你行過成條路未先?
係咪最起碼去到禮頓山先停?
咁我當你前面都熟啦,禮頓山cut番入左線,因為段路都長,你有機會可以試上3波(前題你要好熟轉波),因為係得果個位有機會俾你Show off上3波,記得上斜前要收油落brake轉番2波上斜路,(如果紅燈就落brake轉2波停車,1波起步上斜唔好轉2波,keep住20km以下,慢唔緊要,唔好引擎太嘈/為轉2波而死火就得),斜路停車基本野你識架啦,斜路開車要吊耐少少極力子先好放,因為太斜,要俾時間波箱卡番實,太快鬆極力子就會死火,一死火你驚溜後一亂就肥得。
上到頂平地坑渠蓋轉2波,望鏡另頭攞右少少,落斜hi住個brake,如果唔係斜路轉紅燈你就一定停唔切死梗,過左紅燈一轉二,記得打燈望鏡另頭(記得!記得!記得!好多人死呢個位冇望,另頭另到撞落玻璃窗就一定冇死),cut番右線入袋口位停一停轉1波,對面冇晒車先好出,轉番上南華會記得留意死車同對頭車,讓!讓!讓!
所以,你唔操可以消化到以上呢堆既...都係神童黎架啦
利申:複製師傅所講,每個師傅唔同教法,只供參考