[鐵膠獨遊][長氣多字]鐵膠chur爆北海道八日

休息下，休息完再出文

返完通宵又更新，聽朝又要五點起身，救命


根室駅舍，張地圖一定有北方四島份



車站隔離就係巴士總站，但佢未算係日本最東端既巴士總站
同埋候車室入面有部自動售票機賣來回納沙布岬既乘車券，平過就咁買兩程單程飛


得7.8度，但感覺又唔算好凍，反而路面溫度重高


週街都見到呢D還我北方領土既標語


日本最東端巴士總站到著
一日有五班車，留意時間

CONT.

巴士站隔離就係北方領土資料館



有兩層，地下放左唔少當地生活既動物標本，好大隻海獅






二樓有北方四島既介紹，北方四島(俄羅斯叫南千島群島)分別係擇捉、國後、色丹同齒舞群島(按面積排)，起初係由阿伊努人(北海道既原住民)控制，但隨住沙俄向東亞擴展同日本政府開發北海道同附近島嶼而令件事複雜化；之後簽定左係稚內個陣提過既聖彼得堡條約，庫頁島同北方四島主權交換；

往後日本一直控制北方四島，直到二戰末期蘇聯向日本大舉進攻，攻佔北方四島，實際控制住北方四島，而戰後和平條約亦因為北方四島主權誰屬問題一直簽唔成(蘇聯當時話可以還最細既齒舞群島同色丹島，但日本當然話要返哂四島，所以到而家日俄只係簽左停戰協議，未簽和平條約)

今年年頭個陣普京再重題可以還齒舞同色丹島，但日本要放棄最大既擇捉同國後島，日本方面對呢個袋住先既方案其實想收貨，但面對北方四島背後豐富既天然資源同戰略地位，當然想四島要返哂，所以到而家好似都無乜成果

而北方四島問題實在太複雜，自己就消化到咁多，但我見到既係日本民間一直都想四島拎返哂，如果唔係唔會週街都有還我北方領土既標語

我都plan左黎緊搭5點幾班車去根室，原來樓主同我一樣咁痴線

太疏車，無辦法

我係為左趕返釧路睇個唔知點解好出名既日落

繼續日本最東端XXX

展館重有1900年係根室~國後島鋪設既海底電話線，重可以通話到
而呢條海底電話線係二戰後拆左


右翼見到就想射既地圖，雖然我一直覺得尖閣諸島係日本的


重有張最東端證明書，個期好似無乜香港人去


開始行去最東端，沿途有唔少右翼團體建立既牌，包括呢塊
庫頁島+全個千島群島都想拎返？不如拎返大東亞共榮圈
重有用皇紀紀年，有趣


終於有個正常D既牌，日本最東端到著



望出鄂霍次克海，陰天+大風大浪，聽埋D海浪聲覺得幾震撼

留名

魂！不過老實講站係花生友角度好難體會到佢地對想拎返領土個種執著



日本最東端燈塔，納沙布岬燈塔，到而家重用緊，亦係北海道現存最舊既燈塔



燈塔行出D有間觀鳥屋，用黎避風都唔錯





最東端望出去，震撼之餘帶一份悲涼



學人打下雀，唔知點解隻翼屈埋左

又去最北又去最東

又一個還我領土既碑，但我諗唔到青蛙同還我故土有乜關係


日本最東端公廁，佢話外型似一隻蟹，sorry我睇唔出


有一條同北方四島有關既『橋』


中間重有個長明火，聽講由日本最南端既波間照島一路傳過黎呢度



對住海有個北方館同望鄉之家，有望遠鏡可以望去齒舞群島同國後島


北方四島係日本故有領土，知道


遠處既納沙布岬燈塔


遠處既貝殼島燈塔，屬於齒舞群島既一部份，但其實佢只係一塊低潮高地，唔屬於島嶼；而呢座燈塔係1937年由日軍建造，亦係呢塊地方被水浸左之後唯一確認到位置既建築物

日本最北端，最東端

cont.




又打下雀，其實幾有趣，但真係好難捕捉佢地既動態


重有座高塔，無時間去



之後趕車返根室駅，見到KIHA54既特別塗裝，半紅半白幾靚


重有得英文俄文既地圖


之後又買飛上車，去根室中標津空港既巴士


座位係1+1+1配置


張櫈可以拉到咁低


重有得笠住個頭


前面有腳踏


行車期間司機會關門的，望唔到司機點揸車

喺日文青蛙同俾返(我)兩個字係同音
カエル=帰る=Kaeru

順帶一提，呢部車係前WILLER EXPRESS既巴士，可惜個廁所停用，不過沿途停站/SA，同司機講聲想去廁所佢都會等埋你



沿途都係牧場或者車路，無乜特別


個幾鐘後終於落車，日本最東機場-根室中標津機場到著
而巴士班次係因應飛機班次而調整


一入去就係ANA CHECK IN櫃位，做埋SELF CHECK IN寄埋行李只係5分鐘既事
而呢個機場一日有四班機，三班去新千歲一班去羽田，全部都係ANA營運


呢一邊係到達大堂，有埋巴士售票機
講多樣，呢個機場亦係日本唯一用木材做主要材料既機場(當然有鋼筋石屎喇)


木造地圖


成個terminal有三層，上左三樓觀景台先



呢度可以望到知床連山，好感謝天氣好

喺日文青蛙同俾返(我)兩個字係同音
カエル=帰る=Kaeru

！！！！

原來係咁！真係識多樣野
感謝解答

我都唔記得有咁的音

好奇一問係咪機場總會有職員係識廣東話?
上次係關西又係有人識廣東話
佢地係咪香港人去個度做野架?

個天好陰，如果咁既天氣去又冇咩人我諗我唔敢行

的確個陣附近係完全無人的

呢樣唔知喇，但serve我個位姐姐d廣東話似鬼妹講廣東話
同埋聽過有廣州去既留學生打工，所以識廣東話

樓主去左幾多日道北道東

第一頁有行程

道北去道東係經札幌去？