做咗美容業十幾年，護膚問題，你問我答

做咗喱行十幾年，最近同朋友新開咗間美容院，客人未算多，所以上嚟同大家交流下護膚美容心得打發下時間。

同客傾計，發現好多都唔識護理，或者用錯方法保養皮膚，搞到手尾好長，有問題可以隨便發問，交流一下。

《皮膚分類篇》
問：點分自己係油/乾/中/混合/敏感性肌膚 ？
答：
油性肌膚：全臉毛孔較大，油脂分泌旺盛。
幹性肌膚：全臉毛孔較小，兩頰及額頭容易有幹紋。
中性肌膚：全臉毛孔較小，水油平衡，皮膚較細緻。
混油性肌膚：T字部位較油及毛孔粗大、兩邊面頰較中性。
混幹性肌膚：T字部位較油及毛孔粗大、兩邊面頰較幹性有細紋。
敏感性肌膚：兩邊面頰容易泛紅、瘙癢、甩皮同伴有刺痛感，額頭通常伴有暗瘡粉刺。

lm 一推

《敷Mask篇》
問：皮膚好乾，用完Mask但幫助不大，有咩好建議？
答：主要係皮膚乾燥鎖唔住水份，皮膚缺少油分。植物油裡面含有大量不飽和脂肪酸，不飽和脂肪酸可以幫助皮膚產生神經醯胺，從而令皮膚有韌性，有彈力，恢復皮膚屏障，所以皮膚不僅要補水，仲要補油。
如果你角質清潔得唔夠，就算用再多Mask去補水，都係徒勞無功，所以定期去角質，對後續護膚嘅吸收有好大幫助。

問：幾耐敷一次Mask最好？
答：有好多面膜聲稱可以日日敷，但大家都要根據自己膚質狀況同面膜功能而定。
一般補濕面膜對於幹性肌膚係可以每日敷；油性肌膚可以1星期3次；但敏感肌使用次數方面就要謹慎啲
一般美白面膜唔可以過於頻密地使用，1星期最多用1至2次其實已經足夠；敏感肌唔就可以使用美白同帶有刺激性嘅面膜。
一般清潔面膜1星期1次其實已經夠，因為作用是清潔角質，而角質係唔可以過度清潔，敏感肌喺角質清潔上更加要小心。

《暗瘡篇》
問：點解會生暗瘡同點去印？
答：都係老生常談嘅原因，基本上你係香港人都會有呢啲問題。
壓力、情緒﹑長期捱夜令內分泌失調同水油不平衡，食得多辛辣油膩嘅食物。另外一較少人知嘅就係用錯護膚品，例如用咗啲厚重質感嘅護膚品。

問：點去暗瘡印？
答：暗瘡去印嘅週期同自己嘅新陳代謝有關係，所以如果用護膚品要用盡量用提高新陳代謝同促進血液循環產品。

問：戒牛等食物係咪真係對暗瘡有幫助？
答：當然有，暗瘡肌膚喺暗瘡嚴重期間對於豬肝、蟹、帶魚、牛羊肉一定要忌食。
特別是暗瘡就好嘅階段，一食蝦蟹就會立刻發炎變得嚴重。食用糖、朱古力等高糖類食品，會使機體新陳代謝旺盛，皮脂腺分泌增加，從而使暗瘡連續不斷地反復出現。食用辛辣食物後容易上火，暗瘡者大多屬內熱，無疑是火上加油。有暗瘡者及正在祛暗瘡的都要注意。

《面油篇》
問：點解成日出面油？
答：
1. 皮膚水油不平衡：皮膚缺水，皮脂腺就會分泌油脂保持表皮滋潤，水油失衡就會引致臉泛油光

2. 環境溫度較高：皮膚溫度每升1度，油脂分泌就會增加約10%，環境溫度高，皮膚散唔到熱，就令引致大油臉

3. 荷爾蒙失調：工作壓力、不規律的作息、長時間缺乏睡眠，都是現代女性常出現的問題，往往人導致荷爾蒙錯亂，雄性激素分泌過多。而雄性激素的分泌量與皮膚的油脂分泌量往往成正比

4、飲食過於油膩：飲食攝入過多油脂，正常內部代謝過程消耗唔到呢啲油脂，就會通過皮脂分泌將脂肪排出體外

5. 天生油性肌膚：呢點解釋唔到，天生係咁

有冇全身按摩

無護膚多
按摩唔係去第度咩

喺美容院買到嘅護膚品係咪真係好
次次做完針清塊面都一定會出晒油
係咪因爲皮膚受刺激

想收毛孔用咩好或者做咩facial好?

針清完需要做相關水分補充修復，至可以抗菌同注入皮膚需要嘅養分，咁先唔會過油
應該唔關剌激事，但亦要睇返係咩膚質，有冇用錯護膚品

其實毛孔問題最大原因係水分不足，如果本身皮膚已經水油不平衡同經常熬夜，只會加劇毛孔變大。

隨着年齡增長，亦會令膠原蛋白快速流失，引致肌膚鬆弛，只要皮膚水分飽滿，令細胞壁充盈，咁外觀上毛孔睇起身自然會細緻。

簡單嚟講就係做啲深層補水療程，及因應季節天氣轉換合適嘅護膚品，如油性肌膚：控油補水；乾性、中性：夏天補水、冬天補水補油

《黑眼圈篇》
問：黑眼圈成因同解決方法？
答：長期熬夜、飲過多酒或咖啡﹑過敏性鼻炎，醫學上仲會分為結構型黑眼圈、血管型黑眼圈和色素型黑眼圈。改善黑眼圈係一個漫長過程，除咗勤做眼部護理之外，仲要保持良好作息，做好眼部防曬都係另一個預防方法。

想打雀斑 ， 好細個就有， 大約要幾錢？

面上嘅粒粒同油脂粒可以點搞？呢幾排唔知係咪因為天氣潮濕好似多左好多
但同時我臉頰 鼻嗰啲位又有少少甩皮同乾
究竟我係咩皮膚性質
想試下做facial 但又唔知做邊樣好

有咩產品可以收毛孔啱男仔用同埋平時洗面
有冇咩面膜介紹用下

如個好細個就有雀斑，有可能係屬於遺傳性雀斑，嚴格來講去唔到，只可以淡化，所以建議做一啲簡單嘅療程，保持住皮膚水油平衡，價錢唔會太貴呀

暫時咁睇屬於敏感肌膚，可能關皮膚唔夠水分事，水油唔平衡會引致油脂分泌旺盛，從而有粒粒。

另外亦有可能用咗唔啱你皮膚嘅護膚品而影響，建議你可以做啲「抗敏修復療程」，因為您兩頰皮膚同鼻現時應該會比較脆弱，搽護膚品時亦應該有刺痛感及好似皮膚用乜都唔夠潤，所以要先抗敏修復。

不過而家都係表面分析，好嘅美容院會喺開始前同你檢查完，先再建議返合適嘅療程。

要先睇返您係咩膚質，如果乾性肌膚，可以用溫和潔面產品，油性肌膚則可以用清潔力度稍強嘅產品。

當然唔係話日日都磨砂，因為皮膚角質層唔可以過度咁清潔，如果過度清潔會容易令角質層受損。

另外面膜方面都要睇膚質而定，當然如補水方面嘅面膜，基本大多數人都可以用，唔好揀太多化學成分嘅補水面膜會就可以

絲打間美容院喺邊？
咁啱我最近想開始試下做
完全唔知啲步驟價錢嗰啲嘢

有冇咩牌子介紹

黑頭切記唔好用手去擠，因為會容易令毛孔變大，仲會令皮膚組織受損。

去黑頭建議搵美容院幫手，自己平時都要注意定期清潔角質，因為皮膚有週期性，如果唔定期清潔角質，會容易引致角質代謝不暢，後果當然係容易有黑頭、粉刺及暗瘡，嚴重會出現暗瘡𠻹

尖咀個頭，唔喺度Hard Sell 啲plan啦
真係想知嘅可以PM我地Facebook Page
唔一定幫襯我地，比少少建議您睇下點幫到你

你問我一定係自己㗎

脫面毛十幾次斷唔斷到尾