自己一個去旅行遇到既難忘事

都係識到囡囡然後晏d做愛果d行野囉

同ex去東京旅行
夜晚去左間食串燒既鋪
隔離枱有4個人 2個日本仔2個韓國仔
走個陣佢地又走 突然行埋黎話影相
我地又唔識日文 佢地又唔識英文
就咁影左幾張相 雞同鴨講左幾句

你最近還好嗎？ 我好掛住你

然後呢

第一次一個人旅行去左韓國
之後係地鐵站對住張鐵路圖一頭霧水
可能係因為我個樣太迷惘
企左一陣有個韓國大叔行埋黎用普通話問我想去邊
之後教我點搭車
嗰一刻有d愕然 估唔到個韓國人d普通話仲標準過我
之後第二日又發生左一樣既事 又係比一個識普通話既大叔教我搭車
經過呢個旅程我覺得韓國d大叔都唔係咁冇禮貌
同埋都幾熱心

無睇去閘口到幾耐
仲走左去食野
點知遠到仆街
差D上唔到機

有次自己去三潘市，用couchsurfing 識左個台灣妹咁岩自己去三潘市，咁見我有租車，就一齊road trip 去左好多地方。
由一開始好陌生，到好似情侶咁，再車返佢去la揾返條仔。
果幾日，我同人地條女過左我人生最幸福既日子。

好好啊!
我淨係試過一次排完goods冇咩野做企左係度
有個㗎妹撩我傾計
不過果時日文麻麻地 唔太敢講 講左幾句就冇計落去

我就有一次就係新宿有個大型廣告牌
我影左好多張相之後諗住試下同佢自拍之際
有個婆婆fans主動走埋黎問我洗唔洗幫我影
之後問我知唔知附近書店有個相展
識唔識去 教埋我點行 超好人
等佢走左之後 我繼續自拍留念既時候又有姨姨fans黎問我洗唔洗幫我影
唔好意思拒絕佢 互相幫大家影左幾張
跟住去相展又撞返婆婆都有點頭打招呼

仲有次去京都又係去睇佢展覽
下面門口有個大型廣告 用指定app影會有動畫
但我整極都整唔到 咁岩路過兩個妹妹 就問下佢地點用
之後就傾下計順便一齊排隊入去睇展覽

2-3年前同女友去池袋WALK-IN一間當地好出名的炭火即燒饅魚飯店，本身打定哂輸數係唔會成功，點知去到真係有位，個店主唔識講英文，好彩有個大學生做PART-TIME先可以成功溝通到落到單。

食食下有個食客黎搵我地傾計(講英文算標準的日本人)，問我地點解會識黎，正常好少有遊客識黎，咁我地就話睇左唔同BLOG發現有呢間店，本身打定哂輸數唔會WALK-IN到，因為間野要一定用電話BOOK，而且一星期又休成3-4日，之後個日本人話我地真係好好彩，本身呢間係專做熟客，真係咁啱今日有兩位BOOK左的熟客CANCEL左，所以就俾我地WALK-IN到。

係咪Rap 黎？

呢兩個地方都喺我bucket list

痴線佬

係咪文盲 都話自己一個人 要叫春出番去啦

其實有好多都唔係講緊自己一個人

行完富士山落返來，電話一早無晒電，但旅館個地址同預約資料都係晒電話到。搵左好多地方，最後去警局用簡單英文問佢地可唔可以借差電

果時夏天，行完山曬到燶晒，佢間警局又無冷氣，佢尊登開架風扇比我吹，期間又勁好禮貌有講有笑仲教埋我點去間旅館，勁sweet

其實我覺得電話比銀包同錢更重要
冇左電話真係想求救或者返hostel都有困難

去沖繩誤闖美軍屋企

真人真事⋯亦係唯一一次，俾負皮都改變唔到事實

有次一條友去首爾，發生咗啲唔開心嘅事
咁搵咗個釜山朋友再即刻坐KTX過去玩咗晚
第二日下晝想買飛返首爾，點知全日full booking
最壞打算係留多晚，第二朝一早搭車去首爾再返香港
諗住買飛嗰時有班阿嬸問我哋係咪要今日走
佢哋成班人去首爾玩，但有個唔舒服甩底多咗張飛出嚟
咁就唔收錢俾咗張飛我
仲要上到車，佢哋不停俾啲嘢飲零食我食

係烏克蘭一個城市嘅中心廣場同啲本地人晚晚聽busking 飲酒，根住就明白生活簡單都可以好開心