做咗美容業十幾年，護膚問題，你問我答

唔該絲打

修復屏障問題通常會用具修復及再生嘅成分令角質層增厚，
而且屏障受損嘅皮膚建議唔好用太強嘅清潔用品，
以免過度刺激角質及最好停用化妝品

凹痕如果形成時間比較長，
建議只可以做機嚟刺激膠原蛋白再生
不過如果形成時間比較短，
咁可以做激活性療程刺激基底，
可以促進細胞再生，咁毛孔方面及凹痕亦會有所改善

唔好意思，呢幾日有啲忙，所以遲咗覆
手臂上好似雞皮咁嘅粒粒，應該係屬於毛囊角化，
如果唔屬於係基因方面嘅問題，
係可以用檸檬精油或馬鞭草酮迷迭香精油去改善，
因為可以溶解油脂，但要堅持每日按摩用至有效。

想問下嘴唇同鼻之間個位係咁出瘡係咩事
成塊面得呢個位係咁
搞到個到紅哂
同埋啲瘡如果清唔乾淨 仲見到小小癑係皮膚下面 又無傷口既話可以點做
唔該哂

夏天一到又出勁多暗粒
針清完又出返嚟
用幸福肌淨化面膜都無用
睇醫生做果酸煥膚係咪最快搞掂

上半身好多印，以前出咗好多粒粒，應該係角質層皮膚，宜家好咗不過都會出，想問下係咪可以用維他命A，如果係有冇推薦

唇周生暗瘡多數同腸胃、脾胃、消化系統不良有關，
建議少食油炸食物、辣嘢，避免刺激腸胃，
另外暗瘡如果清唔乾淨係會keep住有膿唔消

樓主，我係混乾膚質，T字位多d油
以前間唔中會爆吓瘡，係正常熱氣嗰隻
但近半年塊臉兩邊腮邊生咗好多暗瘡
有搽緊Benzac AC 5%既暗瘡膏
早晚各一次 但都冇乜用
而家keep住係謝咗過幾日又再生返咁
想問吓你意見應該點處理好？

下巴d汗毛開始生長左，點算

夏天溫度上升，皮膚亦容易乾燥缺水，
面部皮膚會分泌大量油脂，
所以夏天亦要保持皮膚水分充足
另外暗粒係可以用果酸解決嘅，
只要皮膚唔太薄或敏感都可以用，
治療後皮膚應該需要及時補水及修復

身體上嘅粒粒應該係屬於角質層增厚令毛囊角質化，
但亦有分遺傳同後天保養不當形成。
另外因新陳代謝慢導致的，
身體會缺乏維生素A，呢個情況就可以服用維他命A。

紅圈位置應該係唔小心r甩咗粒「米」形成窿，
建議做一啲可以激活底層嘅療程，
從而提升皮膚含水量同促進膠原蛋白再生，
令皮膚毛孔收細
另外綠圈嘅毛孔，有機會可以收細小小，
我估你應該係油性肌膚或混合性肌膚，
所以皮膚毛孔係會明顯啲

咁如果粒暗瘡清唔乾淨 但係個傷口埋左口咁可以點做

我老公青春期嘅時間都用過呢隻藥膏，
啱啱用嘅時候幾有效，
暗瘡好快就謝咗，同埋唔會好刺激到容易甩皮，
但用吓用吓就唔係咁有效。
對於腮邊有暗瘡嘅朋友應該要做通淋巴促進排毒
咁樣會代謝得快啲。
其實爆出嚟嘅暗瘡早喺皮膚表層，
但毛囊深處仍然藏有大量閉合式粉刺同埋堵塞物。
另外28天為一個肌膚更新週期，
所以即使用啱產品，暗瘡要斷尾都需要一個比較長嘅過程。
如果要長期杜絕暗瘡嘅話，皮膚嘅水油平衡好重要。
即係話生活習慣、飲食、皮膚清潔，
同使用能夠可以平衡皮膚水油同ph值嘅護膚產品都係好重要。

請問韓國機Aqua peel $5800 10次值唔值得做？試做一次之後覺得塊面係乾淨咗 少咗暗粒 但唔知應唔應該買package keep住做？

可以試下激光脫毛嘅。
但係脫毛後會好大機會再生，
但再生出嚟嘅毛髮會變得幼小小，
至於幾時再生返就因人而異。

Aqua Peel係利用真空負壓水循環功能去清洗皮膚上每一個毛孔，
目的係清理老化嘅角質、黑頭及粉刺。
不過，由於每個人嘅膚質都唔同，
所以需要用合適自己皮膚嘅產品進行深層清潔前嘅導出。

要留意嘅係部分美容院會將Aqua Peel 當成整個皮膚護理療程進行，
但其實Aqua Peel 只係皮膚管理當中嘅一個小步驟，
等你嘅肌膚更有效地去吸收護膚產品中嘅活性成分，
令肌膚有更佳的新陳代謝，
所以之後嘅每一個步驟都唔可以輕視。

大多數美容店嘅Aqua Peel up儀器入面裝嘅係酸性嘅溶液譬如AHA、BHA、PHA，作用係角質剝落，
不過並唔係人人都啱用。例如皮膚敏感人士，
佢哋通常只係局部角質有小小厚，
咁樣根本唔能夠全臉清洗。
價錢方面，就如以上所講究竟佢係單一程序定係後面仲有做補充同修復，
因為毛孔打開咗嘅時候做補充修復係最有效嘅。

而家用緊kiehl’s男仕洗面同爽膚水

想問重有無其他揀 天生油性面

樓主個間做facial包唔包修眉

我哋嘅心思都放係做好你嘅皮膚，
淨係做清潔都一個鐘，
所以我哋係唔包修眉嘅