我意思係可以用迫力控慢架車,但要留意極力子唔好吊太高,因為當你左腳吊得高,同時右腳乸住個迫力會容易死火
所以當你發覺架車太快時,應該踩返深少少極力子先,咁樣就可以收走個動力,避免死火,當然都可以同時印住迫力再控慢啲架車。只係要留意臨停前都係要踩盡極力子,否則會死火
純吊極力子泊位/掉頭,原則上係可以,但我自己都極少咁做。第一,減速嘅反應比踩迫力慢(因為原理不同);第二,如果係暗斜,淨係踩盡極力子而冇踩迫力嘅話架車就冇動力/阻力,咁就會隨地勢而溜,所以最終都係要落迫力嚟停定架車
練習多啲,咁兩隻腳就會配合得好啲
利申:揸開棍私