自己一個去旅行遇到既難忘事

自己一個去旅行特別容易遇到問題或者好人好事
有冇啲特別既經歷可以分享下

有次係香港坐ek經杜拜飛英國
咁岩我個排得我一個坐
本身班機都唔多人坐
我本身未出發就好唔開心
坐坐下飛機就喊
有個講野好重口音既空姐用英文問我有冇事
我講完冇事之後再講句你英文好重口音
其實我唔係好聽得明
緊住佢搵咗個識講中文既空姐過黎
我冇記錯就係馬來西亞籍
所以佢係講廣東話
然後仲坐咗係我旁邊聽我講
其實好尷尬
因為佢有一刻係撘住我膊頭 仲要係身體距離好近
再加上我見到d人行過都會望一望
跟住佢都有叫人唔好望啦，每人都會有唔開心既moment
聽我講完之後佢都鼓勵我
其實正確黎講係俾回應我
因為個排咁岩工作同家庭上都有好多野煩緊
我個陣都同佢傾咗兩個鐘左右
中間佢仲同我分析哂咁多件事
到個下我先發現我發失既就係冇咗原本既自己
聽到呢到我又喊過
其實我都唔好意思阻佢咁耐，又怕佢會俾人鬧
佢最後仲叫我做人唔好太過崩緊
真係頂唔順既時候就要同人傾下講下
如果唔係遲早有一日會迫到自己埋牆角
最後佢留咗個ig俾我
到宜家我都有同佢聯絡
有次我去台灣環島咁岩撞正佢都飛台北
所以就約埋佢去部分既景點

搭長程俾細路煩到成程訓唔到，
計埋應該有廿四小時冇訓到，
最後浪費左兩日係酒店回氣

去台灣果時唔小心book咗間日本人嘅青年旅舍
入面9成係架仔架妹，不過果幾日同啲架仔好fd

話說最後果晚佢地話一齊去焗桑拿
事前佢地已經同我狂飲酒

本身都唔撚想去，不過佢地見我唔去就成村架仔架妹都去，話陪我，叫我一齊去

去到個店員話，女人唔入得
我已經覺得奇奇怪怪

我除咗衫換完毛巾之後想去廁所
就係到搵廁所

搵搵下搵到塊牌寫
要安全，記得帶套

心諗:仆乖。。。邪骨？！
過咗塊有條走廊
走廊盡頭有廁所，我已經9秒9過去
點知行行下啲架仔唔知點事勁興奮
我心諗JM9？
原來走廊左右嘅房播緊片，播緊AV呀！！！

我hi唔L係正常AV呀！！！
係gay嘅AV呀！！！吉屎忽果啲呀！！！

已經淆晒底，勁想走！
個店員之後仲要行埋話
這裡是同志俱樂部，叫你那些朋友小聲一點。。。
我hi！！！真係咁

之後全程同班日本人一齊淆底。。。
焗咗幾分鐘就走

我hi，第一次自己去旅行就玩咁大！

(利申:非gay，唔識日文)

Sorry for 1999
依家都心有餘悸

同志俱樂部我笑到同事以為我顛左

係日本搭新幹線大阪去名古屋，漏左個背囊係頭頂行李位。 去到酒店門口先記得。。。

架新幹線仲要係Nozomi， 下一站就去緊橫濱

結果俾左兩萬幾Yen 即日搭車去東京站攞番

自己一個由大阪去白濱浸溫泉
上網見到有個間溫泉旅館既免費shuttle bus就book左
點知上到車發現成部旅遊巴都係日本大媽同好多公公婆婆
得我一個係後生 仲要唔知點解部車有導遊
個導遊可能以為我係架仔又要搞下氣氛就點左我吹水
但我完全唔識日文就鳩講左幾句日文 konnichiwa... ari ga to...
可能係咁 成程車D婆婆就係咁R我吹水
又隊D零食比我食...
程車最後搭左3個幾鐘...

幾好喎
我鐘意坐呢d車

幾年前自己一個喺東京行行吓街突然流好多鼻血
我廢事阻到人所以企埋一邊諗住自己止血就算
但止極都仲流好多血
喺我勁無助唔知點算嘅時候有個嬸嬸行過嚟俾咗幾包紙巾我
又一直陪住我等我止血 仲買埋野飲俾我降溫
期間都有幾個伯伯經過俾紙巾我止血
嗰次流左個幾鐘鼻血都未止到
個嬸嬸話夠鐘湊個孫放學所以就送左我去附近商場嘅醫療室坐
佢湊完個孫都特登再黎望下我有冇事
經過呢次我覺得東京啲老一輩嘅好多都好好人
相反啲後生仔就真係 望下你咁就算 完全唔會幫你

一個人呀！

你個fd就係你自己？

舊年去旅行想搭巴士返hostel（12公里路，一日得兩班巴士，但係中間係嚴禁行人通過）班車無喺票面時間出現搞到差啲滯留荒山野嶺，嗰陣重要勁無助，我唔識俄文當地人唔識英文，又打唔到電話俾hostel同巴士公司（因為兩者都係長途號碼），上網又收唔到（鄉下地方）

返香港上機前個半鐘 EX係機場跌左背囊連護照 (仲要搭車去另一個terminal上機)

拿拿聲去報警同報失 報到一半

我出黎去個廁所 聽到廣播有人執到交左去tourist counter 果時已經得返一個鐘唔夠

搞手續又曬左啲時間 到拎返再即刻趕去上機 好彩趕到

我好掛住你

Move on

咁最後點？

佢地當左你係仔/孫

之後有冇一齊浸溫泉

好在佢地肯放你走渣

係新加坡botanic garden入口行到出口，熱到hihi, 但又唔想再行番去入口，就諗住周圍行下睇下有冇巴士/的士（因為MRT係入口果邊）

行行下有對美國夫婦走過黎問路，又係搵的士，最後佢地請左我搭去marina bay sands

你打緊咩