做咗美容業十幾年，護膚問題，你問我答

補充：食得好清，唔食甜，日日瞓7個鐘

我皮膚應該係乾肌（洗完面一陣乜都唔搽都唔會點出油，搽左保濕出街全日都係下就先出少少油）

但鼻兩邊毛孔好粗 兩邊下巴近半年出左好多類似暗粒既野 望落睇唔出但一摸就好鞋

見果酸煥膚好似收到毛孔同去暗粒 但會唔會令皮膚更乾

仲有先25歲但法令紋好深 樓主有冇咩facial或者護膚野有幫助

唔該晒

開係尖咀一定好貴

唔好意思，收工食完飯返到屋企都成11點幾
而家慢慢覆返大家

敏感肌膚其實只係一種狀態，經過修復後皮膚會變返正常，咁到時就可以做激活性療程或者laser。所以，現階段你需要嘅係令皮膚修復再生

做完pico呢啲能量性大嘅療程，應該做返修復性嘅護理，或者用修復再生嘅護膚品，令細胞可以回復正常，就可以退返

唔洗客氣，大家交流下

咁要睇返您本身身體循環好唔好，如果平時有做開運動嘅，咁身體代謝能力會好啲，亦會自己代謝

想問平時係咪好夜瞓，因為額頭油脂粒、暗粒某程度係作息、壓力引致肝臟代謝不暢，從而係額頭反應出嚟。

同埋，其實果酸可以密集式10日做一次，當然間間美容院做法唔同，成分亦會有分別。

另外，配合適合自己皮膚嘅護膚品效果會更明顯

通常生呢d粒粒洗唔洗去睇下醫生

平時會唔會用手擠鼻嘅黑頭？

因為如果經常用手擠，會令毛孔粗大，會比較難收細

另外，下巴位置同身體狀況有好大關係，想問平時嚟m會唔會嚟得唔好？例如時間、量或顏色

同時，亦有可能同腎有小小關係

最後就係做完果酸呢類令細胞有刺激性嘅療程之後嘅三日，其實係要敷大量補濕面膜同補水護膚品，如果做完後冇做足，咁皮膚就真係乾返轉頭喇，做咗仲慘過唔做

補充小小，法令紋要做面部按摩或經常做機，至會有改善，同埋要堅持啲先會有效果

thx r

最近兩個星期都做緊優惠，價錢喺同行嚟講又唔算太貴，有興趣可以試下

每日瞓7小時 我覺得幾足夠
食野好清淡 無食甜食
搽野只用無油成份嘅護膚品
唔知點解朝早洗完面搽完野 一到晏晝個額頭就已經勁油

去暗瘡印最好使用含有咩成份護膚品？用過果酸，勤力做磨砂，做過一次海藻殖針，效果都麻麻 ，要咩產品比較好？
另外我想問生暗粒係咩原因？又可以搽咩解決？
如果內分泌失調出暗瘡用麥盧卡樹油得唔得？
唔好意思問咁多問題

如唔係好嚴重嘅話，其實亦唔需要睇醫生，因為醫生都有可能係開A酸或類固醇俾您搽

當然，亦要睇返您自己覺得問題大唔大

通常所講嘅睡眠唔係瞓夠幾多個鐘，而係我哋嘅生物鐘，正常作息時間應該係11、12點瞓覺，咁起碼都唔算太夜瞓。

另外，如果您皮膚毛孔好細，我估您應該係中性或乾性皮膚，呢兩種皮膚通常比較少大出油，有都係正常常咁出小小，如果大出油唯一原因，就係皮膚太缺水，而且秋冬季同而家春天潮濕，就更加需要補水補油

您做果酸及海藻矽針嘅時候，有冇做埋淋巴排毒？做果酸同海藻矽針時，有冇補充您皮膚需要嘅成分，同埋做完三日，有冇密集護膚？以及三日後，有冇做埋修復療程？

其實呢幾類刺激性療程對去印係有效嘅，只係每間嘅做法同產品成分唔一樣

補充小小，生暗粒亦要睇下係生係咩位置，因為唔同位置代表身體唔同部位發生問題。

不過通常皮膚水油失衡，就會出現好多問題

就算唔化妝亦要每日搽防曬，無錯，係每日，即係話陰天亦要搽。

唔搽防曬，除咗會令皮膚冇嘢阻隔紫外線而引致乾燥缺水問題，仲會令皮膚提早衰老。

另外，每日缷妝同洗臉，手法應該係輕柔嘅，如果乾性肌膚，最好唔好用洗面膏，因為會越洗越乾，令角質層容易受損

如果唔想眼周細紋更深，可以用眼唇卸妝液去針對眼唇部位，咁傷害會比較少。記住缷妝同洗面，只要充分乳化咗，咁輕輕按摩就可以

一直都冇乜黑頭個啲 都冇乜擠 所以我都唔知點解毛孔變粗大 一直想靠保濕同去角質收細 但成效好似唔大
睇前面見你話乾肌要補油，其實姐係點？一用啲油性啲既保濕會好易覺得焗

係呀一直黎m都好差 會黎兩三個星期唔停 又有時會啡紅咁 睇西醫話冇事一直都睇中醫調理 但皮膚之前都冇事。一畢業番工就開始生暗粒 仲愈生愈上就到臉頰 咁做針清清左佢再保濕係咪會好啲？

同埋法令紋要做機係指邊啲機？
好多野問 唔該晒你呀樓主

咩係淋巴排毒？做果酸後有搽啲藍銅勝肽修複精華，做矽針都係，搽精華同full mask ,唔知係咪你講嘅修復療程
除咗呢幾種之外，搽美白精華得唔得？

點去黑頭+收毛孔？有咩產品介紹
點解每次敷完面膜第二朝起身塊面就會岀曬油？

其實精油係唔會堵塞毛孔㗎，因為精油嘅結構分子同皮膚皮脂好似，所以對皮膚只有好處。當然，亦要按季節用，同埋亦要用好啲嘅Aroma 精油。

另外，生理期唔好，更加以用精油嚟改善，例如大馬士革玫瑰精油或玫瑰天竺葵精油，每日喺腹部按摩，可以調節女性雌性荷爾蒙。

暗粒當然要清咗再補濕會比較好，因為唔清理乾淨，只會繼續堵塞毛孔，變相亦吸收唔到任何嘢。

最後法令紋問題，做機即係刺激膠原蛋白生長或通過啲可以提拉皮膚嘅儀器。雖然效果可以即時見到，但都要經常做。您亦可以透過耳穴去改善法令紋，只係時間會長小小，如果想即時見到效果，可以經耳穴嘅耳尖穴位穿刺，效果可以即時見到