意識到自己不足就好,最重要係學習嘅心態
學樓上巴打話齋係經驗問題
個人經驗分享下:除咗操熟架車嘅性能外,呢個階段最好係搵個有足夠路面經驗嘅人跟車,或者索性出去補鐘,因為佢哋熟悉路面文化同語言(例如點樣睇位、行迴旋處嘅江湖規矩、點用死火燈、閃高燈有咩意思等等),同埋警覺性、判斷力都會比你好,有佢哋跟車可以俾到好多經驗同提示你,千祈唔好介意,呢啲都幫到你
另外多啲望中鏡,自己都學習下防備、保護自己,例如行緊單線路望到自己拉緊龍就識做,打死火燈入巴士站/讓車處讓一讓先,唔拉龍自己都冇咁大壓力;冇車嘅大直路如果後車推你撩你玩嘅話就打死火燈表示唔玩,總之安全第一
仲有,搭車時都可以留意多啲司機嘅動靜,同其他路面狀況,都學到嘢
練習多啲,有經驗就有進步