做咗美容業十幾年，護膚問題，你問我答

叫咩名

想問美容院nxx beauty 好定中環果間swixx reju好

想問美容院nxx beauty皮秒好定swixx reju好

其實女神針同坊間嘅海藻矽針原理係一樣，
都係刺激基底層打開通道令護膚品直接滲透基底層，
而唔係同平時一樣停留係表皮層
可能係入面成分會有唔同，
但後續需要吸收嘅嘢大致相同，
都係需要按皮膚需要而補充相應嘅成分

唔知你平時嘅護膚步驟同用邊啲護膚品，
因為多數敏感肌都係使用咗唔適當嘅護膚品或經常用鹼性比較強嘅產品過度去角質，亦會容易導致敏感肌狀況。
另外你目前狀況似係皮膚屏障受損或者皮炎，
所以最好先修復同用返可以提升皮膚免疫力及抗敏、溫和消炎嘅產品，
到皮膚穩定咗再用再生類促進皮膚細胞再生，
加厚皮脂膜達至水油平衡

我試過用kie___ 同fan__ 嘅防曬，有做正常洗面程序，點解次次用左防曬一日都會生暗瘡？

補充多少少，唔用cream 真係唔係咁好，
因為你洗完面後搽幾多有效嘅護膚品，
最後一個step如果冇用cream block up，都係冇乜用。
唔好慳最後一步搞到前期做嘅護膚步驟徒勞無功

通常我哋會建議，至於用唔用係客人嘅意願

眼底有油脂粒應該係你使用咗質感較重或者高油性eye cream，
又或者搽護膚品時冇避開眼周部位引致有油脂粒。
後邊搽護膚品儘量避開眼部，
如果習慣咗搽眼霜，最好用薄身質哋嘅就可以。

唔好意思我哋淨係做面部護理冇做身體嘅。
你嘅情況明顯係身體排毒機能失衡，
建議你可以做全身通淋巴，
咁樣可以加速代謝促進循環，
對去印都會好有幫助。

果酸有輕度煥膚嘅效果，
可以去印及改善暗粒嘅問題，
只要皮膚唔太薄或敏感都可以用，
treatment後皮膚要及時補水及修復

碳粉激光可以淡化暗瘡印，但係如果底層爆緊暗瘡就唔好做，會更加嚴重

Aqua peel係負壓去吸肌膚底層嘅代謝物同黑頭，
但當然前期要充分軟化油脂及黑頭先可產生最大嘅作用。呢個只係深層清潔嘅其中一個工具

至於海藻針，我哋同坊間有啲唔同，
有興趣可以去我哋嘅fb page 睇下最近嘅資訊可以知多少少

可能係身體方面出現咗問題肝臟或肺部等，
又或者最近壓力會唔會比較大
另外暗瘡問題唔會突然之間爆出嚟，
通常係3～5個月潛伏期，
即係3～5個月前累積嘅，
而家至爆發出嚟，
平時會唔會經常食朱古力或飲用奶類製品及比較毒嘅牛、羊、海鮮，
因為呢啲都會容易令暗瘡問題惡化

呢個問題好難答你，鹹魚白菜各有所愛，
但係你期望嘅同時都係我哋嘅理念

唔好意思因為呢兩間都冇試過，
所以俾唔到實際意見你

K係化學+物理防曬，
如果唔用卸妝用品比較難卸乾淨，容易堆積油脂生暗瘡F係全物理防曬，理論上係冇問題，
會唔會你前面搽嘅護膚品中都有容易堵塞毛孔嘅成分
另外如果有化妝嘅話，用卸妝水係卸唔乾淨㗎，
要用油或乳至可以令皮膚做到乳化效果，
深層清除毛孔內嘅油脂或污糟嘢

淚溝型黑眼圈屬於「結構型黑眼圈」，
而呢種又會分為兩個小種類。
一種係「後天型」，
係因為皮膚鬆弛形成嘅眼袋等因素，
導致相關嘅皮膚凹凸不平，
係陰影嘅作用下，睇上去似黑眼圈
而另一種係「先天型」，
呢種黑眼圈係由於淚溝位置凹陷導致嘅陰影，
望上去似黑眼圈。
可以睇下自己似邊種多啲，
亦因為我哋冇做開呢方面嘅療程，所以亦唔知有冇儀器可以做測試及實際療效

有咩眼霜推薦？

粉刺點搞好?

我睇返你頭個post，我估我係敏感肌（我唔知關唔關事，提左先）
我都係用佢2間鋪頭自己出嘅cleaning oil

我係冇化妝嘅
可以做啲咩先可以避免到查防曬但唔出現暗瘡嘅問題？
唔該晒

可以用質地較薄身嘅眼霜，
或者可以用成分含有EGF嘅眼霜，
即係Epidermal Growth Factor表皮生長因子，
佢係由53個胺基酸組成嘅多肽，
亦係人體內固有嘅一種活性物質。
通常BB嘅皮膚中EGF含量最多，
但係隨著年齡逐漸增大，
皮膚中嘅EGF含量逐漸衰減，
皮膚就會容易出現老化現象。
使用EGF成分嘅眼霜可以令細胞分裂及重組，
達到緊緻功效