做咗美容業十幾年，護膚問題，你問我答

要睇返粉刺係開口定閉口，
開口粉刺即係黑頭，基本係一齊黎，
如果係呢個狀態，我會建議你去試下做深層清潔，
針清會係其中一個清潔嘅步驟，
當然後續亦要補充及鎮定，如果唔係毛孔就容易粗大

F嘅卸妝油，卸妝/清潔效果應該都唔錯，
應該唔會有殘留導致生暗瘡
K嘅防腐劑太多有成4種及乳化劑，會容易堵塞毛孔
但如果防曬方面唔係主要導致生暗瘡嘅話，
可能亦要睇返你本身用緊嘅護膚品入面有冇過度去角質嘅成分
敏感肌膚如果用咗有去角質成分只會令皮膚雪上加霜，
因為敏感肌本身角質層已經脆弱鎖唔到水分，
再刺激角質層只會水油失𧗽，隨時可能令顆粒層都受損

男 毛孔大 兩邊面有暗瘡
成日出油 有無得救

唔知你平時有冇護膚，因為發覺現時好多都唔會護膚，
但就經常過度去角質令水油失衡
初步估計你係油性肌膚，
因為唔知你面部暗瘡具體係咩位置，
有可能係壓力比較大或身體肺部及肝臟出現小小問題，
另外如果接近腮邊位置生，咁就肩頸淋巴堵塞所致，
需要疏通呢部分淋巴排毒。
當然如果底層仲有炎症，係需要促進代謝徹底消炎

用菜瓜水果d舒緩掂唔掂

呢期發現呢個問題 有洗面
保濕
出門會茶少少lotion？ 係咪咁叫😂

咁有無好似physiogel無乜致敏成份同安全既 gel/lotion 用得呀請問

無致敏成分、同無多餘添加係基本要求，
我覺得選擇合適嘅草本成分去改善你想針對性改善嘅皮膚問題比較關鍵
有興趣可以fb inbox我哋

洗面之後有用水+Cream已經好好了
但係如果洗完面之後只係搽咗水保濕，
冇即時搽Cream鎖住水分，咁其實出油狀況都係一樣
因為水分冇即時用油Block住嘅話，係會流失令水油失衡㗎
所以洗完面之後應該搽爽膚水後，
趁面部仲濕潤時，即時搽Cream喇

有咩cream介紹 呢家用緊果隻
用一陣就無曬 又貴

第一次去旺角某連鎖(?)美容院做facial，
唔係好識點拒絕 算係好強迫下買左個收毛孔laser package
每個月做一次 到依家做左兩次 其實效果唔係好明顯
佢話我係要皮膚底層要消炎同深層補濕
做完之後會針清 但清得好HEA 然後敷番個補濕Masks就完
成個過程覺得間野好呃錢同做得好hea

唔知自己究竟係 皮膚太乾 定係 暗瘡肌 黎
下巴兩側位係勁多閉口粉刺同暗瘡 臉頰都會生
一生暗瘡多數都係石頭瘡(?)黎 黎M個排仲嚴重
毛孔好大

用過好多護膚品都改善唔到呢個問題 有無D咩產品推介下？
其實想去其他地方再做深層清潔同針清
但買左個個laser package要keep住每個月都做一次
搞到我唔敢搵其他美容院針清

同埋臉毛好勁 呢個情況仲想去線面係咪粉刺會更加嚴重？

sorry，好似好多問題咁

我去美容院做左幾次果酸再加保濕後
右邊臉一次過爆左七粒石頭瘡 左邊面三粒
超痛苦
而家冇再生 （因為已經冇再去間美容院）
但右邊臉仲有一點點紅印 而且有啲位仲要凹左...
變左小面積既月球表面
請問可以點搞

係到講就ok

乾到出油可以點搞？太潤又會爆瘡 好唔鐘意揸好多野上面

我面頰位冇乜爆瘡，但一大壓力，額頭，太陽穴就會狂爆瘡，請問用咩方法/用咩產品可以改善？

呢個可以當作一般保濕噴霧用，有一定的紓緩作用。
但對肌膚嘅水油平衡問題冇乜太大幫助。
而且唔知你平時用完噴霧或爽膚水之後有冇用Cream嚟鎖住水分，
因為如果後面無用含有油分嘅產品，咁水分會容易蒸發，出油狀況會越加明顯

可以用d mild 啲cream，譬如Faxxx 價格都算合理。
我以前都試過Faxxx其他cream, 都ok嘅。
你亦可以搵啲含有消炎成分，如有馬齒莧、黃岑根等根莖類植物萃取成分，或含有茶樹成分應該都ok
分量方面其實搽一毫子大嘅cream 就ok ，幫到皮膚block up 之前搽嘅護膚品就足夠，可以慳啲用

我用眉鉗夾 夾得多又變粗
然後而家長期都好似倒生左係入面 成日損左咁樣
無辦法夾到出黎

首先、如果底層有炎症係會不斷生暗瘡㗎，
所以要將底層炎症逐層排出消炎，
呢個係需要一定時間㗎
其次、肌膚類型得乾性、中性、油性、混乾性同混油性五種，
暗瘡屬肌膚問題，
任何肌膚類型處理不當都有機會有暗瘡問題。
另外下巴位置生暗瘡多數同內分泌失調有關，
而你m到會生係正常嘅，
好多女仔m到，下巴位置都會生，之後就冇事
呢d因為女性雌激素下降問題引致，屬正常現象。
可以多飲豆漿嚟調節雌激素
而下巴兩邊生暗瘡同淋巴循環堵塞有關係，
建議通一通淋巴令身體代謝循環好啲
最後、要分清自己嘅膚質，
用啱自己膚質嘅護膚產品，
咁至可以令皮膚達至水油平衡。
有興趣可以inbox 我哋交流一下
不過如果皮膚已經有粉刺、暗瘡等炎症存在，
建議唔好做線面先，驚會感染

假設你真係油性肌膚，
咁毛孔粗大其實係正常，
因為油性肌膚嘅特徵就是毛孔較粗大，
角質層較厚，油脂分泌旺盛
正如你講出街洗完面後就冇搽嘢，
其實皮膚會更加容易出油，會有外油內乾感覺，
而且捽擦子膠碎嘅去角質用品其實并無去角質功效，
形成擦子膠碎嘅係化學增稠劑同一啲其他化學劑成分產生嘅效果，錯覺令你以為去咗大量角質
當然就算係油性肌膚都可以令外觀睇上去毛孔細緻啲，
前提係皮膚必須水分充足，
而確保皮膚吸收到水分，角質層唔可以過薄或過厚

首先，面部產生嘅暗瘡某程度上係身體相關問題嘅反射區，
右邊面生暗瘡代表-肺部乾燥
左邊面生暗瘡代表-肝臟代謝不暢
你做完果酸之後, 唔知佢有冇同你做修復，
因為果酸作用係有棘層，有一定刺激，
後續修復可以鞏固返水油平衡
當然做完之後係咁爆暗瘡，
主要可能係你底層炎症比較嚴重。
排咗出嚟都唔係壞事，呢啲遲早都會生
當然排出嚟需要有個代謝過程。而你目前嘅狀況可以做啲去印同修補凹凸洞嘅療程。
提提你，如果底層仲有炎症嘅話，
做呢啲療程都有可能會刺激出來
因為基底層主管色素、炎症等問題

乾到出油其實已經係水油失衡嘅Signal出現咗了，
而呢種狀況其實需要補油絕非控油，
另外補油亦要按皮膚狀況選擇合適嘅油補，
並唔係話用太厚嘅Cream就可以，
如果隻Cream入面嘅酯質類成分過多，
反而會堵塞毛孔生油脂粒或暗瘡
其實用保濕度較高而質感較輕薄嘅產品再加合適嘅精油都唔錯，
補到水油之餘又唔會「笠痴痴」

壓力大、脾氣差、血液循環差或熬夜都會容易令面頰位置同額頭生暗瘡㗎，
而太陽穴位置生暗瘡多數膽囊出現問題，
通常係經常食外賣或重口味，
建議多食冬瓜、苦瓜嚟吸油脂
首先建議放鬆情緒，因為情緒會影響荷爾蒙，
而荷爾蒙會影響細胞
其次要針對性消炎，令底層炎症排出繼而令暗瘡代謝