[鐵膠獨遊][長氣多字]鐵膠chur爆北海道八日

樺太食堂好似係野寒布岬個邊？

係呀 不過同宗谷峽比 佢近好多
難得有得食靚海膽 好難忍得到

夜媽媽更一更新

食完牛舌就上車了，就係頭先泊係苗穗駅留置線既KIHA283系，去釧路既特急SUPER OZORA
車頭塊LED牌識郁的，模仿緊丹頂鶴既動作


側面既LED顯示牌轉左做多色LED，但有D重用緊三色LED


側面LOGO顯示佢重用緊車身傾斜裝置，過彎可以傾斜6度而提升過彎速度最多40KM/H

但因為沿線環境比較惡劣，令列車損耗得好快(特別對車輪同制動系統)，間接導致2011年石勝線清風山信號場既出軌+火災意外，成抽車燒哂，亦間接令到當時JR北海道既社長自殺身亡....
所以為左減低對列車同路軌既損耗，就將營運極速降低(所有道內列車都由130KM/H降到120KM/H，SUPER OZORA降到110KM/H(設計極速145KM/H，有部份已經準備好行140KM/H)、停用車身傾斜裝置(針對KIHA261，新造既索性唔裝)


有行李架，重有得扣住，唔錯



要講電話可以係度講到飽

搭左成12個鐘頭 Pat pat痛未

位就同一般特急差唔多，同埋好多人坐，差唔多FULL哂
隔離坐左個呀婆又成個喼放係前面，又坐得衰，搞到我少左好多空間
加上曬+冷氣好細，焗到仆街，好彩件老野係帶廣落車


轉入根室本線後會有一段沿住海岸，對住太平洋行


準備到站個陣會有LED顯示


經過四個半鐘終於到釧路，終於明白點解當日新千歲機場駅綠色窗口識講廣東話位姐姐話坐JR去釧路好痛苦


人唔算多，但已經係道內人口第五多城市...........

無咁多，中間有段時間係札幌
坐左九個半鐘姐

忽必裂

早上一更，完埋呢一日

行五分鐘左右去到今晚住既東橫inn，但好似有接駁車的，見唔到
同埋咁既格局既房第一次住，廁所係正張床隔離


呢度既路牌反而無俄文，鐵道駅個logo


行返釧路駅，個廁所加d彩色玻璃又幾靚既


好hard sell既花咲線(釧路~根室既根室本線愛稱)，聽日會坐


釧路濕原NOROKKO號，可惜遇唔到


尋晚係稚內收到個500YEN值1500YEN?


重有間鋪頭，好多鐵膠野
可惜已經關左門，第二朝又一早走，無機會入去睇下

繼續助養JR北海道



車站隔離有條行人隧道，加幾幅畫就叫地下步道美術館....


釧路駅另外一邊，有保線用車輛


行返酒店，釧路市有「霧城」之名，而家見識到


是日晚餐，唔錯


新聞剛剛講緊之前發生係池袋既車禍，一個87歲既政府前高官，懷疑油門當煞車，衝紅燈後以100KM/H衝上行人路撞死等緊過馬路既母女......(老野揸車真係馬路最大炸彈)
死者既老公係死者出殯之後開記者會講返自己感受......「只在一瞬間，我們的未來就被奪走了...」
同時撞死人個前高官竟然無畀警方拘捕，引起社會好大反彈
有「上級國民」有特權既質疑(極醜惡個句野啱用喇)

睇完就瞓，唉

求鐵膠舖頭位置

新聞剛剛講緊之前發生係池袋既車禍，一個87歲既政府前高官，懷疑油門當煞車，衝紅燈後以100KM/H衝上行人路撞死等緊過馬路既母女......(老野揸車真係馬路最大炸彈)
死者既老公係死者出殯之後開記者會講返自己感受......「只在一瞬間，我們的未來就被奪走了...」
同時撞死人個前高官竟然無畀警方拘捕，引起社會好大反彈
有「上級國民」有特權既質疑(極醜惡個句野啱用喇)

睇完就瞓，唉

我睇到呢個新聞都嚇咗一跳
條茂利咁都冇比人拉

其實我sure佢係咪鐵膠鋪頭，佢重放左好多其他野係門口
係釧路駅綠色窗口既另一邊行入去，接近廁所位置

睇到個老公出黎哭訴我都睇到眼濕濕
真係前高官有特權大撚哂咩

個POSTER唔係講緊佢本野賣緊千五羊咩?

原來係咁

DAY7
四點就醒左，執返個人就check out

渠蓋都有丹頂鶴，幾靚



「霧城」唔係浪得虛名


五點幾既釧路駅，又準備上車






行去月台既隧道有釧路四季既相，一定會再黎



今次坐根室本線釧路始發頭班車，去根室既快速HANASAKI，KIHA54 500番台
呢款車係國鐵解體前為北海道同四國而製造既氣動車(因為預計解體後既JR北海道同四國都會經營有困難，所以特登整款新車畀佢地，等佢地之後唔駛換車換得咁多)，分酷寒地型(北海道用)同溫暖帶型(四國用)，每架車配兩副250匹馬力既引擎，500匹馬力同部份特急用氣動車睇齊，可以講係高性能既一般型氣動車

係JR北海道手上已經改造過兩次，而係換過驅動零件同加左粒子過濾器之後，足足輕左一噸，極速可以上到110KM/H，但因應各路線既情況其實都只可以行到95KM/H


駕駛室




座位方面因應大部份路線都係長距離移動， 所以主要用BOX SEAT，亦有對住坐既位，亦都有LONG SEAT
有部份車用以前50系客車/KIHA183拆出黎既座位，又會坐得舒服d

講少左樣，坐中既呢架車係標準配置座位，亦可以low低黎坐(雖然幅度唔大)，係一般型列車黎講算少有

CONT.

東釧路駅，日本最東端複數鐵道線接觸駅(釧網本線+根室本線)


特別塗裝既KIHA54-「地球探索鉄道花咲線」，一陣會再遇到



茶內駅，會係度等車6分鐘，快速列車由呢度開始會轉做各站停車，而雷朋三世作者係呢度附近出世，但佢好似最近離世，RIP



對面既列車到了，都係KIHA54，雷朋三世既特別塗裝


厚床駅，舊國鐵標津線(厚床支線)既分岐駅，以前可以由呢度直達中標津空港

途中有唔少學生上車.....去到呢度就落哂


就係日本最東端車站，東根室駅，瞓瞓下醒左見到左，急急影左兩張相


兩個半鐘車程到左日本最東有人駅，根室駅


原來去根室港駅既遺跡



日本最先見到日出既地方


非常疏車，而大部份班次可以係釧路接駁特急SUPER OZORA去札幌


日本最東端自動售票機


去到最東端都繼續助養JR北海道


買返張根室駅一般既入場券

今次到最東xxx

事實陳述

返overnight好眼瞓