做咗美容業十幾年，護膚問題，你問我答

飲多啲水有冇幫助毛孔變得細緻啲？

您應該認錯人啦

由頭到尾得呢一個Post
亦無留過tg
加上開post無得改題目
亦唔知絲打您講個間係咩嚟
絲打您應該點錯相啦

做美容行業做左十年 你問我答
https://lih.kg/1018291
- 分享自 LIHKG 討論區

您點錯相個post 喺度

呢D treatment中文既好似花名咁 任佢改
我google唔到佢呢個Treatment係用咩機做
淨係知係射頻
但唔知佢射頻個能量有幾大

其實黑眼圈的話，一般可以促進血液循環嘅機或儀器都可以改善，但係由鼻敏感引起嘅黑眼圈就真係會幾難搞

其實我都唔係咁清楚眼袋槍嘅效果有幾大，但我估有做應該比冇做好啲嘅，應該會令眼袋睇起上嚟會細啲

玫瑰痤瘡除咗遺傳、作息唔正常、鐘意食辣嘢同埋飲酒都會引致。

另外，當肌膚表皮屏障受損、免疫系統異常、過度保養或化妝，都可能會引起玫瑰痤瘡。

但目前玫瑰痤瘡未有可以根治嘅方法，只能改善或減輕病情呀

毛孔唔細緻係油脂分泌旺盛、堵塞毛孔令毛孔擴大所造成，最主要係肌膚老化，儲水能力下降，角質層代謝亦會減慢，呢啲至係毛孔唔細緻嘅根源。

飲多啲水，對毛孔粗大其實係冇乜幫助，日常清潔同週期性嘅深層清潔，再用補水產品會有改善。

另外，亦唔好熬夜，因為熬夜會皮膚乾燥，水分流失，咁毛孔都會大啲

自推一下

《毛孔篇》
問：點解有毛孔？
答：毛孔產生嘅原因
1. 水油失衡，皮脂腺分泌過量油脂
2. 代謝不暢，毛囊角栓無法代謝
3. 肌膚鬆弛，膠原蛋白、彈力蛋白流失，肌膚鬆弛產生
4. 乾癟老化，表皮NMF（天然保濕因子）大量流失、表皮幹細胞養分不足產生

問：可以點收細？
答：其實毛孔一旦形成係唔會再收細，但如果皮膚水分飽滿，令細胞壁充盈，外觀上毛孔自然睇落就會更細緻

想問下點樣俾臉上皮膚休息
肌斷食有冇用？

我覺得肌斷食好睇人咩膚質 唔係個個啱至少用洗面奶同保濕好似好啲

想問下FDA全名係咩？

美國食品藥品監督管理局（英語：U.S. Food and Drug Administration，縮寫為FDA）
有FDA既機先有保証 安全D

男仔好多面毛點算
應該剃咗佢？

如果想令皮膚休息，建議唔好日日敷面膜，就算塊面膜嘅成分適合每日敷，都唔建議每日做，始終皮膚同身體一樣，要有足夠免疫力至可以抵擋外來入侵物。

而肌斷食對一啲皮膚狀態較正常嘅人可以一試，但亦要比較小心，始終而家嘅環境、飲食等問題污染更大，但敏感肌就唔建議了

咁每日護膚程序係咪唔等於俾皮膚休息？
建唔建議間唔時一兩晚乜都唔搽就訓教？

如果面毛係多到有困擾，可以考慮做laser脫毛

肌斷食適合正常同復元力比較好嘅肌膚，網上話曾經有20、30歲女仔「斷食」後，反而暗瘡激增、長期甩皮。

肌斷食嘅基礎理論係以最簡單方法清潔皮膚，等膚質回復水油平衡嘅自然狀態，但係香港屬亞熱帶地區，一般人嘅油脂分泌比較多，如果淨係用清水洗面，只會愈洗愈污糟。

尤其係敏感肌膚、乾性肌膚同有濕疹嘅皮膚，更容易導致水油失衡，所以唔建議停用護膚品，或者可以一兩日護膚品種類同量相適減少，輕薄啲

laser等入侵性能量儀器...個treatment叫咩名????

間間美容中心treatment叫法都唔同，laser即係激光，係一部儀器，能夠穿透皮膚真皮層，通常具有能量性

Lm

歡迎發問