[PC/Xbox One] 黑色沙漠 #35

重點係你上到架船禁多次掣就可以揸船

大洋時代
我依家都日賺3億左右

由零開始要邊度開始？

既然有人問，我就花時間答啦，我一向都係有問必答既人，除非我唔識。

想要利用新版本大洋貿易賺錢既話，要做好多準備既。
我就從幾方面講解一下。

首先係事前準備。
投資大洋既門檻其實相當高，要準備大量既時間同投資資金。
時間方面會建議每日至少花5-6個小時，資金方面會要求最低有8億左右(我暫時用左7億就進入回本期)。

當做好以上準備，就要說明一下大洋貿易中會用到既工具。(當然係船啦，無條船玩條撚咩)
大洋貿易中，最理想係利用重帆進行貿易，因為重帆係船隻既最終版本、負重最高。
船隻升級路線如下︰
╔ 巴特利帆船(0階) ╕
艾斐莉亞輕帆船(1階) 艾斐莉亞護衛艦(1階)
艾斐莉亞貿易船(2階) 艾斐莉亞驅逐艦(2階)
艾斐莉亞重帆船：漸近(3階) 艾斐莉亞重帆船：飛翔(3階)
艾斐莉亞重帆船：均衡(3階) 艾斐莉亞重帆船：勇猛(3階)
由上可見，1階起有2條分支，升到3階再各自有2條分支，最後3階船總只有4種重帆。
貿易船路線既船會傾向高負重、航速慢、攻擊力低。
驅逐艦路緞既船會傾向負重低、航速快、攻擊力高。
如果單純想跑貿易賺錢，就比較推薦漸進或均衡。(投資形容為先苦後甜)
如果想同時兼顧賺錢同打海怪，就會推介飛翔或勇猛。(投資形容為先甜後苦)
每次升級都需要用到各種原材料，我就不一一說明，請去以下網頁參考。
https://forum.gamer.com.tw/C.php?bsn=19017&snA=48441

然後就係關於貿易初期至中期。
當你擁有輕帆或貿易船，你就正式下海(唔係AV女優)，進行海上貿易。
海上貿易見前以交換為主，利用陸上物資交換海上既1階貿易品，再用1階貿易品去唔同既島嶼交換2階貿易品，最終換成5階品變賣成錢，內海5階品每件500萬，大洋出產既5階聽聞係1千萬。

由於貿易初期只有輕帆，負重只有5000。
5000負重係絕對唔夠你貿易既，但你又必須利用輕帆進行貿易，因為你需要利用海上貿易品交換物資去將船升級做2階。呢個時候，你就需要好好計算船既負重，否則你會船隻超重然後係個海上面飄半個鐘。
等貿易船出黎，你就正式進入回本期。係呢個時候，你有2個選。
1︰積極交換5階品換成錢，交換次數為次要。
2︰積極以交換次數為目標，賺錢為次要。
第1太易明就唔解釋。第2係指你仍然為重帆而投資。
由於升級重帆所需要既材料(稱呼為華麗)係需要交換次數達至5120次先會明顯增加出現次數，所以為左重帆係需要不斷衝交換次數(如果專心跑，每日應該可以增加350-450次左右，跑足既話)。
當交換次數達5120次，華麗出現既機率會非常明顯咁上升(於突發交換中出現)。

大致上講住咁多先，細節位之後再問啦。

多謝大佬！即試

新手表示感謝

但係有clipping問題
我試過有人叫咗隻船出嚟冇揸走
我叫完船出嚟，隻船唔識行
跟住發現我隻船俾佢隻船浪起咗
搞到我最終都係要游開一段距離
先再吹雞叫返隻船返過嚟

其實點解要改到有clipping
係唔係打算出大洋PVP
唔好呀大佬
我想玩下易物升下船咋

正呀
多謝巴打用心寫教學
交易品記得要留啲可以交換升級材料嘅
唔好咩都賣晒做銀幣
因為銀幣係買唔到升級材料㗎

大洋嘅貨幣係大洋幣
但烏鴉巢嘅物價好貴
所以有得做任務攞就做任務攞
或者用以物易物換到嘅就換
另外，喺漁村碼頭都有一個著紫紅色
女法師服裝嘅NPC，可以用交易品同佢換
烏鴉巢嘅卷，再去烏鴉巢用張卷換強化石
啲強化石係專門用嚟強化船裝
船裝係唔可以用普通黑石強化

烏鴉巢係一個唔會解開迷霧嘅神秘島
前往方法係，由伊利亞北面出發
經過決鬥場個島，再向北行
會見到一個有兩個人形石像嘅細島
經過呢個島再向北行，就會到達
烏鴉巢個島係有啲黑色圓柱形石堆
係島嘅東面有一個入口

btw, 個島係冇烏鴉嘅，唔洗驚
入面有一個著紫紅色女法袍嘅NPC
聽講同漁村碼頭嗰個係兩姊妹嚟
佢有幾個任務可以接

對於未玩過大洋嘅巴絲打
大洋係有分近海同外海
外海同沙漠一樣係無法定位
但亦只有外海航行先會有航海經驗
(任務獎勵除外)

要唔盪失路
最好嘅辦法，就係將小地圖固定
遊戲預設係固定嘅，但如果你改過設定
就要改番佢做固定，咁先可以睇到自己向咩方向行緊

外海嘅界線係由眼島開始
眼島以西以北同以東都係外海
而前往眼島嘅方法
係由雷瑪島一直向北行
就會見到一個北面係主島
南面係一個環形珊瑚礁嘅島

驅逐艦升重帆船 巴打會選擇勇猛定飛翔?

而家淨係解緊大洋任務,之後唔知點做

成年無玩，想番黎入個多人香港公會

係異世界生活開始

冇remaster

有remaster


養幾個孩子是我人生的願望
我喜歡他們圍繞在我身旁
如果這紛亂的世界讓我沮喪
我就去看看他們眼中的光芒

btw, 冇remaster同有
邊張好睇啲

remastered 真實啲

但舊嘅lighting好似柔和啲
remastered好似有轉咗少少3D model
但主要都係lighting
我個人鍾意柔和啲冇咁殘眼

btw, 就嚟1001 (應該話終於都可以1001)
樓主下個post可以嘅話
加埋上面啲大洋升級船嘅攻略
(主要係巴哈link) 等多啲人知道隻game唔係只得PVP

我會建議勇猛。
快同火力，我會揀火力。

淨係玩afk不如唔好玩 擺係桌面右下角淨係幫真愛幣挖礦呀笨

挖乜撚礦呀
而家都變免費game啦
隻game本身係講政治同宗教
入唔到大陸架

黑沙可以養仔 咁正

我有艾斐莉亞輕帆船,係唔係要升左改良先可以再上貿易,定可以直接上
我見到標準的角木搞到淆淆地

可以直接上， 改良剩係for你可以即刻用到行住船開砲招技

好彩佢唔係人類
如果唔係一定會禁

當初設計武器時，已經好小心
唔用啲刀刀劍劍，只用回力鏢
但最終都係要俾支獵槍佢用
又著軍人衫又揸槍
人類細路嘅話一定會被禁

btw, 原來而家莎亦都騎到馬
只係冇得馬上作戰
咁當初課金買咗驢仔裝嗰啲