏係一個對愛情好細膽，好怕失敗既人。佢知我無膽表白，所以佢對我開口先。但果時我無回答佢答案，因為果陣我爸爸有末期癌症。我唔想浪費時間拍拖，我只係想陪住爸爸。佢無介意我無比答案，佢知道我爸爸有事 好多時會上黎我屋企幫手照顧爸爸，安慰下情緒失控既媽媽。

最後 我爸爸終於走左。我個人無晒動力 接受唔到呢件事黎得太快。果段時間我放棄左自己 日日訓係張床 無聽佢電話 無回佢sms。葬禮過後一個月 我仲係屋企做緊爛泥 日日以淚洗面。係果個時候 佢黎左我屋企拖左我出門口 打醒左我 罵醒左我。佢話唔想我變成咁 想我振作。於是係果年暑假 佢每日都會拖我出籃球場（我鐘意打籃球）陪我周圍行 傾心事 借膊頭比我喊。無辦法 我好愛我爸爸，傷心左好耐。

之後 順利成章我地一齊左。果陣我既生存動力只有佢同媽媽。係佢令我走出陰霾，我願意付出我既一切去愛佢 照顧佢。

高中畢業後 佢返左台灣讀大學。而我亦正式進入社會大學做野。有一日收到一個電話 佢同我講佢有病 係癌症。我接受唔到 我唔相信係真。於是我飛左去台灣搵佢 佢媽媽同我講 佢有左腦癌。唔知之後會點 叫我有定心理準備。佢選擇接受治療 但病情無好轉。後尾佢放棄左學業同治療 返左黎香港。果兩個星期 我每一日都陪係佢身邊 無離開個佢。

我仲記得有一日經過一間婚紗鋪，佢話佢好想著入面件白色婚紗，好想做一個好幸福有人愛既新娘。我果陣答佢：我會令你著上呢件婚紗，好唔好啊？佢點頭，就好似答應佢會嫁比我一樣。

佢有叫個我 不如我地唔好聯絡大家啦 我唔想做你負擔。我唔想你仲愛我，我怕有一日我唔係到你會唔慣，你會傷心。

我答，一直以黎你都陪住我走過低谷，我無理由而且絕對唔會離開你。我咩野都唔要 我只係想一生一世 都要你陪住我...

知道左佢有病 我每次見面都要係佢面前扮開心果。但我一返到屋企就會自己係床爆喊，頂唔順果陣會搵一個兄弟借膊頭比我喊。果種感覺好辛苦 你招架唔到，就好似劇集先會發生既情節出現係現實咁...

最後 佢係我生日前幾日離開左我。我買左一隻戒指，未交到佢手上就離開左。

我生存動力得返媽媽，如果佢有咩冬瓜豆腐，我對呢個世界都無咩留戀。

希望大家要珍惜眼前人。因為自己無愛得及時，我欠兩個我最愛既人一句 我愛你。

果種痛 一世都忘記唔到

Sor for 1999
利申 喊緊

睇到喊
曾經都諗過自殺
種種原因 令到我有呢個諗法
問過ex如果有一日我死咗會點
佢話千奇唔好 因為佢我一度想自殺
但一諗到屋企人對我咁好就放棄咗
我唔想佢地唔開心
最後都係分開咗
真係好慶幸自己冇咁做
因為屋企人真係好錫我

聽下月球上的人

我個老師同男朋友拍拖十年
搞緊結婚野 差唔多安排好曬
佢男朋友就突然猝死左
人生就係咁無奈

btw 勿相認

好似知你係邊個

巴打加油

呢個post 好sad
但咁深愛一個人覺得好浪漫
各位巴打絲打振作加油

呢個post好sad睇到喊 A0狗表示好想搵到廝守一生一世的人 但奈何我覺得自己好廢 做咩都冇出息 就算有意中人都唔敢進一步同佢發展關係

你個名

放唔低冇錯
講出黎會舒服啲

好想喊，睇完個post淨係好想攬住我女朋友。W_ _我知你有上連登，我愛你

張敬軒首風起了
願你可 於他方過活別來無恙
聽呢首真係會喊到收唔到聲