自己一個去旅行遇到既難忘事

第一去台灣，嗰時自己一個係高雄打算坐公車去屏東東港，但去到車站等左好耐都冇車，有個阿姨問我撘去邊，話啲車要截，唔係會飛站，傾左幾句原來佢都係返東港

之後終於去到東港，但落緊雨，佢問我住邊，佢架機車就泊起車站隔離，話帶我食啲野車埋我返去

本身以為到左青旅，就會緣盡，但阿姨夜晚打去青旅搵我，問我住成點慣唔慣，有冇去啲點景玩，話聽朝得閒可以車我去啲地道市場睇下，我嗰刻有少少感動，一個萍水相逢嘅阿姨咁關心我

第朝我就坐阿姨車遊左朝，佢仲請咗我食好多地道小食，我打算下午去小琉球，之後車埋我去碼頭

因此亦令我對台灣人留低咗個好印象

我而家每次去東港都會去探下佢

上年世界盃其中一晚搭過夜火車由聖彼德堡落莫斯科
撞啱4人房同房另外3個俄佬大叔係fd黎
結果佢地雖然英文有限公司
但又用晒google translate問我好多問題
例如問下我覺得俄佬對旅客好唔好呀
又或者講下佢某個fd淘寶定唔知天貓係支那買咗部唔知乜牌既手機
再問下我邊隻電話牌子好

發生係兩年前歐遊既時候:

係倫敦搭緊地鐵有個廿五歲左右既男人同我搭訕問我係咪香港人、點睇Brexit，
跟住又話有留意雨革，唔覺唔覺就係月台講政治講左大半個鐘。

係Munich一間啤酒屋食晚餐同一對住係法蘭克福既50歲夫婦搭檯，係特登過黎睇波
個老公97前係香港住過一排，又係唔鍾意中國
成晚又傾足球又傾香港又屌中共，仲邀請我第二日一齊去parade
可惜我第二日中午就飛返香港，惟有拒絕。
因為一路傾一路keep住飲啤酒，11點幾走個陣已經wing wing地
間野同hostel距離都2,3公里，但又比我安全無事行到返hostel

其實仲有其他，但哩兩單比較難忘
希望兩個月後再歐遊又會有多D難忘野

其實成個日本都係 同朋友去關西玩 期中不斷有大叔大嬸主動走黎幫我地仲要講英文 有個大嬸勁好人 我地坐火車去奈良 中間可能係要轉車但我地冇轉到 架火車係站度停左幾分鐘 個大嬸走入黎用英文問我地係咪去奈良再帶埋我地轉車 一路用英文吹水陪我地等車仲目送埋我地走 真係好好人 佢仲話佢為左練英文會撩啲外國人講野 真係唔話得

返到hk 就無再搵呃你去台灣搵仔仔既朋友？ d 人咁渣既，搵仔仔都要呃fd 陪

歐遊左十幾日 準備係munich搭flixbus去vienna
過境有關員上車check passport
唔知咩事 佢突然好大聲咁問

關員：Hong Kong?
我：Yup, good to see you.

之後係後面個鬼妹突然拍我：
鬼妹：你係香港人呀？(唔鹹唔淡嘅廣東話)
我：嘩 廣東話你都識講？（嚇親 十幾日冇聽過廣東話）
鬼妹：我high school(林大輝)係香港exchange住過一年!

之後當然用返英文講 一直傾到落車
最shock嘅係佢個host family有家庭暴力
最尾交換左instagram

你讓坐，人地老人家未必鐘意，可能好心做壞事

早兩年自己一個去歐洲旅行
飛返香港前就喺杜拜留咗兩三日
嗰兩三日都係住hostel 去到先知原來中國人開
到步杜拜嗰日係一早嚟
去到hostel 放低哂野
個老闆娘煮咗個公仔麵比我食
第日自己買早餐又買埋啲蒸包比我食
件事好簡單但我覺得好開心同幾難忘

件事係咁既
有次去大阪，肚餓諗住搵餐廳醫肚
去到一個地方，
條街井字型一排排好整齊好古色古香咁
好多食野既餐廳，門口d知客好熱情
「鵝呢讚鵝呢讚，滅嗲滅嗲」咁叫我
果刻除左肚餓仲有d急尿
咁咪求其入左間，想睇下有咩食
個知客知我日文嘛嘛，就指指個牌
咁我日文唔好，只係睇得明20分30分40分
哦，原來係放題黎，我指指30分，因為都唔平
咁個知客就帶左我上一樓
我果陣好急下，只好用我有限既日文講想去厠所
「胎兒呢話，度Call爹屎卡」好彩個知客聽得明
就帶左我去，d服務態度真係好起廁所門口等埋我
再帶左我入包箱，不過好奇怪，未食就要比錢先
中間食野都冇咩好講啦
係臨走請咗我食糖，d職員都幾nice下

笑到仆街

係新宿夾公仔 用左100円就夾到隻大既熊仔
之後咁啱隔離有個日本妹見到 佢叫我幫佢夾
到我幫佢夾個陣又係一次就夾中 佢即刻開心到攬住我攬足幾秒 最後有影到相同交換左ig同line

有次自己去旅行去咗日本台場，因為由細到大已經好鍾意高達，所以第一次見到獨角獸真係好興奮。 當入到去gundam plaza嗰陣，有嗰鬼仔問我知唔知呢隻係咩高達。 當我答完佢，佢又繼續同我傾計，就係咁就傾咗兩嗰鐘高達經
跟住佢提議一齊落去睇獨角戰變身，就係咁又睇咗兩嗰半鐘 臨道别前佢仲送咗嗰高達鎖匙扣 畀我
諗返起覺得自己點解可以用英文同佢傾高達傾足咁耐

有次巴塞隆拿海邊啲餐車買咗個朱古力窩夫，打完卡咬咗一啖

然後一嚿白色飛行物體擦過我肩頭，撞落個窩夫到下一秒N隻海鷗已經輪緊我個飯後甜品啦

去日本住airbnb 房東同另一户租客都係台灣人
勁熱情勁好客
每日出門口前都問定我去邊 教埋我點去 佢知我一個人黎 如果晏少少未返到都會問我返到未
當正我屋企人咁
仲有一家香港人 係我唔識路勁無助個陣一齊行帶我去附近d車站 仲教埋我點搭返去airbnb
第一次自己一個去旅行有咁好體驗 有一半都係佢地為呢次旅程加勁多分

有次去旅行岩岩落火車就跟人上雪山
咁就傻更更咁跟咗佢上車
車上仲有幾個唔識既人一齊去
去到山腳 大家都話一齊行
咁就一齊行同埋搭個纜車
個纜車幾分鐘內由2000米上到4600幾米
結果上到去行左幾步
我因為缺氧而暈底左成個人向前仆街 冇咗知覺
好彩同車有人揹返我落去
如果唔係死咗都唔知咩事
感謝揹我落山果個人 自問都唔輕