召喚lihkg所有學神/P牌巴絲 (31)

香港同英國既駕駛考試要求一樣
祇要係停車就要手掣空波望盲點

就係唔識點轉
成日轉彎都俾師傅話太快扭或者扭太多
其實點睇

聽日2點油塘好驚

但我想問下我出迴旋處，我掛住學牌等圈入面無車同最近個出口未有車出我先出迴旋處有錯咩？點解師傅成日話我等咁耐做咩，啲車打左燈出去就鬆手制啦咁，咁我真係無信心出嘛，我驚我照出一陣個考官又踩停我

靠手感，自己feel到轉夠就停或者回軚
我個做法係例如90度角轉彎feel到個前轆過左小小個直角位就開始扭軚。其實扭軚好易練，基本上你10個鐘內一定上手

同埋想問下，點樣可以斜路停車唔chok?
我印brake踩完極力子㗎車停唔哂，會溜後，但加多下brake又會chok?可以點停得舒服啲？

冇錯
但新手同老手對讓綫係有分別
因為香港地車太多
老手見到稍有空位而影響唔到大路既車例如導致佢會煞車就出去
新手(包括我呢個p牌仔)預計能力較差，所以要等到好多空間出現先敢出去

但如果遲遲唔出既話考官係可以肥你，所以油塘考生要練習下一有位就攝出去

加油

踩咗極力子，臨停定嗰下放返少少迫力（降低減速率），停定嗰下又要踩返實迫力（防止溜後）。呢個要靠練習，掌握好大概放幾多迫力先得，但考試信心唔夠嘅話情願chok少少好過溜後

咁點先為止遲遲唔出
我油塘為例，大本營個出口，如果上高超道，內圈有車同高超道出口有車入緊我一定唔會出，因為我有啲難判斷佢會繼續轉定出

斜路係先踩極力紙再踩break
因為斜路關係，如果先踩break再加埋本身斜路關係力量會急速地自然流身，所以會chok
正確做法係先踩極力紙，力量會因為斜路關係自然有減速效果，然後再踩深小小既break停定

唔需要擔心空波滑行
因為斜路力量會自然流失關係停車由踩低極力紙先同落break完全停低係大概兩秒左右，不足以構成空波滑行

多謝樓上2位巴打教路，聽日考之前再練習下先

試下睇燈，如果佢地打左燈就代表下個出口轉出
但其實唔需要理佢轉定出
踩住極力紙入定一波但唔好摩擦點
圈內車有一個出口位距離即刻升到摩擦點鬆手掣再比油

簡單講，望遠少少，一見到1點（即對面）至6點（你自己位置）冇車就（先好）出，出嘅時候要果斷，唔好窒下窒下。當然，萬一上一個路口有車來勢汹汹而且已經到衝路口咁你都要小心

如果1點到你嗰度有車，唔好出，如果真係有車，佢大不了細剔你「判斷力弱」，但唔可以因此肥你

油塘3個路口都係平路/落斜嚟，俾啲信心自己起步啦

問題係迴旋處嘅燈並信唔過（香港太多人亂打燈）
睇準佢最終點扭為上

比住油鬆手制啦on9

點解唔問你師傅?
你無師自通淨係租車?

咁咪扭小D,動作柔D慢D
條路咁大
唔洗大動作都可以過曬

你上個出口既車打左燈都唔好出住
有機會係外圈狗
你見佢車頭係確定向住上一個出口出你先好出
幾千蚊考一次洗咩同佢急
我考18牌德士古道迴旋處排頭位都用左四分鐘先捨得出
寧慢,莫錯
一take pass

brake唔洗太大力
極力子去到最後果秒先踩

講開呢個迴旋處極品嚟，就算用江湖規矩行等過分鐘都係閒事

太多外圈狗啦

多謝巴打，我聽日考個陣會俾啲信心自己㗎啦 等到個半圈無車即出！

停咁耐唔會肥？我最驚係佢覺得有位但我新手覺得唔出得而肥我

係咪極力子唔好踩太急？

柔小小慢慢推到底

你右邊無車黎你都唔出就肥硬你啦
而家講緊你上個出口有車嘛