啱啊, 就好似你打工, 嗰啲雙糧, 強積金, 本身就係喺你人工嘅 package 度拆出來
根本個回佣發展商預咗拎出嚟, 減咗回佣嘅價先至係層樓嘅實價, 枱面嘅價只係用來托高個樓價
你話AA做咗好多嘢, 應該分一杯羹
對完全外行嘅買家就係囉
但對一部份嘅買家嚟講, 根本係可有可無, 甚至係滋擾
你話用咗成日時間陪我排隊入飛? 我有要求過咩? 我好悶咩? 駛鬼人陪我排隊?
首期, 按揭, 供款嘅嘢? 你都只係用返網上嘅按揭計算機撳俾我睇
, 家陣我唔識上網咩?
如果你好似律師咁, 每字每句都有法律效力, 有疏忽要孭飛上身, 就話值錢啫,最弊你又唔係, 樣樣嘢講完都唔駛負責任
講到尾, 香港人只係要公道
政府肯出嚟一鎚定音, 訂明回佣嘅規矩
就唔會搞到爾虞我詐, 咁多爭拗
當然, 哩個根本唔係一個真係會為人民利益著想嘅政府