做咗美容業十幾年，護膚問題，你問我答

同求

係呀 啲紅真係一陣就會消失之後又翻翻黎 等我仲專登揸啲護膚品落眼到 唔輸蝕咁 我身體又麻麻 唔怪之得皮膚咁差 樓主好勁 求Facebook page

你個間有咩保濕療程岩打完pico同超頻做?

下巴（嘴脣下面）有好多粒粒完全唔知點解決有試過定期去角質但係都清唔到 想請問一下有咩方法可以解決到 thx

眼下邊好多油脂粒可以點整走佢？係底層 完全喳唔到

尖沙咀得閒嚟坐下，無套餐比您買

User Name就係

睇相佬呃您十年八年其實User Name就係Facebook名

我下顎同右面頰成日生石頭瘡 斷斷續續
想知咩原因
利申唔知自己膚質 唔油亦唔乾 嘴角有些少敏感

想問內乾外油既應該用邊種護膚品比較好

首先要搞清楚，背部係暗瘡定淨係暗瘡印。

通常背部有暗瘡，都關淋巴循環系統問題，需要通淋巴處理

而背部如果淨係得暗瘡印，就關身體代謝比較慢事啦，可以做一啲背部美容療程，同埋平時做返多啲多做運動啦

上Facebook search 左樓主間美容店
多數都好評 話單次消費唔洗開course
同埋做足3個鐘facial
想問樓主係咪真？如果我想做清黑頭補水療程大約幾錢一次？

如果面部凹凸洞比較時間長同大面積，建議做醫學美容刺激真皮層會有效啲，做完之後仲要勤做修復同補水，亦一定要keep住用防曬。

另外想知您係點判斷自己係超油性肌膚？因為好多人因為見面部大量出油，或有好多暗瘡都會認為自己就係油性，但其實有可能皮膚係其他膚質，例如大量缺水引致大量出油，從而油脂分泌過盛出大量暗瘡。

當然如果您經常大量出油脂就要用一啲控油產品，而唔係用油來代替

敏感肌相對比較脆弱，建議做啲抗敏療程，或者用抗敏抗炎嘅護膚品去修復肌膚屏障。

肌斷食方面，皮膚狀態較正常嘅人可以一試，但亦要小心嘅係，始終而家嘅環境、飲食等問題污染更大，但敏感肌就唔建議咁做

要睇個毛孔有幾大同幾耐，如果短時間又唔算大嘅，可以做啲激活基底層嘅療程。

如果比較大同時間較長嘅，建議做機去增加膠原蛋白，咁先可以收細返

Username就係

我嗰度有修復再生管理療程，専為做完Laser、醫學煥膚同皮膚科治療後等術後修復防護，亦有鎖水保濕管理療程

想問下巴位置係咪好似雞皮嗰啲？

如果係就唔需要理，呢個係每個人都有嘅皮膚結構，如果夾硬去擠，搞到整傷皮膚會留疤仲麻煩呀。

眼下面油脂粒，應該係用咗質感較重嘅eye cream導致，或者搽護膚品嗰時冇避開眼周。

因為眼部肌膚比較脆弱，皮膚亦比較薄，可以的話喺美容中心處理會比較好。

下顎同右邊面嘅石頭瘡，基本上都係淋巴系統堵塞所致。

而嘴角容易敏感，可能同你腸道消化系統有小小關係。

你而家嘅狀況，做相關去暗瘡療程同通肩頸淋巴相對會較好，另外護膚品亦要用啱，到時請教下美容師呀

內乾外油，通常應該係中、乾性肌膚機會較多。
因為皮膚過分缺水而導致大量分泌油脂，所以要因應季節適當轉換護膚品。

例如：秋冬季補水補油，夏季補水。3、4月分香港天氣比較潮濕，所以皮膚會容易出現敏感症狀，所以呢段時間亦要日頭補水、夜晚補水補油同提高皮膚免疫力

係呀，我哋唔會額外收呢樣收嗰樣，慢工出細貨嘛，最近都有做相關療程嘅Promotion ，有興趣可以喺Page 度Inbox了解下

皮膚喺外面一整日會比較污糟，夜晚做好清潔，如果認真卸妝同洗面，對皮膚後續護膚品吸收比較好。

但其實臨瞓前同夜晚做好洗面分別不大，除非洗完面又出咗去啦，咁就要清潔多一次比較好