做咗美容業十幾年，護膚問題，你問我答

想知有時一啲美容院介紹既護膚產品聲稱瑞士製造美國製造等等，但上網搵完全冇都係得香港美容院post有介紹，係咪其實大陸做？同埋一唔用轉翻普通野就會皮膚差翻

同埋如果塊面茶油都覺得乾，但係又好多粉刺，用咩都好似唔吸收咁應該點做，我t字位都好敏感會成日泛紅

至於毛髮倒生問題，
先問一問會唔會係平時處理毛髮/剃鬚時嘅方法唔正確，
而導致毛髮倒生？
如剃鬚應該順毛剃，唔好逆毛剃，
當然如果嗰個位置有暗瘡，
剃鬚時會容易刮損引致感染而經常反覆生暗瘡

呢個問題問得好好呀
但好無奈地淚溝型嘅黑眼圈係難以用眼部護膚品解決，
因為淚溝型的黑眼圈係眼下凹陷所引起嘅陰影而造成的，搽眼部護膚品最多只能有收緊效果，
但要泵漲填平返眼袋淚溝位置的護膚品真係無乜
最直接而有效嘅方法就係做機/醫美療程/透明質酸針...

多數係OEM 突然間有一排好多暗星推介個D就係

想問下女神針有冇用

可以講多小小？唔係好明

我想問，我係男仔，屬敏感性皮膚，一搽LOTION就會紅同痕

由於我喺OFFICE工作，長期開冷氣，令皮膚好乾，結果攪到好敏感又甩皮又痕，想問可以點做？

(曾經試過用AVENE噴霧，但好似噴完重乾)

你嘅情況其實係属於皮膚屏障已經受損
鎖唔到水分，所以會大量分泌油脂，
通常呢啲情況有可能係之前過度去角質引致，
而呢啲情況目前需要做嘅係修復皮膚屏障及要補充油分，因為水油已經失衡
建議用可以修復嘅成分嚟加厚角質層。
另外亦因爲角質層同顆粒層有一定受損，
所以㡳層有可能存在發炎狀況，亦要溫和消炎

試下Google Search我哋嘅user name

試下Google Search我哋嘅user name

求救求救
以前皮膚一直都好好 通宵，食煎炸野都唔會爆瘡
係黎m 間唔中先爆粒m痘
但近依三個月 兩邊面頰好似傳染咁爆到一大堆
護膚步驟，護膚產品無轉過
去過做facial都無效
點算好

要睇返皮膚膚質狀況選擇合適嘅面霜
例如油性肌膚盡量唔好太厚質地，
因為會容易堵塞毛孔，產生油脂粒及暗瘡；
而乾性肌膚盡量唔好使用含有去角質及酒精成分，
會容易令角質層變薄從而鎖唔到水分，
推薦嘅話可以fb search 我個user name，睇下幫唔幫到你

上嚟做facial會唔會sell我去買你地啲products

估計你皮膚已經有小小屏障受損，
因為角質層太薄完全鎖唔到水分，水油失衡大量分泌油脂。
亦因為屏障受損皮膚係需要用油嚟形成油脂膜鎖住水分，因為唔知你係咪用精油，如果係其實精油有分好多種，
好似你嘅問題可以用玫瑰天竺葵或廣藿香精油令皮膚再生，修復屏障，
當中玫瑰天竺葵入面含有薄荷酮及異薄荷酮可以排黏液，改善皮膚屏障受損引起嘅粉刺；
當然檀香亦可以，因為佢入面有90%嘅檀香醇，
鎖水能力比較強

眼下油脂粒點去除？

心口多暗粒暗瘡＋印
背脊多暗瘡印
都係舊的 咩療程適合？
exuviance果酸 碳粉激光 海藻矽針 aqua peel？
佢地有咩分別 啱唔啱我？

未必一定係大陸制造，
因為澳洲、瑞士等地方其實有好多好細嘅護膚品牌，
當然亦有可能係有護膚品嘅方程式去第二度低成本嘅地方生產
另外多數品牌成分比較適合大眾皮膚，
所以唔具有治療作用，
皮膚唔會有好大改變但唔會用壞皮膚囉，
因為入面成分多數都係一大堆水、甘油、保濕劑、乳化劑、穩定劑、防腐劑等等
另外如果用嘅時候好好但一停用咗之後皮膚有轉差情況，有可能入面成分含有類固醇、激素或抗生素，
咁可能要小心啲，一但用嘅時間超過7日皮膚就已經有咗依賴性，
後面要長期修復再生，等自身細胞強化咗之後至開始會有好轉

絲打有冇美容院推介 唔sell 可以單次買嫁？