做咗美容業十幾年，護膚問題，你問我答

暫時以我所知，
想消除眼袋好似係開刀或抽脂會最明顯，
當然而家市場上亦有好多用儀器可以收細眼袋嘅療程，
只係成效大唔大就要睇部儀器嘅功效得唔得喇，
起碼風險冇咁大先

其實皮膚護理需要按循序漸進，
複雜性肌膚想一次過解決只會令皮膚狀況適得其反，
而通常皮膚應先處理肉眼可見嘅問題性肌膚，
如暗粒、暗瘡；
敏感肌應先修復角質健全；
另外暗瘡印、凹凸洞方面需按狀況穿插調整；
正常肌膚抗氧化抗老化即可。
而提亮去黃面膜同美白面膜嘅成分應該會有分別，
當然亦要睇面膜嘅成分先可以確定，
因為隻隻牌子成分都唔同

唔會。荷爾蒙一改變，毛髮一樣會生翻

即係所有永久脫毛 脫完之後都會出返毛？

我underarm 一路用扙毛方法除毛，都十斷年，有好多問題，倒生，粗糙，黑，有時會紅一點對，好核突。

而家開始用家用laser脫毛機，無再扙毛，但請問皮膚可以點搞?

我underarm 一路用扙毛方法除毛，都十幾年，有好多問題，倒生，粗糙，黑，有時會紅一點點，好核突。

而家開始用家用laser脫毛機，無再扙毛，但請問皮膚可以點搞?

有冇啲分享網購優惠(外國/香港都得)既網站 ?

拋磚引玉先

underarm嘅色素問題比較麻煩，
建議做laser減淡色素

所謂嘅激光脫毛，講真係脫毛後會好大機會再生，
因為係通過激光去破壞皮膚毛囊，
但當然再生出嚟嘅毛髮會變得幼小小，
至於幾時再生返就因人而異。
當然同時間有部分在休止期的毛囊，
做激光嗰陣時根本破壞唔到，
呢個亦都係激光脫毛唔可以斷尾嘅原因。

唔好意思
如果我皮膚平時會勁出油 但同時又好似乾到起晒乾紋同甩皮係咩肌
同埋敷襯mask開頭果一陣都會好似皮膚乾得濟 有刺痛感
勁出油但同時乾到甩皮既問題好困擾 唔知點揀化妝品

貴唔貴，有無介紹🙇🏻‍♀️

你嘅皮膚應該係乾性或混乾性，
而你現時狀況係水油失衡導致肌膚過分出油，
所以會有外油內乾嘅感覺，
唔知你平時護膚嘅習慣有無用cream去block住水分。
另外角質層越薄越容易引起敏感症狀，
良好的表皮角質層狀態就好似磚塊緊密相連，
限制水分喺細胞間隙中流動，保證水分唔會流失，
令皮膚維持重要嘅屏障功能。
所以要改善肌膚嘅要點都幾明顯:
1.保護肌膚屏障，唔好過度去角質及唔好使用鹼性較強嘅清潔用品
2.深層補水
至於用乜嘢化妝品就俾唔到建議你喇，
但如果係有搽防曬或者bb cream嘅話可以用啲含有再生因子嘅成分，
如積雪草、仙人掌提取物、肽類等，
咁樣會幫到你更快修復肌膚屏障。

如果係低層唔夠水分嘅話
可以點做 去解決？
普通美容定係要去做醫學美容先可以改善？

勁多凹凸窿同毛孔，點搞

hi絲打
我最近買左anskin嘅積雪草膜粉 你覺得依個brand
how about swiss 同medi peel
仲有想屋企都可以做facial 你覺得淘寶啲機好唔好 如果筆直唔高 你有冇啲suggestion

如果底層水分唔夠嘅話，做普通美容都ok，
最好做可以刺激基底層嘅療程，
咁可以更加吸收；
而醫學美容係可以快速見到成效，
但對角質層嚟講有一定受損，需要後續修復。

唔該晒絲打

Keep it up ! You’re on the right track now ! If anyone of you are interested in the field, I suggest that you do a degree in it before opening a beauty parlour.

黑眼圈太重，，點解決
仲有黑頭問題，

我估你嘅凹凸洞形成時間，應該有一段時間，
呢個可能要做醫學美容嘅機去刺激膠原蛋白及彈力纖維再生先會比較明顯，
而毛孔嘅話，因為唔知你嘅膚質狀況如何，
不過通常都離唔開水分及角質代謝事，
建議搵美容師睇下

其實軟膜粉嘅作用係鎮定及幫助前面用嘅精華等護膚品吸收，實際成分功效不大；
另外淘寶上面應該都有啲靚機買，
不過價錢唔平，
不過我自己都冇係淘寶上面買過，
所以介紹唔到邊啲好

脫墨有冇好介紹?

男士做facial邊間好 想清黑頭洗乾淨塊臉
油性皮膚搞唔掂