做咗美容業十幾年，護膚問題，你問我答

我皮膚出油出得好誇張。特別個鼻，洗完面開1分鐘就開始出油，一個鐘之後直情反哂光。有時搽咗啲保濕gel出得仲快，都唔知點解 有冇啲咩控油方法講下
利申：20直男

要睇返係屬於邊種膚質狀況至定到應該用邊種類型護膚品。

另外如果係週期性至出暗瘡，某程度係正常嘅，通常過咗生理期會好小小，但如果暗瘡比較多，有可能同內分泌失調有關

食A酸其實已經屬於極端治療暗瘡嘅方法，都會容易反覆同令皮膚好乾。

如果問題性比較大，建議可以每星期清潔一次，同埋做針對暗瘡而定嘅療程會比較合適，當然亦要按實際皮膚膚質狀況而定啦

極想問下巴好多呢d 系咪粉刺？應該點搞先清到？

我喜歡慢慢一條條鉗出來
不過之後冇用爽膚水⋯⋯

想問下 點樣清返痘根 之前暗瘡未熟走去清 結果紅左一達 仲要凸起身

lm

如果敏感肌膚 夏天出好多油 個skincare程序係點？
同埋敏感皮膚去角質產品用咩岩？ 謝謝

想問下凹凸洞來講用pico定矽針比較有效？thx

塊臉幾個月前開始陸陸續續出現呢d 紅印，一洗完臉佢地會好紅，但幾分鐘之後佢地又會消失，變返唔太顯眼既紅印。我想問呢d係咪暗粒來的 點解佢地浮唔到出來，又冇膿頭又唔會突起又唔痛，但就搞到我塊臉一撻撻紅色咁 請問樓主有冇解決方法suggest吓 thxxx

您係指General定點先

個人感覺香港美容業嘅生態唔係咁好，好多市場嘅需求從來都冇被滿足過，所以我地希望做啲同市場唔同嘅嘢。

喺韓國嘅美容業，佢哋叫美容叫全膚管理，大概係講點樣從面對面交談中，了解想改善皮膚問題表徵以外之其他內在問題，從而作出一連串的皮膚護理包括生活習慣的建議。

其中嘅學問同知識相互嘅關聯性，並唔係一時三刻可以學識，要精更加要長期嘅堅持。

所以而家想入行而又想做得出色出眾，唔想令人反感，首先要摒棄傳統美容嘅流水標準作業模式嘅固有思路。

有興趣可以Inbox我地Facebook交流下呀

如果係咬住下唇至有呢個狀況，摸落去似雞皮嘅話，其實係每個人都有嘅皮膚結構，並唔需要去擠佢，一陣搞到有「瘌」仲麻煩。

但如果唔咬都有呢種閉口性粉刺嘅話，就要處理咗先，因為每日都會不斷分泌油脂令毛孔堵塞，容易滋生痤瘡桿菌形成暗瘡，建議去美容中心搵美容師處理

係呀

想問有冇見過脂溢性皮炎既client?同埋多唔多?

ok thx

最近諗住轉用金盞菊既product 如果想改善去紅要點做？強化角質層既話 係咪唔應該再用果d撕拉臉膜同去角質層既產品？thanks !

出油好誇張，要睇返您係咩皮膚膚質狀況，因為唔知您係油性肌膚定係乾到出油，可能您用緊嘅gel唔係咁適合你，否則應該唔會咁快出油。

另外，洗面最好用啲刺激性低、唔會抽乾皮膚水分嘅溫和潔面產品比較適合

黑頭一條一條鉗，呢個係高危嘅動作。

第一，唔知您隻手或個鉗有冇清潔乾淨，因為好容易感染變成暗瘡，好多酒糟鼻都係咁樣誘發出來。

第二，咁樣按壓好容易令到毛孔仲粗大。兩者都會令油脂分泌物更多，更難清理。另外冇用爽膚水皮膚會容易變乾，導致油脂分泌旺盛，建議唔好自己搞喇。

建議可以刺激佢令佢再谷出嚟，然後再清乾淨，之後再淡化暗瘡印

敏感肌膚係因為皮膚屏障受損令角質層鎖唔到水分，從而令出油狀況更明顯。

建議做啲修復療程令角質層正常返，達至正常肌膚。

敏感肌膚就唔好用去角質嘅產品喇，本身角質已經受損咗，唔好再去刺激喇

凹凸洞形成嘅時間，如果係已經好耐，建議做pico等能量性刺激膠原蛋白增生；如果形成時間比較短暫，可以做矽針解決毛孔問題

呢啲應該係同皮膚免疫力下降有關，想問平時會唔會好夜瞓？如果經常夜瞓嘅人容易令皮膚免疫力下降，導致皮膚出現啲類似紅疹嘅問題，建議作息正常同用啲可以提高皮膚免疫力成分嘅產品