是咁的。小弟係28car 見到有架車賣,有興趣就約左睇車。架車係日本經bid 車公司(下稱車行) 幫L 先生由日本bid 翻來香港。文件有齊,L先生都比哂錢車行。L先生bid 完又唔想要,放左架車年幾都冇岀牌。
睇車日正正係十號波前一日,因為車場露天,L當日拖走架車去佢相熟車房。當時我亦只話再考慮。
一星期後,傾好價,約左去車房睇多一次。睇完就OK左,約左一星期後簽約比訂。 簽約日為:2018年9月25日
比埋尾數係車房取車(10月2日), L生亦有簽收尾數。
故事重點來了: 11月14日 L 生WhatsApp 我一張車房維修單據(收據日期:9月21日), 一共$3480。整左一埋我冇要求過既野。要求我過錢去L生户口。
我老西都唔比,屌撚哂鬼。
因為咁L生要求車行唔好同我岀牌(法律規定入口車一定要由入口商去岀牌)。
就係咁,我攪上海關,運輸處,小額錢債,足足搞到今年二月都未岀得牌。我有哂所有文件,買賣合約,車行依舊要求L先生批准先肯同我岀,話因爲怕L吿佢地。最後因爲冇一個部門幫到我,最後都比左三千幾L生。 而家岀左牌。
分享下比大家想大家買車小心。間bid 車公司叫(Vin X CXX, 古XX) (L生係呀嬌代言間野度做)
另外想問下熟法律既巴打們,有乜方法可以拎翻條錢。
可能有巴打覺得我好on9比錢佢,不過唔比錢,架車就係廢鐵,蝕十幾萬。所以決定以後再追翻條錢。