做咗美容業十幾年，護膚問題，你問我答

想問你會唔會關於脱毛嘅問題

打漏個知字😂

以前臉部濕疹好嚴重 而家好反
額頭 兩邊臉頰仔細睇好多紋
有咩方法可以改善
(用開手工皂 人哋整嘅金盞花油)

唔好意思呀，脫毛方面嘅問題比唔到太多意見您

我估您應該係乾性肌膚，一般乾性肌膚用皂類產品其實唔係咁適合，不過見您話入面有金盞花油應該會好小小。

想知您洗完面後嘅護膚程序，平時有冇補油

我都係咁

隔離咪有個脫毛POST

係呀乾肌以前睇醫生講過我油脂腺分泌好差 缺油
鼻有時會出油溶妝 額頭同臉頰乾
壓力大嗰排嘅話臉頰會生好多暗粒

洗臉>洋甘菊化妝水>B3B5精華>金盞花面霜>額頭+臉頰再搽金盞花油

唔該哂絲打

啪骨其實係得㗎，只係啪得多，軟骨同軟骨之間會鬆，亦都需要注意嘅係，要搵啲有專業資格人士做返

暗瘡印其實係紅血球壞死、鐵元素上浮形成嘅激發性色素沉著

暗瘡印淡化嘅過程係黑色->紅色->淡紅色->淺啡色->淡粉色->原本膚色

呢個代謝嘅過程中，需要大量補水，令皮膚水分充足，使用可以促進新陳代謝嘅產品。

否則長時間就會容易變色素斑，咁樣就好難退，你呢個情況可能已經係色素沉著，變咗色斑。

鬆左會有咩負面後果？

您嘅狀況似係缺水缺油得太明顯，亦即係話現時用嘅產品對您可能唔係好夠，平時有冇用防曬

其實鬆咗又唔係話好大影響，只係任何嘢都嗰度，咁啪骨整靚咗個面形亦唔需要再搞多幾次

冇啊冇用防曬

做唔做到金城安咁白淨

點睇無針埋線?
本身想做RF, 但應該無針埋線既效果會好D?
(想改善法令紋)

請問修復療程即係咩野呀?

之前爛面好嚴重食a酸好翻d

依家塊面好多印好多暗粒同成日都好紅，應該要點處理

過往用過無數咁多護膚品面膜，好多都一用塊面就好紅好興（特別係面膜）

基本上塊面已經變左月球表面，我亦都接受左，只係想唔好咁紅同咁多暗粒

求絲打介紹去暗粒產品同埋面膜

利申：洗面潤膚防曬都用緊cetaphil，暫時覺得用過最適合

唔好意思，呢排太多客所以遲咗覆
不過大家留咗嘅言我有時間會覆返㗎

無論係唔係戶外工作，其實都要搽防曬

因為即使係室內，都有機會接觸到紫外線，每日出街前，搽防曬霜可以防止色斑同減慢肌膚老化，建議用返物理防曬嘅防曬霜。

當然，要揀啱自己嘅防曬，起碼唔好黐立立同泛白。