做咗美容業十幾年，護膚問題，你問我答

保濕療程有乜推介？

本身大油田 因為工作關係要成日戴口罩
Keep住每星期深層清潔同埋保濕面膜各一次
但係仲係係咁出油 搞到一食熱氣野就好易出粒粒
請問有咩方法可以改先

想問您原本係咪毛髮比較濃密，或者係會唔會用咗啲咩令體內雄性荷爾蒙激增？

每個人皮膚膚質狀況都唔同，先搞清楚您膚質狀況係點（去做開嘅美容院了解同檢查返），先再選擇合適嘅項目療程，先可以有針對性改善。

要了解返自己嘅膚質狀況係咪適合每星期去角質，如本身乾性肌膚或敏感肌，最好唔好過度咁去角質，因為會容易令到角質層受損，起唔到阻止水分流失嘅作用，導致水油失衡，分泌大量油脂出來保護皮膚，從而有暗粒、粉刺形成，亦有可能用錯護膚品導致出油情況加劇。

補充多少少，最重要係分清自己屬咩膚質。
如果係油性肌膚：可使用控油補水產品、一星期一次去角質
中、乾性肌膚：按季節不同適當轉變護膚品，如春季提高皮膚免疫力、夏季補水、秋冬季補水之余仲要補油，兩至三星期一至兩次去角質

唔知係咪錯覺
我每次去做facial佢幫我針清
清完之後一兩日總有幾個傷口會紅腫變暗瘡
係咪代表我唔適合針清？

有少少off topic
想知做按摩係咪一定要識美容
點解間間都話請美容按摩
讀ITEC讀邊個課程最有用？
遲啲可能要返黎香港 唔知點算 淨係識按

打完pico同超頻想保濕
bellasonic岩？

咁可能係原本有暗瘡位置清得唔夠乾淨，感染咗其他地方。
當然亦有可能係本身嗰個位置已經有炎症，咁細菌一感染.....就會好容易出暗瘡

完全分唔到自己咩膚質 由細到大兩邊面都會有一點點好細點既紅 唔痕唔痛 夏天會淡啲 冬天會嚴重啲 好似係 胭脂果個位皮膚又冇咩問題 T字位會出油 眼底附近又有好多粒粒 面又有啲暗粒 點搞好

咁係咪唔關針清果個人既手勢事？
其實針清係咪針好傷皮膚
我下次再做facial係咪應該叫佢skip左唔做？

混乾性肌膚係麻煩啲，所以要分開來處理。
T字部位要控油、定期做角質清潔
兩邊面頰要補水，角質清潔時，最好避一避開面頰位置，因為乾性肌膚唔需要過度去角質，所以需要針對性處理

樓豬開喺邊度？ 我都想得閒做下facial 但唔想比人sell

我諗其他鋪頭可能係想請多功能嘅人
既識做美容又要識按摩，因為好多美容院都想客人鬆馳啲

背部暗瘡應該點去印？

絲打Facebook page係咩

敏感肌面部泛紅問題點解決 成日一激動就紅到紅蘋果咁 同埋樓主點睇肌斷食 Thx

用手擠左變大左，成日係同一個位積返、有冇方法補夠

做完Pico同超頻確實需要保濕，因為細胞受過刺激分裂過，而且角質層亦相對薄弱咗，所以應該做水份補充或者修復再生嘅相關療程會比較好。

但網上都有講話做完pico之後做bellasonic可以修復皮膚，因為我自己未做過，所以就唔直接俾建議你

睇你寫嘅皮膚狀況，我估您有機會係混油性肌膚。

而您話您皮膚由細到大都有一點點好細嘅紅，因為睇唔到你真實情況，大概估應該係您皮膚免疫力下降問題，通常呢啲細細嘅紅，都好似俾蚊咬咁，一陣就會自然消失。

至於眼底有粒粒，應該係您用咗質感較重嘅eye cream，又或者搽護膚品時冇避開眼周部位，引致有油脂粒。

面部有暗粒就要從多方面分析，可以係飲食、作息、使用護膚品不當、工作壓力等等，不過好多時其實都關我哋身體嘅五臟六腑事，要有好嘅皮膚真係唔容易

當然同美容師手勢亦有一定關係，只要清得乾淨就ok，但清得唔乾淨，就會誘發第二次發炎機會。

但亦唔可以skip咗唔清，因為如果唔清乾淨，就只會繼續堵塞毛孔，咁皮膚狀況只會越來越差，只要角質代謝通暢，毛孔可以呼吸，咁皮膚自然冇乜大問題