做咗美容業十幾年，護膚問題，你問我答

我自己都係黑眼圈嘅佼佼者，
試過好多嘢其實效果都唔係好顯著。
另外，眼睛周圍嘅皮膚特別柔細纖薄。
所以唔建議做非常刺激的眼部護理。
黑眼圈其實係色素沉著，
基本離唔開血液循環問題，
如夜瞓嘅人會比較難改善，
建議多做按摩，令眼部循環好小小，
當然最好就係早啲瞓啦。

至於黑頭呢家嘢，
盡量唔好夾硬用手指擠壓，
因為很容易交叉感染及造成毛孔粗大，
可能形成暗瘡或生出更大嘅黑頭。
aqua peel負壓去吸附黑頭嘅效果都可以，
但當然前期要充分軟化油脂及黑頭先可產生最大嘅作用。

我冇做過脫墨
所以畀唔到啲乜嘢建議俾你

唔知你有冇粉刺同暗瘡嘅情況，
因為呢啲都係油性肌膚同不正當清潔嘅附屬品。
但唔好以為油性皮膚就日日去磨砂peeling，
要清潔得其法
另外，清潔之後毛孔打開後嘅補充至關重要，
要達致水油平衡。
否則就會有你所講越洗越油嘅情況。
而且日常護膚三步曲，如洗面>Toner>Cream亦好重要，否則會更加油

唔好意思，因為網上搵唔到呢個牌子products嘅所有成分，
只係得有效成分，
但唔知佢嘅有效成分排係咩位置，
所以唔係好清楚有幾多成分係有實際治療作用

我只想皮膚質素變好

我應該有幾多問題
夏天冬天都多油
黑頭
粉刺
暗瘡印
得閒一兩粒既暗瘡

1. 其實我唔知自己係油性皮膚定係乾到出油，邊度可以check？因為搞錯自己咩性皮膚，之後做乜都係嘥氣

2. 我當左自己係乾到出油先，所以我半年開始面部清潔三部曲，但我覺得咁樣之後反而仲多油同多暗瘡左。我究竟係咪用錯products？

利申: 巴

Yo

1. 首先關於點分膚質類型，
油性肌膚：全面較暗沉，角質層較厚，油脂分泌旺盛及毛孔亦粗大；
乾性肌膚：膚色較白，角質層薄，皮膚毛孔較細致及有乾紋，大量出油情況較少，除非乾到出油，容易有外油內乾感覺。
呢個係從外觀上最容易分辨嘅辦法之一。

2. 如果按照乾性肌膚護理，應該用保濕度較高嘅產品，但亦要避免用一啲含有酒精及清潔力度較強成分嘅Product,例如洗完面後有繃緊感覺，即代表過度清潔容易洗去皮脂膜，令角質層薄弱難以鎖住水分；
面霜方面亦要睇下質地係厚身定薄身，及成分方面有冇一啲容易堵塞毛孔嘅成分；
反之油性肌膚需要用清爽及控油會比較適合，當然最好按季節變化作稍為調整會好啲

臉毛點處理比較好?

油脂粒 乾粒 同暗粒 點分
絲打個間係咪單次收費？成日俾人sell到好攰

咁我應該係油性喎
咁護膚品真係會寫明佢地有用alcohol架？

臉毛而家最多人揀激光脫毛，
但係用完激光脫毛後會有好大機會再生，
因為係通過激光去破壞皮膚毛囊，
但當然再生出嚟嘅毛髮會變得幼小小，
至於幾時再生返就因人而異
當然同時間有部分在休止期的毛囊，
做激光嗰陣時根本破壞唔到，
呢個亦都係激光脫毛唔可以斷尾嘅原因

通常有暗瘡（結節、囊腫）丘疹、粉刺，
而粉刺又會分為開口性粉刺（黑頭）
閉口性粉刺（暗粒、油脂粒），
乾粒未接觸過，所以唔肯定乾粒係咩。
我哋係單次收費，有興趣可以inbox查詢

想清黑頭同暗粒，絲打收費如何

個鼻出油好勁可以點搞

咁家用脫毛同美容院嘅脫毛有咩分別？
之前搵資料係話家用嘅冇得斷尾，但照你咁講，出邊嘅都唔得

巴 想問下臉頰有個位長期毛倒生可以點搞
次次以為清得返啲毛出黎過多排又係紅腫含膿有毛塞左係入面
仲要呢個位長期好似生完暗瘡咁有黑色印
好困擾

其實大多數護膚品應該都會寫出嚟，
如果實在搵唔到具體成分，可以從質地感覺出嚟，
通常有酒精成分嘅都會特別乾爽，好快就揮發，
而且通常都會有小小酒精味，
除非加咗大量香精、香料掩蓋住

想買面霜，有冇推薦？
本人 長期 淨係用精華 唔用面霜
但最近 發現唔掂... 好似唔用面霜唔好

詳情可以inbox我哋查詢㗎

鼻出油問題其實可以有好多，
有因為油性肌膚油脂分泌旺盛、
乾性肌膚缺水亦會出油；
當然應該每個人每日去到下午時間都會出油，
問題只係多寡。
要區分自己係邊方面問題引起，至可以作出相應改善

點樣inbox P牌仔唔識

我都想知點inbox

敏感同易出油 可以點保養
渣邊類有得舒緩到

家用脫毛機比美容院嘅脫毛機能量會細好多
另外前面亦有講到激光脫毛後會好大機會再生嘅原因係因為通過激光去破壞皮膚毛囊，
之後再生出嚟嘅毛髮會變得幼小，
至於幾時再生返就因應個人毛髮生長程度，
亦因為做激光脫毛同一時間有部分在休止期的毛囊，
做激光嗰陣時根本破壞唔到，
呢個亦都係激光脫毛唔可以斷尾嘅原因。
所以普遍我哋會見到好多美容院都有永久脫毛呢個承諾