自己一個去旅行遇到既難忘事

18歲自己去韓國十日
本身一切好順利 好開心

臨尾嗰幾日 係atm㩒錢點知食卡！！
仆街！仲要5 6點銀行岩岩收皮 一個人都冇勁無助
又冇得打電話 開始標冷汗

點知突然有個老伯過黎um um尋尋講左一埋韓文 唔知up乜撚
我又用我啲濕鳩韓英夾雜同佢講我張卡出唔到黎 兩個人研究部機搞左15分鐘！
之後幫我打左個電話就即刻拉住我跑
嗰時其實我好驚 個阿伯到底做乜撚野 佢講國我又聽唔明反應唔切！
心跳快撚到仆街！！

原來行五分鐘樓上係間分行！！ 屌！！！
個阿伯幫我同職員講返件事
最後前後搞左成個鐘 終於拎返晒錢同卡
事後瘋狂同阿伯講琴沙me打

喺江之島 難得第一次見到富士山 可惜部dc得70mm 咁岩見個個日本婆婆渣住單反連長鏡 就用有限日文邀請佢比我吉張卡落去 打返兩張 點知阿婆真係唔明

喺想算數之際 佢老公 一個伯伯 竟然知我咩意思 就借左部6d + 28-300 比我 雖然最後影唔出咩靚相 但比起70mm 再crop 點都贏啦

遲左起身，miss 左班機。

自己一個去九州睇紅葉
有一日係去英彦山行山，一早天未光搭車去添田搭巴士上山
中途站有啲小學生上車，全部都好有禮貌同我打招呼，然後落車又全部同我講拜拜
我又唔記得唱散銀，好彩司機到站又肯同我私人唱錢

行山比預計時間行慢咗，上到山頂臨時改落山路線，好彩都趕到尾班車走，重有時間喺車站附近行下神社同影下紅葉，重有對夫婦見我一個人，主動話幫我影相
最後上車又遇返同一個司機

其實呢次旅程日日都咁難忘到埗就遇到博多站地陷，成個車站黑晒走嗰日又電車停駛，搭巴士又搞到差啲趕唔到check in

邊到黎？

啲小學生好得意

最後村民車咗我去嗰個方向，但係只係去到4公里（因為之後嗰幾公里屬邊境禁區，佢入唔到），之後用俄文同閘口嘅國家公園職員解釋我情況。然後職員幫我嘗試截順風車俾我穿過邊境禁區（因為嗰個關嚴禁步行過境）去我book咗嘅hostel，但係入夜後好少車經過嗰條路，搞咗個幾鐘先有個好心嘅立陶宛女士順路載我嗰8公里過去，但係已經錯過咗上山睇日落嘅時間，不過好彩超市未閂，即刻買過另一張本地電話卡（原本俄羅斯嗰張變咗漫遊）報平安。

年青果陣自己第一次獨自出走 有日去一個蛇公園 差唔多到果陣有個鬼仔走過黎問我係咪去果到 因為佢去完出黎所以比左佢張入場卷我等我唔駛買票(全日通行)
好少事但感受好深 影響自己旅途上點對其他旅人

後來有次係鎌倉買左張全日電車pass 早走落車見到個鬼婆研究點買票 之後張自己pass比左佢

幾年前新年獨遊德國
係科隆同個香港移民老細吹水
佢係開唐餐館 咁岩大年初一想食中式野就走左入去
雖然野食麻麻 但見個老細有廣東口音就問佢係咪香港人
之後就開始傾計
新界原居民但九幾年移民 落地生根但娶左個泰國移民
之後生意愈做愈差
果陣話想摺左佢 因為佢個仔冇興趣繼承 想做自己野
佢都夠皮有考慮退休 但話寧願係度辛苦d都好過留係香港
我見佢鋪頭拍曬蚊咁都特登叫多少少野當比d生意佢
睇下下次有機會再去科隆睇下佢仲係唔係度

去四國, 有人問路, 佢好似傻佬咁唔知講咩但係又用手語..

我問佢, where u come from,
佢答hong kong,
我手指指著佢講hong kong,
之後手指指返自己講hong kong

第一句回佢, 屌..

我都試過問人借大機, (我都係大機, 但唔記得帶舊電池), 去吉野山睇櫻花, 坐完火車, 再坐埋巴士上山先發現冇帶電池, 勁灰, 但都坐左差唔多3個鐘, 無理由走架, 都到左山腳, 所以就行上山, 之後回來落山見到有塊廣告板可以影到全山櫻花就行左入去, 原來係有人幫手影, 好似1000yen, 最後我問左個日本仔問佢可唔可以幫我用自己張SD咭影 (仲開埋個電池蓋示意無電池), 之後日本仔打開佢個SD咭位比我睇, 佢個張卡槽再大D, 唔岩放我張SD卡,

好彩最後遇到2位香港人, 佢地又有相機岩, 幫我影張2張相,

好親切

係個博物館出面行左4個圈都搵唔到入口
利申 終極路痴

去美國exchange
自己一個係San Francisco玩嗰陣 等cable car 聽到前面2夫婦講廣東話 之後佢地用英文問我點知架車係咪去fisherman’s wharf 我用返廣東話答
一路等車等左成個鐘就係到傾計 幾時移民過嚟 我嚟美國邊到exchange etc
之後到站佢問有無乜餐廳好食 我話上網睇到有間食sourdough soup好似幾出名 佢地就話咁有緣不如一齊食 坐底之後見有生蠔就叫埋
嗰陣我第一次食生蠔 臨尾我想夾返錢嘅時候佢地話唔洗啦我請你食啦今餐 祝你之後搵到份好工 嚟緊幾日玩得開開心心

真係記一世 嗰種感覺好窩心

終極路痴都夠膽獨遊

去印度 夜晚落街散步，遇到印度人結婚，佢地熱情到yo我地一齊跳舞，仲叫我地一齊入去食野

唔開心，但深刻

唔識日本交通搞到miss左班機


喺whatsapp group 同屋企人講左之後

阿姨問我點，幫我搵機票

而我老母就打電話屌我屌到隔離位個日本人叫我細聲啲

獨自係福岡扮到鬼撚咁型仔(自己以為)，諗住溝件日本鄉下妹(鄉下妹通常都大波)，四維搵女扮問路，點知無人so，寧頭狂say no

去泰國孔敬玩~夜晚去完PUB ~個朋友係門口摸人屎忽~比人追十條街~差少少比人打

喺Brighton食食吓三文治比隻海鷗迎面飛過嚟擔走咗