做咗美容業十幾年，護膚問題，你問我答

我估您兩邊面嘅暗瘡及暗粒應該同壓力有關係，嘴角經常都乾，可能同腸胃都有啲關係，以及皮膚免疫力下降都有關。

同埋唔知您咩膚質，所以好難建議你用咩產品，您會唔會提供到多少少資訊

黑頭貼其實作用不大，只係可以幫你痴走表面嘅黑頭，毛孔壁內嘅黑頭同油脂會一直都喺入面。

而且黑頭貼某程度上仲會搞到毛孔變大，同埋油脂係每日都會分泌，如果您皮膚係油性或混合性，咁出油狀況就會密啲

所指嘅家用產品，係做完相關療程後，所配嘅針對性產品可以令皮膚淡斑效果更明顯

美白產品淡斑係有效果㗎，不過最好睇支美白產品嘅主要美白或淡斑嘅成分有幾多

請問要俾咩資料呀🙏🏻 真係好頹見到爆成咁
原本一向皮膚好好
我有做開gym 有飲蛋白粉既
但之前一向都有飲開都無事
呢輪轉左新工要輪班捱夜
成日唔夠訓 所以可能咁掛？
可以點解決呢？謝謝你

Thx咁平時去黑頭用咩好？

有無性價比高嘅Peeling gel 推介?

有咩方法令到粒石頭瘡快D熟?
另外有粒長年存在既暗瘡變左黑色,可以點處理?

我本身斜陰 有染髮 咁我額頭(近髮線，被頭髮遮住嘅位) 呢幾個月都生好多粒粒 有時會演變成暗瘡 我有轉洗頭水/卸妝水/護膚品 但都冇乜用
另外我鼻側 上唇 下巴 成日都會生粒粒/暗瘡
通常都係喺同一位置生
利申有每個月去脫全面面毛 平時冇做運動 通常12點前訓覺 唔會通宵 但工作壓力大
絲打 請問有冇得救？如果做facial有冇用？咩類型facial 會有效？謝謝你

想脫 紅豆 咁大粒 墨 ，睇皮膚醫生 幾錢 搞掂？

我想問 隻手紅色粒粒咩來 點先冇 隻手臂位好多

我想問橙皮紋有冇得清走 以前肥有好多 減完肥仲係到

混合性 清潔要點搞
我都唔知係混油性定混乾性 見你話有細紋 有冇圖睇下
不過我估我係混油性

照您講嘅狀況，應該係想生暗瘡，現階段可以搽啲暗瘡膏、暗瘡精油等殺菌消炎之類嘅產品，咁就可以抑制佢

海藻矽針其實對皮膚治療係好好嘅產品，只係您要搞清楚佢嘅概念、成分及做法。

有唔少美容中心都係為做而做，冇分清客人嘅膚質狀況就亂咁做，最嚴重係敏感肌都照做，導致市面上有好多負評。

其實海藻矽針屬於激活類產品，而佢亦只係作為媒介打開毛孔，可以令皮膚需要嘅成分直達基底層，可以刺激細胞重組及促進膠原蛋白自我生成，並唔係直接可以令膠原蛋白再生，而後續補充同修復比海藻矽針本身更重要。

如果做完海藻矽針，美容師叫您返去唔需要洗面、搽嘢等後續補充嘅話，就要考慮下做唔做喇

明色美顏水嘅成分中，因為有水楊酸，所以對暗瘡肌膚同油性肌膚係有幫助嘅。

水楊酸作用係去角質，而中、乾性肌膚經常用會有問題，如一星期用一兩次作為去角質就可以，敏感肌膚就唔建議用

沖涼嘅水蒸氣只可輕微打開毛孔，而且之後亦要做軟化角質及溶解油脂等程序，會令皮膚更容易清潔乾淨

如果面膜敷完後有痴立立嘅感覺，通常係面膜入面嘅成分有增稠劑，對皮膚吸收冇咁好，又加上您係油性肌膚，更加覺得敷完後吸收唔到幾多，第日又會乾啲

照您咁講應該係乾性肌膚，因為乾性肌膚夏天同冬天護理方法亦唔一樣。

冬天甩皮，除咗補水更要補油。
夏天出油，係因為皮膚太缺水導致水油失衡，咁就會大量分泌油脂。

其實宜家都多咗男士對皮膚有要求，所以亦多咗好多去做facial，因為男士深層清潔，會令皮膚水油平衡好啲，睇落亦會乾淨啲

顆粒層基礎管理（水分補充）
適合所有肌膚
功效：高度保濕滋潤，讓肌膚剔透光滑
時長：90分鐘
服務流程：皮膚問診，制定專屬個案
A、清潔（1）EGF舒緩卸妝
(2) 局部黑頭導出液
(3) 全臉清潔純露、蒸面
(4) 毛孔精油
(5) 清潔泥膜(按皮膚類型定制管理）
(6) 小氣泡清潔
(7) EGF酵素泡泡
B、補充 (1) 安瓶超聲波/噴槍導入
(2) EGF面膜、純露、凝膠
(PDT光譜儀）
(3) 複方精油、面膜霜(水氧儀）
(2)和(3)二選一
C、修復 (1) 凝露、純露、軟膜
D、防護 (1) EGF平衡水
(2) 眼霜
(3) 安瓶
(4) 面霜
(5) 防曬霜

以上係皇牌皮膚護理-顆粒層水分管理流程，您可以參考下

收毛孔其實都係同皮膚水分有關，如皮膚水分充足，毛孔自然細、但只要皮膚一缺水或一熬夜，毛孔就會變返大。

因為毛孔一旦形成，其實係收唔到細，只係水分充足時，毛孔細胞內壁充盈咗，外觀上睇落去自然會細緻啲

HIFU係可以令膠原蛋白再生，所以亦可以有V面緊緻效果，但前提最好係做HiFu之前嘅一段時間，補充足夠膠原蛋白，咁效果會更好

您可以根據下面症狀睇下自己係咩膚質況： - 油性肌膚：全臉毛孔較大，油脂分泌旺盛。
- 乾性肌膚：全臉毛孔較小，兩頰及額頭容易有乾紋。
- 中性肌膚：全臉毛孔較小，水油平衡，皮膚較細緻。
- 混油性肌膚：T字部位較油及毛孔粗大、兩邊面頰較中性。
- 混乾性肌膚：T字部位較油及毛孔粗大、兩邊面頰較乾性有細紋。
- 敏感性肌膚：兩邊面頰容易泛紅、瘙癢、甩皮及伴有刺痛感，額頭通常伴有暗瘡粉刺

睇下自己似邊一種

您可以根據下面症狀睇下自己係咩膚質況。 - 油性肌膚：全臉毛孔較大，油脂分泌旺盛。
- 乾性肌膚：全臉毛孔較小，兩頰及額頭容易有乾紋。
- 中性肌膚：全臉毛孔較小，水油平衡，皮膚較細緻。
- 混油性肌膚：T字部位較油及毛孔粗大、兩邊面頰較中性。
- 混乾性肌膚：T字部位較油及毛孔粗大、兩邊面頰較乾性有細紋。
- 敏感性肌膚：兩邊面頰容易泛紅、瘙癢、甩皮及伴有刺痛感，額頭通常伴有暗瘡粉刺。

您可以睇睇自己屬於邊種

如果您黑頭狀況較明顯，建議去美容中心處理比較好。

如情況只係一般般，其實平時做好清潔及護理方面做得好，問題其實唔大

我地會建議返自己嘅產品